وشنو هاذ يا عجابة

[el faycal]

اليش ماشي محقور يقوللنا ؟
الحقرة مدايرة ضل ؟
وكاين بزاف ناس محقورين واحد ما علبالوا ؟
ولا ما كنتش محقور ؟
تكون محقور وماعلبلكش ؟
حاب نشوف شحال نواحد محقور ؟
محقور في الدار ...
محقور في الخدمة ...
محقور برا...
حقرك صاحبك ...
حقرك زهرك ...
حقرك رايك ...
اذا كنت محقور قولنا كيفاش ومن عند من ...؟
نبدا بروحي ...
قريت وكملت قرايتي
التبكار للقرايا ماعليش
المصروف ما كانش ماعليش
وسائل القرايا شبه معدوة ماعليش
علاه ....؟
الخدمة بالدبيلوم ما كانش
لالالالالالالا ماشي ماعليش
تروح تخدم ...المعرفة
عندك المعرفة وخدمت
الخلاص قليل ما يكفيش
الانسان في هذ البلاد ما يعيش
ناس... الدراهم كي الريش
وناس ما لقاو حتى البقشيش
ما تبكيش
ما تبكيش
ما تبكيش
احكيلي ... راني نسمع
نحكيلك وسمع
هكذا
نعرفوا بلي قاع كيف كيف

​

 

[ami_prince]

ايه الحقرة ........يالحقرة ........
مشكور اخي على هذا الموضوع الحساس
القديم مالبكري وهي كاينة الحقرة والجديد بالإسلوب الي
طرحت بيه الموضوع تقول غنية تع راب.....راك فنان

ايه بصح لوكان نجيبو السوجي تع الحقرة اوبعد نوليو ندخلو في صوالح واحدوخرين ونجبدو بزاف ليسوجي وراك عارف عليمن راني .......
تدخل فيها المعريفة والبني عميست والي هي مقبرة الكفاءات
وتدخل فيها السياسة وميزانية الدولة ولي مخبيين ويسيرو وكي تكون نت عايش في بلاد كبيرة.... المساحة نتاعها 2 ملاين ومعاها والخيرات الي فيها بزاااااااااااف الله يبارك ونت راك تعاني وتتميزر وتقرا وماتلحقش تبقى حاير ومتعجب ......ودارو احصائيات الميزانية تع الدولة دكة يقدر كل واحد من الشعب الجزايري يخلص 4 ملاين كل شهر وكل واحد لي ينزاد يخلص 4 ملاين نورمال باردة ....بصح ؟؟؟؟؟؟؟؟
بصح راني عارف بلي ماكش تهدر على هذ الجوانب ...بالك راك حاب تستانس برك وتشوف الناس كيما يقولك قاع رانا منكوبين
كامل في قرعة واحدة وراهم يمخذو فينا
وخليني نعبر قلبي راهو معمر ونحكي ونمركي .......
بصح كيما واحد يقولك الحمد الله على كل حال المهم الصحة والهنى هكذا ولا كثر وبشوية حتى ربي يفرج ......
وهاو خوك الصغير قال هذ الكليمات وصححلي اذا غلطت وزيدلي نقطة ........خصتني نقطة وننجح......

 

[Lonely Girl]

رانا احنا تان من ضحاياها وشراح نديرو شد في ربي برك ومتعمرش راسك​

 

[el faycal]

صح

عند الحق . المهم الصحة والهنا
بصح منين جي وحنا معلقين في السما
كاين زوج حوايج
نخليوها على ربي
ونبقاوا هكذا حتى يفرج
ولا نخليوها عليهم
وتخلى علينا قاع

​

 

[poli]

ان شاء الله تكونوا محقورين و ماش حقارين
مارسي
هههههههه
​

 

[ami_prince]

نخليوها على ربي
ونبقاوا هكذا حتى يفرج
انا نبريفيري هذي .....بصح ......مانقعدوش....يقولك الطالب على حقو مايضيع
ولا نخليوها عليهم
وتخلى علينا قاع
اهدر ضبح نقز احكي اجري المهم لازم اجيب حقك ...وتبقى محقووور...هههه...مالقري تهدر ولا ماتهدرش كيف كيف ....ههههه
بصح صعيبة هذي تع نخليوها عليهم
الله يفرج......

