كل واحد يقول دالتي انا........

[hadda0425]

في هذا الوقت اغلبية العائلات الجزائرية عندها كمبيوتر في البيت
وكل افراد العائلة يستعملوه الاب في العمل نتاعو الصغار في اللعب :001_tt2:
الشباب في الدخول في المنتديات البحث عن المواضيع خاصة في هدا
الوقت وقت الامتحانات :confused1:
السؤال :شكون منكم في العائلة لي يستعمل الميكرو لوقت اطول؟
وشكون فيكم لي عندو ميكرو خاص بيه وحدو وتهنى بيه ؟:thumbup:
تحياتي

 

[hadda0425]

وينهم الردود ولا ما عندكمش ميكروات في الدار :scared:hmy:

 

[mohamed ali 1992]

وعليكم السلام ورحمة الله تعالـى وبركاته
قبل كنت نستعمل الميكرو بصورة كبيرة شويـة أما الوقت الحالي معادش كاين الجديد بالاضافة الى الوقتـ مكانش عندي طول هالمدة ههههه :crying:
مسكين الميكرو ولى تقريبا ديما طافي هههههه اصلا اخوتي الكل مش هنا كبار يقروا ولا يخدموا وانا عندي شغالات هالمدة لذلك راهو مريح يشعل غير في الليل شويـة ...


​

 

[sara susu]

تصدقوني لوكان نقلكم بلي حنا الميكرو ما يطفاش قاع
من الاول ما كانوش فايقين بيه دارن كنت غير اناو خويا لكبير نستعملوه فقط
لكن امبعد وليت ندير لا شين ما نقعد فيه
حتى الوالد والوالدة صارو يخدموا بيه
وما تصدقوش لوكان نقولكم بلى خويا الصغير 6 سنين فقققققققققققط يعرف يخدم بيه ويحوس في قوقل ويدير ليجوي:cursing::cursing::cursing::cursing::cursing::cursing::cursing::cursing::cursing::cursing::cursing::cursing::cursing::cursing::cursing:

 

[hadda0425]

وعليكم السلام ورحمة الله تعالـى وبركاته ​

قبل كنت نستعمل الميكرو بصورة كبيرة شويـة أما الوقت الحالي معادش كاين الجديد بالاضافة الى الوقتـ مكانش عندي طول هالمدة ههههه :crying:
مسكين الميكرو ولى تقريبا ديما طافي هههههه اصلا اخوتي الكل مش هنا كبار يقروا ولا يخدموا وانا عندي شغالات هالمدة لذلك راهو مريح يشعل غير في الليل شويـة ...​

عندك الحق مكانش الجديد غير القديم يخبط شكرا على المرور اخي محمد علي

 

[hadda0425]

تصدقوني لوكان نقلكم بلي حنا الميكرو ما يطفاش قاع
من الاول ما كانوش فايقين بيه دارن كنت غير اناو خويا لكبير نستعملوه فقط
لكن امبعد وليت ندير لا شين ما نقعد فيه
حتى الوالد والوالدة صارو يخدموا بيه
وما تصدقوش لوكان نقولكم بلى خويا الصغير 6 سنين فقققققققققققط يعرف يخدم بيه ويحوس في قوقل ويدير ليجوي:cursing::cursing::cursing::cursing::cursing::cursing::cursing::cursing::cursing::cursing::cursing::cursing::cursing::cursing::cursing:

انا تاني عندي بنتي عندها 5سنين هي لي تنعتلي هههههههه
ما تخليش خوك بزاف عند الميكرو يضروه عينيه
ومرسيييييي حبيبتي على الرد

 

[iméne09]

انا برك لي نستعمل الميكرو بزاف خطرات الوالدين ولا خويا الصغير وكون جا الميكرو يهدر يقولي اخطيني راه كاره مني
مرسيييييييييييي خيتو ​

 

[امل المستقبل]

انا عندي ميكرو معظم اوقات النهار توجدوني في هدا المنتدى و لا في منتدى آخر و خاصة ف الليل حنا ف الدار كاين انا و خويا اللي نستعملوه بزاف و ما نقدروش نتصوروا حياتنا بلا ميكرو!!!!

