يموتو وزاراء

[Lonely Girl]

مجرد فهامة مني برك
علاه الوزاراء نتاع ارواحهم اللي لاعلم لافهامة العربيه وميفهمولهاش و يهتهتو فيها بهدلو برواحهم وخاطي الديقات اللي داروها مثل وزير التربية والتعليم ....ب..د.و.ن.ت.ع.ل.ي.ق..........راكم علابالكم ماقدم استقالتو محشم على اصلو والسيدة نتاع الثقافة والخراب اللي راها دايراتو في البلاد ربي برك يعلم بيه تبهدايل وبترخيص من الفوق و و و هدا وذاك.........والله غير يدرزو داخلينها هكداك مش لاقيين روسهم فيها ومش قادرين عليها اللي راهم حاكمين بلادنا العزيزة ويعجبك راهم شادين في الكراسة تقول دايرينلهم فيها لاراديت ميحشمو ميقولو نطلقو البلاسة للاخرين. اواه هادي برك ميديروهاش وش بيكم يخلو الحكم والرزق متصراش لازم حتان يكبرو ويشيبو ويطيبو ويروحو فيها ووالله مهم طالقينها نهار تسمع سي فلان الوزير مات باش تعرف بللي كاين تغيير في الكرسي واللي يخلفو اكيد بنو ولا معارفو وش بيكم الشعب يبقى الشعب تقول نقرو الشخصيات العلماء وناس صح تفهم للسياسة
وعلاااااااااااه ميغيروش رانا ديكوتينا ........​

وللعلم
دزيري showtime فكرة فريدة حول النقاش الساخر الهادف الحر حول الوضع السياسي فى الجزائر من من رأس الهرم والوزراء والولات وأخيرا ورؤساء البلديات وعمالها (( فقط خاص بالشعب ))​

 

[Lonely Girl]

على شكون تحكي ؟؟

عليهم ...​

نقلك حاجة نص الشعب عندو السكر ولاطونسيون وعدة امراض ​

اكل من توجاع راسهم بهاد الامور وفالتالي ماربح والو ​

مالا اختي احنا الحمد لله ماناش موالفين بيهم ... ​

ايه شكون في رايك :blink::blink:
والشعب ماهو رابح فيها ماوالو غير يشتي يدير الهم لروحو بصح قولي برك كيفاه متتقلقش :angry::angry:
ميرسي حمزة عالمرور​

 

[ندى الورود]

أختي أنا ما نشوفش الأخبار ومنحب نعرف حتى حاجة على الوزراء
والله ما علابالي شكون الوزراء اللي في الحكومة ولا أسماءهم
وزيدي علاه نشغل روحي بناس ما يفرقوش بين الشجاعة والسجاعة
والله اللي نعرفها هي وزيرة الثقافة والخراب كيما قلتي
شفتها مرة نهار دارو الجزائر عاصمة الثقافة العربية 2007
بصح قوليلي ومضحكيش عليا راهي مازالت وزيرة ولا راحت
عندها قرون وهي وزيرة لأني على قولة المصريين( متغازة منها أوي)
على خاطر أنا مضربة على القناة اليتيمة ومنشوفهاش خلاص
وما علابالي بوالو​