 

[abidou 20081]

أولا أشكر صاحب الموضوع على هذا الطرح المفيد

الكل يقول نخليوها على ربي لكن هل من أحد سأل نفسه ماذا فعل حتى يخليها على ربي ربي يقول في كتابه الكريم والطاهر " إن الله لا يغير ما بقوم حتى يغيروا ما بأنفسهم " إذن المشكلة فينا قبل أن تكون في أي شيء أخر كيف تصرفنا وكيف كانت ردة فعلنا لأننا كلنا نسمع بأننا محقورين نعن كلنا نعلم هذا وأبسط الأمور أنك لما تريد إستخراج أي وثيقة سوف ترى ما تراه لكن من منا قام بكتابة شكوى مدعمة بإمضاءات من المحقورين معه من قام بأي فعل يوقف على أثره هذه الحقرة ,وأنا لما تكلمت على وثيقة هنا أعطيت مثال وهذا المثال ينطبق على عدة أشياء أخرى نشعر من خلالها أننا محقورين لذلك مانراه في بعض الأحيان من رد فعل عنيف وسب وشتم ليس حل إطلاقا وسوف تبقي الأمور على حالها لكن لو تكلمنا وكتبنا وفضحنا لتغيرت أشياء كثيرة لذلك نحن نترك الحثالة تحقرنا ونتكلم أننا محقورين
أعلم أن الجميع يقول في هذه اللحظة لمن تكتب ولمن تحكي والمحسوبية والمعرفة سيطرت على كل شيء أعلم هذا لكن هل أحد منا سأل نفسه يوما هل هو مساهم في هذا أم لا نعم كلنا مساهمين إن سمعنا أن هذا الشخص يتبع أسلوب الرشوة لقضاء المصالح لهرولنا ورائه لنزين له عمله ونعطيه ما يحتاج ليواصل نفس أسلوبه لكن ماذا لو كشفنا هذا وذاك مالنتيجة أظن أن الكل يوافقني الرأي أننا كلنا نقضي مصالحنا ونتعلم شيء واحد أن الشخص الموضوع في ذلك المكان هو في خدمتك ولست أنت في خدمته لو تعلمنا هذا فقط لأصبحنا غير محقورين

تقبلوا مروري وحفظك الله ورعاك على الموضوع القيم

 

[el faycal]

نقطة

يعطيك الصحة يا ابيدو . انا نظن نخليوها عليهم خير . ولازو نحركوا الما راه تحتنا .

 

[°~Kenza_02~°]

الحقرة فيها فيها يا خويا هاذي هي الدنيا واش باغي نديرو نصبرو وخلاص

 

[oussama28]

اشكرا على الموضوع الرائع بارك الله فيك.

 

[iméne09]

وين تروح تلقى الحقرة راهي مدايرة حالة وشا تحبنا نيدرو رانا صابريييييييييييييييييييييين​

 

[Mr.Tahar]

لا تعليق يليق !!​

 

[omar.lakaf]

انا واحد مايحقرني على خاطر يعتبروني مهبول مايدوهاش قاع فيا هههههههههه
ماديرش عليا راني مهبول​

 

[abidou 20081]

يعطيك الصحة يا ابيدو . انا نظن نخليوها عليهم خير . ولازو نحركوا الما راه تحتنا .

ربي يحفظك خويا فيصل إذا قعدنا هكذا ماشي غير الما تحتنا يدينا الواد

 

[el faycal]

اضافة

حتى البنات محقورات
وخاصة في الجامعات
بلا ما ننساو الثانويات
كاين الملاحات
وكاين القباحات
وين الكل يهدر
الكل يمنشر
الكل يعبر
​

 

[يسرى 2008]

بالنسبة ليا نحب نكون مظلومة مش ظالمة ونمشي مع المظلوم مش الظالم
يعني بالاختصار نكون ضعيفة في الدنيا وقوية في الاخرة
احسن ما نكون قوية في الدنيا وضعيفة في الاخرة
خاطر الدنيا والو والدرب للكل
في الاخرة .

 

[fakhri-dz19]

وثاني كاين حاجة في المحقور لي حقروه في حرقا لاخاطاك الحقرة تجي من المحقور لي حقر حقرة تاع حقارين فريفي حرثقحرقين​

 

[iméne09]

حتى البنات محقورات

وخاصة في الجامعات
بلا ما ننساو الثانويات
كاين الملاحات
وكاين القباحات
وين الكل يهدر
الكل يمنشر
الكل يعبر​

والله كاينة منها ياو مراناش محقورين برك رانا مخنوقين من الحقرة:cursing: كرهنا منها كون كانت الحقرة عبد يا حسراه كون راني قتلتها مانصبنا مانديييييييييييرو:sad:​

 

[el faycal]

على حساب الشوفة كلكم محقورين .