 

[هند العصفورة]

السلام عليكم​

الأغلبية أنا لي نقعد في الميكروا بزاااااااف وخاصة في العطلة
والوالد يقعد بلاك مرة ولا مرتين في الأسبوع
وخويا و أ ختي ميقعدوش فيه بزاااف
يعني تقريبا غير أنا​

شكرا لك على الطرح المميز
بارك الله فيك​

 

[rــآآآج ــــ الاميـرهـ ــo]

الحق الحق انا هي المسيطرة الوحيدة عالميكرو دايما محتلاتو وحتى كي تقعد قدامو اختي الصغيرة نوضها بالسيف عليها وساعات وين يقعد خويا اقل مني بعامين حتى كي يقعد مام يحكم نص ساعة فلي جوي كي نكون انا لاهية بشغل اخر اما الوالد ميقعدش يه طول ساعات في حالة رايح يجبد لي كود نتاع لي شان اما عن ماما حبيبتي فهي متقعدش بتاتا قدامو حتى كشما مذكرات ولا وثائق تخص خدمتها نجبدهملها انا
المهم انا تقريبا 24ساعة على 24 ساعة مقابلاتو

 

[SaMi_o7]

السلام عليكم

:::.CyBeR CaFy .:::

شكرااا​

 

[تسنيـــم]

هههههههه
ختي بسلامتها:cursing: 24/24 ساعة عينيها حوالو:blink:
بصح الحمد لله عندها جهاز خاص
اما الميكرو تاعنا كل مرة كيفاه لي يسحقو يدخلو وماكاش احتكار
صحيتي أختي على الموضوع
تحياااااااااتي​

 

[omar.lakaf]

انا عندي زوج وحدي الله غالب نموت على هاد الصوالح فالدالر قاع يحوسو يخربو بصح انا الانترنت تديع معايا فالجيب على خاطر داير تاع نجمة والي بغي الميكرو راه قدامه بصح الانترنات لالا حتى نجي انا​

 

[lala 2008]

الميكرو عندنا راه نتق خلاص :yahoo:
نحنا عندنا لي حكم الكرسي خلاص معادش يسيبو:sneaky2:
الوالد يستعمل ساعات و الوالدة والله معلابالها بيه دلتها سيبتهالي الحرب درك بيني انا وخويا الصغير
خويا الجامعي تهني عندو نتاعو الخاص :thumbup1:
وادعولي ربي يفرج حتي انا ونتهني من الحرب:yahoo:
​

 

[نور الانوار]

عندي ميكروو خاص بيا بصح مافيهش انترنت ههه
وزيد نكره نخدم بيه

بويسكـ نحب الميكرو بورتابل احسن ههه


وحنا الدار كاملنا تدخل للنت تطل
وبالاكـ انا اكثـ|ــر وحدهـ نقعد مع النت
​

 

[دعاء2009]

الميكرو نتاعنا والله تقريبا ما يطفاش كامل
أخي التوأم يستعملو بزاااااف يعني يحمل أناشيد للكشافة ومواقع وليكود نتاع البورتابل يعني ياكلو ماكلة مكاش حاجة ما يعرفهاش في الميكرو ، ويخدم برامج حتى يشارك بيها في مسابقات يعني تقريبا كل الوقت ليه
وبابا مدير منتدى اسمه"العزيزية" يعني يدخل ليه بزاااااااااف ويقرأ في النت الشروق ويحمل أشياء خاصة بالكرة ، وأما انا مشاركة في سبعين منتدى تاني كي تكون فرصة نروح نجري نقعد فيه
حتى أخي 5سنوات يزاحمنا عليه وماما أما اخي الكبير ما عندو حاجة فيه ، يعني كل يوم الحرب على هذا الميكرو، وربي يستر.

 

[sima17]

علبالكم والله غير تهناو لي يروحو لسيبار كافي
يقعدو براحتهم مكانش لي ديرونجيهم
بصح في الدار الدقيقة بحسابها
انا في البداية كنت غير وحدي نقعد فيه
ومن باعد ولا بابا
وفي العطلة خويا كي يجي من الجامعة
ودوركا قريب تروح علية
بعد ما ولى خويا عندو 5 سنين يخدم فيه ويلعب بيه
خلات علية
قريب يخرجوني برااااااااااااا