خاطرة بالدارجة

[Kroko]

خاطرة عبير​

يا عبير يا عبير
هبلتيني يا عبير
​

قوليلي كيفاش نعمل كيفاش ندير
نبقى معاك نحير
نخطيك...؟ هذا ما يصير
يا عبير يا عبير
هبلتيني يا عبير
​

كي نسمع صوتك في التيليفون
نحس روحي مجنون
وكي ما نسمعش صوتك في التيليفون
نحس روحي مغبون
يا عبير يا عبير
هبلتيني يا عبير
​

اليوم ولا غدوة يلزم عليا نديسيدي
نبقى معاك ولا نطير
إلا كنت ناوي الشر ... بعيد الشر
بصح أنا ناوي غير الخير
يا عبير يا عبير
هبلتيني يا عبير
​

مانيش حايبك تفهميني بلي راني نحبك
خاطر الحب معناه كبير
ومانيش حايبك تحبيني
خاطر هذا يزيد عليا تأثير
يا عبير يا عبير
هبلتيني يا عبير
​

هذه القصة ما عندها حتى تفسير
ممكن تكون حكاية من الأساطير
كتبها ربي علي نعيشها
معاك أنتيا يا عبير
يا عبير يا عبير
هبلتيني يا عبير
​

شبه قصيدة كروكو
10 فيفري 2004​

 

[بنت الـ25]

تقراها صحبتي عبير تحير ...تطيح بكريز كاردياك
هايلة خويا
كمل هك برك...راك فور​

 

[Kroko]

أختي سندريلا
شكرا على التواصل
إذا أعجبت صديقتك بها
فسأكون مسرور بالطبع

​