الموت لك يا الطبقة المتوسطة *الغاء سرعة 128 وتعويضها ب 256 *

[zinnoo walido]

الغت اتصالات الجزائر سرعة 128 للانترنت والتي هي مستعملة بنسبة كبيرة فالجزائر


والشعب مزالو راقد عاجباتو حال الكونيكسيون وحال غلاء اسعارها

النت في الجزائر في الحضيض بالرغم من أن أكثر من 50 بالمئة من المشتركين كان عندهم 128 فقط
وعذر الشركة هو ضغط كبير على السرفورات .
معادلة بسيطة : كيف رايح يكون الضغط لو أن الـ 50 بالمئة السابقة رايحة تكون عندها 256 ؟؟؟؟؟؟؟؟؟؟؟؟
و نحن ببلاهة ننتظر أن تتحسن الأحوال ؟؟؟؟؟؟؟؟؟؟؟؟

وكاينة حاجة ثانية ان سرعة 256 هي نفسها 128 وخلينا من الانقطاعات كل خطرة

يعني لي كان يخلص 600 دج فالشهر يرجع يخلص 110 دج فالشهر لنفس السرعة

اضدهاد سرقة احتكار من طرف اتصالات الجزائر والشعب مزالي في قيلولة

واضن ان الامر راجع لوزاة التكنولوجيا والاتصال لي لم تنضر حتى في هذا الامر طبعاء لان ابناءها لم يسمعو بشيء اسمه 128 كلوبايت او 256

تصل الانترنات في بلدان مجاورة باسعار قريبة الى الانعدام وهنا فالجزائر 128 منعوها علا الشعب تقول راهم يمدوها باطل



اخواني اخواتي اعضاء اللمة الجزائرية اللي يكون عندو اي اضافات ولا اي اخبار جديدة يوضعها هنا

 

[dana1993]

ايه معاك الحق

خاصة النقطاع

هناك ايام لا تكون الانترنيت ابدا و الله كان وقت وين اسبوع ما كانتش كي تريكلامي يقولك الديلي مات والديلي مازالوا وواحد 15 يوم باه يموت هده هي بلدنا ما علينا سوى التطبيق نسلكوا و نعاودوا نفس الحكاية

وين تروح تلقى هكا ليبورس تاع الجامعيين يغفلوا عليهم نهار ما يجبدوهمش كلاهم بوبي

كلشي مااشي

السرقة ما بقاتش البلاد تاع زمان

ربي يهنينا

 

[zinnoo walido]

ماذا تخبيء اتصالات الجزائر بعد زوبعة ايباد والغاء ؟؟
بعد الزوبعة أتوقع الإعصار الذي سوف يأتي على المتعامل و المشترك .
مبلغ رقم الأعمال للإتصالات الجزائر في إرتفاع مستمر و فوائد بالملايير لم تقنع
مسؤولى هذه المؤسسة فيلجأون للإقتصاصها من المشترك و المتعامل بكل الطرق
قانونية كانت أو غير قانونية الله يستر و يجعل الخير

 

[assoma]

"السلام عليكم"

آودي اسكت اسكت يا خويا وليد
اقعدنا قعدة من الكبار
باي باي يا النت​

 

[poli]

يعني لي كان يخلص 600 دج فالشهر يرجع يخلص 110 دج فالشهر لنفس السرعة

خمم بالعقل ضرك تلقى بلي راهم رابحين في لافار النت بزاف و السلاك قليل .........هههههه
مي فهمت المعنى والله يا وليد خويا واش نقول النت راهي كارثة شوف تاع 512 مساكن توصلهم 120 و يخلصوا تاني بزاف
مي هذا كل كيما قلت انت احتكار
مشكور على طرح النقاش مي واش نديروا هذا الحال في الجي..........ههههههه
سلاااام
​

 

[طارق القبطان]

عندما تضحك عليك شركة الاتصالات وتشفط كل ما في جيبك مقابل خدمات رديئة لاتحزن انت في الجزائر

 

[zinnoo walido]

السلام عليكم

واشنو هذا راكم راقدين ؟


في فضيحة من الفضائح والتي تعودنا عليها في بلاد كلش نمورمال

استضافت القناة الثالثة للاذاعة الجزائرية وزيد الاتصال تخيلو معايا واش قاللهم

قاللهم مسمعتش بيها لا 128 نحاوها ؟ عجيب وزير الاتصال لايعرف مذا يحدث في قطاعه

 

[mirta]

والله غير عندك الحق خويا
نخلصو حق 128 ولا 256 كيف كيف
وخلي الانقطاعات منهدروش خير
:sad:بلاد ميكي
​

 

[zinnoo walido]

منقول عن جريدة الشروق

قال وزير البريد وتكنولوجيات الإعلام والإتصال حميد بصالح أن الحكومة لن تتراجع عن قرار تخفيض سعر الأنترنت ذي السرعة الفائقة "الأدياسل" بـ 50 في المائة الذي اتخذه الوزير الأسبق في أفريل 2008، ولن تعيد النظر فيه، بل على العكس من ذلك ستذهب إلى أبعد من ذلك وستخفض الأسعار بنسبة أكثر، وقال بصالح أن تخفيض سعر الأنترنت مكّن الحكومة من توسيع عدد مستعملي الأنترنت، مؤكدا أنه تم تنصيب لجنة تعمل على مستوى الوزارة من أجل تخفيض الأسعار ووضع تسعيرة تتكافأ مع القدرة الشرائية للمواطنين.

• علما أن عدد موزعي الأنترنت كان يقدر بـ 35 موزع أنترنت على المستوى الوطني قبل دخول هذا القرار حيز التنفيذ، وبمجرد تخفيض الأسعار بنسبة 50 بالمائة تراجع عددهم إلى 20 موزع أنترنت عبر الوطن أعلنوا إفلاسهم وسجلوا خسائر وصلت إلى 50 مليار سنتيم، الصعوبات المالية التي واجهوها جراء هذا التخفيض، إضافة إلى 1000 عامل تم تسريحهم، ويتوقع الموزعين الذين استمروا في النشاط أن تتواصل خسائرهم في حالة عدم تراجع الحكومة عن هذا القرار، والموزعين الذين ما زالو ينشطون يتكبدون خسائر قدرها 3,5 مليار سنتيم، ويتوقعون أن يتم تسريح 1800 عامل، ورغم ذلك قال حميد بصالح أن الوزارة لن تعيد النظر في قرار خفض سعر الأنترنت بنسبة 50 بالمائة لأن هذا القرار يخدم مصلحة المواطن ويندرج في إطار التوجه نحو تحقيق مجتمع المعلومات الذي يعتبر أحد المحاور الرئيسية في برنامج الحكومة.​