اقترب الصيف...فأين ستكون وجهتكم...؟

السلام عليكم احبابنا
المرحوم الهاشمي قروابي غنى اغنية جات لشتا وجات لرياح اليك ياوعدي وجات لهموم قويه اليييك اوعدي...ضرك راه راح الشتا وراحو همومو
لكن انا اليوم راح انغنيلكم جا الصيف وجا التبحار آآآآآيليك اوعدي وجات الموجه قويه آآآآآآآآآليك اوعدي:thumbup:......لكن وين؟؟؟

كما نعرف العطله الصيفيه راهي وصلت وضرك الكثير من الاعضاء يبداو ايخمو وين الوجه تاعهم باش يقضيو العطله الصيف......الاغلبيه تروح تبحر وكاين لي ايرو ح للتل عند الاهل وكاين...وكاين

احبابنا الاعضاء...ممكن نعرفو وين distination ؟؟؟
والسبب الي خلاك تختار هذا المكان



تحيه للجميع
:001_wub:​

 

[بيرلا]

والله لحد الان لم احدد وجهه معينة ​

 

[مهند-]

يا اما تونس ولا جيجيل مدينة في القمة من حيث الاخلاق -الناضر-الاحترام
ربي يبارك

 

[pussy cat]

وقيلا نروحو لفرانسا كادويا تاع لبروفي

 

[امينة ق]

هذا الصيف ان شاء الله نروح الى تيزي وزو لاني متشوق لمعرفة ناسهم و طبعا نتعلم شوي من لهجتم الامازيغية

 

[fateh34]

أنا نقعد في البرج راني سمعت قريب يحلو بحر البرج الدولي

 

[النورس]

والله لحد الان لم احدد وجهه معينة ​

ان شاء الله تخيري بلاصه شابه
وانا من ضرك انوجهلك دعوه ارواحي صيفي عندنا في بسكره درجة الحراره على الاقل 50 درجه:scared:ههههه


شكرا اختي على المرور
وبارك اللــه فيك​

 

[النورس]

يا اما تونس ولا جيجيل مدينة في القمة من حيث الاخلاق -الناضر-الاحترام
ربي يبارك

صح اخي تونس مليحه لكن كيما ذكرت جيجل ثاني ربي ايبارك خصوصا من ناحية المحافظه والاخلاق
انا شخصيا انفضل جيجل على تونس خصوصا اذا كانا في عائله
شكرا اخي على مرورك وان شاء الله عطله ممتعه ليك ولكل العائله
بارك الله فيك​

 

[النورس]

وقيلا نروحو لفرانسا كادويا تاع لبروفي

ان شاء الله اختي عطله ممتعه
شكرا على المرور​

 

[النورس]

هذا الصيف ان شاء الله نروح الى تيزي وزو لاني متشوق لمعرفة ناسهم و طبعا نتعلم شوي من لهجتم الامازيغية

خير ما اخترتي ناس تيزي الاصليين ماشاء الله والمناظر والبحر ماعندي ما انقول
اقامه سعيده ان شاء الله
وشكرا على مرورك العطر
​

 

[النورس]

أنا نقعد في البرج راني سمعت قريب يحلو بحر البرج الدولي

البرج شابه وجوها مليح في الصيف والمناظر مليحه
ان شاء الله ايتم المشروع في اقرب وقت

شكرا خويا على المرور
تحياتي
​

 

[ouargly]

الشوانط خويا كاش ما لمدو مصروف الجامعة تاع العام الجاي :crying::crying:

 

[النورس]

الشوانط خويا كاش ما لمدو مصروف الجامعة تاع العام الجاي :crying::crying:

:angel_not:
بالتوفيق اخي في حياتك الجامعيه

وبارك الله فيك على المرور​

 

[مـــــلاك]

سلام عليكم
حنا comme d'habitude نروحو في الصيف ديما لخوالي في بجاية ، نعقبو عندهم يامات و من ثم نروحو des autres places ، الصيف الي فات رحنا لجيجل و ضربنا تحوسية تهبل !!:thumbup::thumbup::thumbup:
هاد الخطرة نروح انا لسطيف نفوت 15 يوم عند عمامي و مبعد نروح معا لافامي لبجاية ، و من ثم مازال madecédinach وين راح تكون la direction ..
يعطيك الصحة خويا على sujet
و انتوما احكولي كيفاش تفوتو les vaccances ؟؟؟​

 

[مليكة زاد]

انا ان شاء الله نروح مع العائلة الى بجاية الرائعةمناظرها تهبل.

 

[النورس]

سلام عليكم

حنا comme d'habitude نروحو في الصيف ديما لخوالي في بجاية ، نعقبو عندهم يامات و من ثم نروحو des autres places ، الصيف الي فات رحنا لجيجل و ضربنا تحوسية تهبل !!:thumbup::thumbup::thumbup:
هاد الخطرة نروح انا لسطيف نفوت 15 يوم عند عمامي و مبعد نروح معا لافامي لبجاية ، و من ثم مازال madecédinach وين راح تكون la direction ..
يعطيك الصحة خويا على sujet

و انتوما احكولي كيفاش تفوتو les vaccances ؟؟؟​

حنا الصراحه في الصيف بسكره تكون سخونه بزززززززززززززاف...واغلب العائلات تروح للبحر
والاكثر المناطق البحريه المقصودة هي الجزائر العاصمه وعنابه بحكم ان اغلب العائلات عندهم اهل واقارب هناك
انا شـــــخصيا دارنا يعطوها ديراكت للجزائر العاصمه اما انا مانروح معاهم ...عندي جماعه صاحبي نروح معاهم...هذا الصيف ان شاء الله رانا عولنا على القاله وبحيرة الطيور(طونقه) راني رايحين لعيش براري...هههه

هذا باختصار احوال تصيافنا

شكرا الاخت على المرور وتصيافه ممتعه ان شاء الله​

 

[النورس]

انا ان شاء الله نروح مع العائلة الى بجاية الرائعةمناظرها تهبل.

صح بجايه فيها مناظر ساحره وهي مكان مميز للتصياف ان شاء الله تقضي اوقات ممتعه

وصحا التبحيره مسبقا...هههه


شكرا على المرور اختي​

 

[lamine23]

حاجة باينة خويا 100/1000 تونس
وفيف لا تونيزي وعنابة
وشوية من وشوية من​