إن كان تحسب عزتي تحت أياديك
وإن كنت بايعني وأنا قبل شاريك
لاتنخدع في كلمتي ياهلا فيك
أول ترى بالهجر ماني بناويك
لين إنكشف قصدك وبانت مواريك
كم قلت لك مليون مره ترى أفديك
وكم قلت لك إحذر من إني أجافيك
لاكن هذا إنت طبعك يوديك
تقدر تجيب القمر تحت رجليك
وتقدر تذل قلوب نفس تداريك
لاكن لوجيتني مع أولك وتاليك
ماتهز شعره في قلب من يحاكيك
عند الكرامه نمشي بدرب المهاليك
من قبل حبك فوق عرش المماليك
روح في دربك عسى الله يهديك
وأنا بعد هاليوم ويش أبي فيك
واليوم أنا يادفتري جيت أعزيك
هات القلم أبغاك تشكيلي وأشكيك
أبيك تقول لكل مغرور يجافيك