.. ,’ قلنا واش درت كي ربحت الجزائر ’, ..

  • كاتب الموضوع كاتب الموضوع Badech
  • تاريخ النشر تاريخ النشر
خرجت طول من المقهى للفوارة ثمة الديفيلي
في البليدة المصري احبس قلبوا
في البليدة شحاتة حبس قلبوا
 
ولله ليلة البارحة ولله من احسن الايام صراحة زغرتنا وشطحنا وعيطنا واش نقلك درنا حالة حتى اني خرجت مع خويا في الطنوبيا زعما نهبطو للعاصمة لالجي سونطر لقيناها مهولة الدنيا مشينا نص الطريق ولينا واش نقلك فووووووووووووووووووووررررررررررر
 
البارح كي نظت الصباح نظت متيقنة بلي الجزائر هي اللي تربح كنت مgصرة مع اختي حتى سمعت التولويل ولي فيميجان شاعلين كامل يتوغو فرحت عرفت بلي ماركينا و2 كيفكيف و 3 وليت نسوطي انا واختي ونقولو 1 2 3 vive l'algerie بصح غير بلعقل نتاع son smir
 
يا خويا أنا شبعت تولويل
مع كل بيت تولويلة
يعني 3 والرابعة كي خلاص لماتش
غنينا صفقنا و شطحنا فالدار و البالكون
شحاااااااال حالة​
 
لبارح نحينا قاع الزعاف ربي يفرحهم كيما فرحونا
والحمد لله ربي يدومها
وان شاء الله في المونديال​
 
واش رح ندير يعني هزيت الدرابو و حطيتو على كتافي و خرجت انا والعائلة
مع العلم احنا في قالمة درنا عرس قبل ما يربحو وبعد ما يربحو بالنساء بالرجالة كل خرجو وقبل الماتش قاعدين يقولو فلقو الشبكة ب3 فلقو الشبكة ب3
وجات صح خخخخ
روحنا جوايه 12 رووعة واحد الغاشي بزاف خلاه ماكنتش متوقعة يديرو هكا بالفيميجان و ليفو دارتيفيس و البولفار تعمر ماكانش منين يفوتو الطوموبيلات و
المحارق ديت فلقت شوي هههههه هذي حياة هذي كون غير جاو طول يربحو هكا ويفرحونا
هكا الشعب تزيد ثقتو في الفريق الوطني تاعو
 
نقلك حاجة وحدة كي كمل الماتش ديراكت شربت حبة دوليبران
راسي تصدع من العياط والفرحة كانت كبيرة بزاااااف والحمد الله
​
 
قبل الماتش علقت الدرابو فلبالكون
وبعد قا صفر الحكم تعصبت بعلام ودرت واحد في يدي وعلقت واحد وخرجت نعيط بايت البر نعيط تشوفني تقول مهبول
 
والله ياخويا القناص مانزيدش عليك حاجة هههههه مادرت والو الفرحـة بقات هكاك في القلب وخلاص :blush:
​
 
:yahoo:انا طرت من الفرحة او كي ماركاو البيت الأول دنيا تروبلات او كي كمل الماتش خرجنا كاع درنا لي علينا
حنا البنات روحنا على 12:45 او لولاد على 3:00
و الله فرحونا بزااااااف
 
خرجت بالطفطافة و هزيت لعلام و درنا الروبلة خخخخخخخخخخخخخ
ااووووووو اوووووووووووو اوووووووووووو
المصري خبزة خخخخخخخخخخخ​
 
مشكورين كامل حباب لبلاد

One ، Two ، Three ، ViVa L'Algerie

إقرا جيـ ـ دا ما بيـ ن السـ ـطور ​
 
فرحت بزاااااااااااااف ماتامنش قداش
و ليت نزقي و نغني
ياخويا فرحة كبيييييرة​
 
مشكورة اختي

لا يهمـ ني ردك او تقـ ـ ـييمك المهم ان تـ ستفيـ د

إقرا جيـ ـ دا ما بيـ ن السـ ـطور ​
 
مشينا 3 كيلو متر زاهيين
 
انا من كثرت الفرحة طحت فالدروج كسرت رجلي لدرجة قالولي تاع الدار تقول عليك لعبتي معاهم فالماتش والله ما خسارة التكسيرة ترتاح بصح فرحة ولاد بلادي ما تتعوضش
ربي يفرحنا ويدوم فرحتنا وان شاء الله للمونديال ومصر .................؟​
 
حنا هاذاك النهار كانت معانا ضيفة مالا خويا راح يتعشى ويتفرج في غرفته وانا وماما كنا نتعشو مع الضيفة كي سجلوا الهدف الاول كنت نشرب في الماء طيشت الكاس ونضت نجري وماعرفتش وين نروح ومبعدين رجعت كملت العشاء وانا نتفرج ,وكي سجلوا الهدف الثاني كنت حاكمة الخبز وناكل فطيشته بلا مانفيق بروحي ونضت نزغرت وفي الهدف لاخير خويا ناض يجري وهز الدرابو وخرج لكن أنا وكان جيت طفل راني خرجت معاه :crying: معليش
المهم انا سهرت حتى 12:00 نتاع الليل وانا في الانترنت نبارك للجزائريين كان هذاك النهار يوم سعيد :yahoo:
 


كون نبدا تقولوا هادا مهبول

نكامافليو لاومور وخلاص :biggrin:
​
 
والله راني مبحاح من الصراخ
 
يا دودو قلنا برك

كون شفتيني انا تقول هذا مجنون صح

هبطت للفيلاج بالحفا

ههههههه

لا يهمـ ني ردك او تقـ ـ ـييمك المهم ان تـ ستفيـ د

إقرا جيـ ـ دا ما بيـ ن السـ ـطور ​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom