ظاهرة غريبة والله يستر

[abidou 20081]

مكتوب في الباكي تع الدخن (مضر بالصحة) لكن الي يدخن إنسان أم ماذا
والإسلام يحرم كل ما هو مضر

والله لو تكتب ماتكتب في العلبة فإنها لن تنفع بشيء فقد ساعدو المدخنين في ذلك لمعرفة النوعية الجيدة وأصبح الطالب لعلبة السجائر يطلب النوعية الذي مكتوب فيها كدى وكدى المشكلة مشكلة توعية واسعة مشكلة عقول قبل كتابة مشكلة قابلية لقراءة هذه الكتابة وفهم معناه لأننا في وقت كل واحد يقولك ما تكسرليش راسي دير واش يخرج عليك ولو طبقنا كلنا هذه المقولة لأصبحنا في غابة لا أحد يستطيع التعايش مع الأخر ومسألة الحلال والحرام أصبحت مسألة الكل يفتي فيها والكل يعرف معنى أو منفذ لها والكل يتحجج بالأخر وهناك من يضرب لك الأمثال بالأئمة وأنظر ماتفعل نحنة نتوجه إلى كارثة ولا أحد يشعر وكأننا كلن تحت تأثير مخدر ما

حفظك الله ورعاك أخي الكريم سليم وأنا جد سعيد بمشاركتك القيمة وتمنياتتي لك الخالصة بكل الهناء والحياة السعيدة دنيا وأخرة

 

[سلافة]

انا نشوف بلي راهم يشوفو في رواحتيهم رجلة كيما بقولو يعني كي يحرق الرية تاعو شايفها رجلة يخي يخي

وزيد الظروف القاسية اللي عايشينها خلاتهم يشربو الكيف باه ينسيهم في الهموم تاعهم رغما انهم علابالهم بلي راهو حل مؤقت تسما هنايا رانا نتحدثو على شباب غبير واعي وجاهل ثاني



ننتظر جديدك

 

[abidou 20081]

انا نشوف بلي راهم يشوفو في رواحتيهم رجلة كيما بقولو يعني كي يحرق الرية تاعو شايفها رجلة يخي يخي

وزيد الظروف القاسية اللي عايشينها خلاتهم يشربو الكيف باه ينسيهم في الهموم تاعهم رغما انهم علابالهم بلي راهو حل مؤقت تسما هنايا رانا نتحدثو على شباب غبير واعي وجاهل ثاني



ننتظر جديدك

تحية عاطرة لك أختي العزيزة سلافة وعلى مشاركتك القيمة والرائعة
قبل كلش نقولك واللع غير حاجة ضحك الرجلة في حريق الرية لكن ماعليش نشوفوها احنا من باب أخر يعني كيما قلتي الظروف المعيشية باش ينسى لهموم إلى غير ذلك وهذي ضعف فالشخصية وعلاش ما يواجهش مشاكله أحسن وقاع نعرفو بلي لأي مشكل عندو حل وعلاش نخير الحل مانقولش الساهل على خاطرش صعيب بصح نقول علاش نخيرو الهروب في هذ الحالة راه يضر في روحو والمشكلة ماتحلتش نقولو مالقاش خدمة يزطل باش ينسى واش ينسى ينسى بلي مالقاش خدمة هذي ضحك كثر باش يقعد مع عقلو ويشوف فكرة مليحة يروح يضيع عقلو باش ينسى بلي مالقاش خدمة هذي قمة الغباء وكيما قلتي شباب غير واعي وجاهل ثاني وهنا نقولك عندك الحق شوية تفكير وراكي لقيتيها المشكلة مشكلة توعية مشكلة كيفية إيصال رسالة كيما الشباب يحب يسمعها ماشي كيما الحكومة تحب توصلهالو على خاطرش الإعلانات تاع الحكومة والملصقات راهم الشباب ما يحوسوش قاع يشوفو فيهم ويشوفو هذوك لي راهم يعلقو في الملصقات هما سبتهم في هذ الحالة
أختي العزيزة سلافة أسعدك الله في الدنيا والأخرة وأعطاك ما تتمنين ووالله مشاركتك أسعدتني كثيرا دمتي

 

[killua0555]

السلام عليكم

حبيت نقول موضوع شباب يعطيك الصحة على طرح
و رايى فى الموضوع هو غياب الرقابة والوازع الدينى .....
تانى مننساوش المحيط الى يكون عايش فيه الطفل هادا ..و كامل نعرفو بالاطفال فضولييون للحوابج الى يديروهم الكبار يتما كى يشوف بابا و خالو عمو يتكيفو يحب يجرب هاد الحاجة للانو بعتبرها تجربة هايلة .....
ايضا اعتبار هاد النوع من التجارب رجلة يتما الى ما يتكيف ماشى راجل ....و هاكدا تبدا بقعدة مع صحابو حتى للادمان ........للاسف رانا نشوفو هاد الظاهرة وصلت حتى للبنات ولات تلقى عادى طفلة حاكمة قارو و تتكيف ...و كى تسقسيها علاش تقولك رانا فى 2009 ...يتما تقليد الاعمى .....نحب نقول مع اللخر ربى يسترنا و يعافينا

 

[abidou 20081]

السلام عليكم

حبيت نقول موضوع شباب يعطيك الصحة على طرح
و رايى فى الموضوع هو غياب الرقابة والوازع الدينى .....
تانى مننساوش المحيط الى يكون عايش فيه الطفل هادا ..و كامل نعرفو بالاطفال فضولييون للحوابج الى يديروهم الكبار يتما كى يشوف بابا و خالو عمو يتكيفو يحب يجرب هاد الحاجة للانو بعتبرها تجربة هايلة .....
ايضا اعتبار هاد النوع من التجارب رجلة يتما الى ما يتكيف ماشى راجل ....و هاكدا تبدا بقعدة مع صحابو حتى للادمان ........للاسف رانا نشوفو هاد الظاهرة وصلت حتى للبنات ولات تلقى عادى طفلة حاكمة قارو و تتكيف ...و كى تسقسيها علاش تقولك رانا فى 2009 ...يتما تقليد الاعمى .....نحب نقول مع اللخر ربى يسترنا و يعافينا

وعليكم السلام ورحمة الله تعالى وبركاته
لست ادري بأي عبارات الشكر أزفها لك عبر هذه الصفحة وهذه المشاركة القيمة الذي لم أجد ما أضيف عليها لقد تكلمتي ووفيتي الظاهرة هذه في إنتشار واسع وتزداد حدة والعوامل كثيرة المؤدية لذلك ومهما كانت الأسباب يبقى الضرر واحد وأنت أضفتي من الواقع أن بعض الفتيات وماذا يكون ردهم كذلك بحيث رانا ف 2009 وهل أننا ف 2009 يعني أنه يحق لنا نفعل ذلك إن الإسلام لكل مكان ولكل زمان ولما تصل الفتاة إلى هذا التقليد الأعمى فقد فقدت ما تبقي من أنوثتها وما بقي من إحترام لجنسها وهذا لا يعني أن الجنس الخشن يحق له هذا ولكن إن كان الذكر ونقول عنه أن طريقه غير سليمة فماذا نقول إن كانت أنثى والله إنها قمة الإنحطاط والوقاحة تضع الفتاة نفسها فيه
لست أدري بأي عبارات الشكر أقدمها لكي لكن أدعو الله أن يجازيك ويعطيك ماتتمنين دمتي

 

[هاوية المنتديات]

أولا ربي يخليك ومشاركتك أعطت قيمة للموضوع كما أضفتي بعدا أخر له وهذا هو روح النقاش والحوار أختي العزيزة أنا أفهم جيدا قصدك ولما كتبت لك ردي على المشاركة الأولى أنا تكلمت على مبدأ الأغلبية أي أن الأغلبية ممن أصابتهم هذه الآفة هم زوالية ونعم هناك من والديه كل يوم يعطونه مصروف لكن لا يحاولون الفهم أين يصرف هته الدراهم وهناك من يصل إلى سرقة أثاث منزله وبيعه من أجل الحصول كذلك على مبتغاه أما مسألة التربية مسألة أخرى وعندك الحق كي تقولي ماشي كلش بالضرب صح أن قلتلك كاين ناس عياو يعيطو وعياو يضربو معناه كل الوسائل داروها وماجابتش الفايدة يعني قانع بحاجة راه يدير فيها لكن هناك مشكلة أخرى أن الأشخاص الدين يريدون الإقلاع عن هذه الآفة لن يجدوا مساعدة أو دعم منا فكثيرا ما يقلعون عنها لكن نظرة المجتمع لهم تعيدهم إلى ما كانو عليه لذلك قلت المسؤولية مشتركة ولا تقع على عاتق جهة معينة وهذا ما جعلني أضع المسؤولية الكاملة للشخص نفسه وقوة شخصيته
مشاركتك جعلتني جد سعيد وأرائك كلها قمة تتبث روح وثقافة الحوار الذي تتمتعين حفظك الله ورعاك واسعدك دنيا وأخرة دمتي ودامت أرائك الرائعة

شكرا أخي على المجاملة
بصح كاين ناس من الضغوطات غلي يواجهوها
ولا عدم الإتراف بأراء ديالهم يجؤو لهاد الشي
يحسبو روحم راح يولو رجال بنسب للمفهوم ديالهم
صح كاين ناس يحب إقلاع على هد الآفة بصح الناس ولا المجتمع عامة مايتقبلوش
وهدا مجرد رأيي

تقبل مروري​

 

[abidou 20081]

شكرا أخي على المجاملة

بصح كاين ناس من الضغوطات غلي يواجهوها
ولا عدم الإتراف بأراء ديالهم يجؤو لهاد الشي
يحسبو روحم راح يولو رجال بنسب للمفهوم ديالهم
صح كاين ناس يحب إقلاع على هد الآفة بصح الناس ولا المجتمع عامة مايتقبلوش
وهدا مجرد رأيي

تقبل مروري
​

أولا أختي العزيزة تأكدي بأنها ليست مجاملة ولا أعرف المجاملة لكن أتبثي وجودك وأتبثي ثقافة وروح المناقشة الذي تتمتعين بهم وأدعو الله أن يزيدك من كل علم ومن كل خير حقا ما تقولين هناك البعض يحاول إتباث رجولته باللجوء إلى هته الآفة وهؤلاء أغلبهم صغار بالسن مغرر بهم وهناك من أستعملو كوسيلة للترويج كذلك كماأنه هناك جانب أخر لم نتحدث عنه كثيرا وهو غالبا بعض الأشخاص يرون أنفسهم على حافة في المجتمع ويكون في حالة عدم إتزان نفسي لا إلى هؤلاء ولا إلى هؤلاء مما يؤدي به إلى سلوك هذه الطريق رغبة في إثبات وجوده كما أشرتي إلى نقطة مهمة وجد حساسة هي نظرة المجتمع لمن أرادالتخلي عن هذه الآفة لم ولن تساعد مثل هذا النوع منالأشخاص مما يتركه يعود إليها بفترة قصيرة من إقلاعه عنها وقد تحدث في بعض المرات مع هذا النوع من المدمنين ووالله وأقسم لك أنه حقا حتى لاأكذب على أحد في الأول يأتيك ويحاول ضمك إلى صفه لكن بمجرد أن يجد لديك شخصية قوية وقناعة بأن هذه الطريق غير سليمة يعود أدراجه ويحكي لك سبب الذي أدى به إلى ذلك وأغلبها مشاكل سواء عائلية أو عاطفية كذلك ثم تراه نادم على اللجوء إلى هذه الطريق وبعد إقناع قليل فقط ترينهم يحاولون الإقلاع عن هذه الآفة ويفتخر بعد يوم أو يومين من ذلك أي لما يقلع عنها يومين أو ثلاثة ترينه يفتخر أمامك بأن يقول لك والله غير عندي يومين مادرتوش في فمي لكن للأسف بعد مدة تجدينه عاد من جديد بسبب نظرة المجتمع الغير مشجعة له لذلك يستغلها رفقاء السوء ليعيده إلى ماكان عليه .
أسعدك الله وأعطاك ماتتمنين وطلبي منك وأرجوك ثم أرجوك أن لا تقولي تقبل مروري ومرورك يعد شرف لي فكيف لا أقبله والموضوع موضوعكم ولكم الحرية في إثرائه بأرائكم تقبلي أنت تحياتي الخالصة ودمتي ودامت أفكارك النيرة

 

[~ مستشـآرهـ طـرزآنـ ~]

الموضوع هذا مهم بزاااف نظرا لانتشار هذه الظاهرة....وللاسف بلادنا تعاني منو....وانا رايي هذا الانتشار المخيف يرجع لرفقاء السوءو ضعف الايمان وعدم وجود الوازع الديني.......حنا نقولو ربي يحفظ كل شبابنا و يبعد عليهم هذا الفيروس.......مشكووور خويا ع الموضوع وحقا كل مواضيعك مميزة ومهمة جدا...ربي يحميك..

​

 

[abidou 20081]

الموضوع هذا مهم بزاااف نظرا لانتشار هذه الظاهرة....وللاسف بلادنا تعاني منو....وانا رايي هذا الانتشار المخيف يرجع لرفقاء السوءو ضعف الايمان وعدم وجود الوازع الديني.......حنا نقولو ربي يحفظ كل شبابنا و يبعد عليهم هذا الفيروس.......مشكووور خويا ع الموضوع وحقا كل مواضيعك مميزة

أختي العزيزة نحبك يا الجزائر والله مشاركتك تسعدني كثيرا والمميز ليس الموضوع وإنما أنت المميزة من خلال ردودك القيمة وهذا دليل على روح المناقشة وتقافة الالنقاش الذي تتمتعين بها حفظك الله ورعاك وزادك من العلم ما تفيدين وتستفدين وحقا كلامك كله صحيح ولا نقاش فيه لان الوازع الديني له دوره الكبير في مثل هذه المسائل ومسائل أخرى كثيرة كما أن رفقاء السوء لهم دور كبير في نشر هذه الآ فة المهلكة وهنا نعود لضعف شخصية الشباب وهي أكبر مشكلة أدت إلى إستطاعة هذه الرفقة التأثير كما أن عوامل عديدة منها فساد المجتمع و المشاكل الإجتماعية والمشاكل العاطفية هي أبواب سهلت المهمة لهؤلاء الشباب أن يرمي بنفسه في المهالك بدون أي تفكير في العواقب
أسعدك الله في الدنيا والأخرة أختي العزيزة وأعطاك ما تتمنين ودمتي

 

[~ مستشـآرهـ طـرزآنـ ~]

مشكووووووووور ع الكلام الحلو.....والله انا نفرح بزاااف كي نشارك في مواضيعك....الله يخليك للناس لي يحبوك و يحفظك و يحميك و يحققلك كل امانيك......تحياتي الحارة ليك خويا لعزيز....

 

[avril.lavigne]

والله صح تلقى الشباب منعرف يفوخ ولا يلعب فيها فايق بلي راهو يدخن والله غير ربي يهدي ماخلق
بارك الله فيك على الموضوع الرائع والحساس​

 

[نسمة الحب]

والله العظيم ردودك يا ابيدو باينة انها نابعة من واحد عاقل ورزين صح ربي يكتر من امثالك واعذرني على موضوعي اذا حسيت اني جرحتك ولا وصلتك بالهدرة راك خويا.تقبل مروري..

 

[abidou 20081]

مشكووووووووور ع الكلام الحلو.....والله انا نفرح بزاااف كي نشارك في مواضيعك....الله يخليك للناس لي يحبوك و يحفظك و يحميك و يحققلك كل امانيك......تحياتي الحارة ليك خويا لعزيز....

العفو أختي العزيزة وياربي أمين ليا وليك إن شاء الله ونتمنالك كل الخير والله كلامك كي لعسل ربي يخليك ومارانيش نجامل ولا نهدر برك من كلامك يبان عقلك الكبير ورزين ربي يكملك ويعطيك ماتتمنين تستهلي كل خير

 

[abidou 20081]

والله صح تلقى الشباب منعرف يفوخ ولا يلعب فيها فايق بلي راهو يدخن والله غير ربي يهدي ماخلق
بارك الله فيك على الموضوع الرائع والحساس

مشكلتنا تحولنا من شعب ثوري وخدام لشعب زواخ حاشا البعض ماشي قاع باش مانجملوش ونظلمو معانا لي خاطيهم والناس اللولة تقولك الزوخ ما يزيد في رجلة وكاين لي يقولك لي فاتو الرجلة يلحقها بالدخان زوج أمثلة يختصرو قاع هذ الكلام كيما قلتي ربي يهدينا ويهديهم
فيك بركة أختي العزيزة وربي يجازيك ويعطيك ماتتمنين ونورتي الصفحة بالمشاركة تاعك و الرد تاعك خلاني فرحان ربي يفرحك دنيا وأخرة دمتي

 

[abidou 20081]

والله العظيم ردودك يا ابيدو باينة انها نابعة من واحد عاقل ورزين صح ربي يكتر من امثالك واعذرني على موضوعي اذا حسيت اني جرحتك ولا وصلتك بالهدرة راك خويا.تقبل مروري..

أمين أختي لعزيزة ليا وليك وهذا من نبل خلقك وحسن تربيتك وربي يخليك ويحفظك وأنا جامي حسيت بلي قلتي كلمة جرحتني ولا وصلتيني بالهدرة ما تقوليش هكذا وهذي روح المناقشة الواحد يسمع يقرى ويفهم ويكتب على حساب واش راه يشوف وماشي شرط نكونو قاع في كلام واحد وإذا كنا قاع في راي واحد هكذا مايولي نقاش وما يولي موضوع أصلا
ربي يحفظك ومشاركتك تعتبر شرف لي والله وتسعدني بزاف بزاف ربي يعطيك واش تتمني في الدنيا والأخرة ودمتي

 

[krimo77]

السبب الرئيسي هو الاهل​

 

[abidou 20081]

السبب الرئيسي هو الاهل

تقدر تقول خويا لعزيز كريمو لكن بلا مانجمل لأنه هناك اليتامى وهذا يكون بعيد عن المراقبة والغالبية من الأطفال تراهم يستعملون حيل تغيب حتى عن الكبار لكن السؤال للذين يوزعون هذه السموم للاطفال الذي غاب ضميرهم من أجل الربح السريع ومال الحرام ومنه نستنتج أن المشكل لا يقتصر على الأهل فقط لكنه متشعب وبمشاركة الجميع لأن لو كل شخص لعب دوره في المجتمع لما وصلنا إلى هذه الحالة أو بعبارة جيدة كنا على الأقل خففنا من هذه الظاهرة .
خويا كريمو ربي يخليك وينورك كيما نورت الصفحة هذي دمت

 

[أسماء22]

موضوع رائع و طرح مميز و نتمنى انا شبابنا يتجاوز هذه الظاهرة لأنها مشي مليحة و ماهي الا ضياع للنفس بطريقة غير مباشرة و الله يسترنا و يهدينا جميعا.

 

[abidou 20081]

موضوع رائع و طرح مميز و نتمنى انا شبابنا يتجاوز هذه الظاهرة لأنها مشي مليحة و ماهي الا ضياع للنفس بطريقة غير مباشرة و الله يسترنا و يهدينا جميعا.

أضم صوتي إلى صوتك أختي العزيزة أسماء وأدعو معك الله أن يصلح أحوال شبابنا وأن يعود إلى رشده فمهما كانت الأسباب والهموم لا يجب أن يصل الشخص إلى أشياء تبعده على دينه وعلى صوابه وأحسن وسيلة للققضاء على المشاكل هي مواجهتها بدل الإستسلام لأن الإستسلام يعني الضعف وما عهدنا على شبابنا الضعف
حفظك الله ورعاك اختي أسماء وأسعدك دنيا وأخرة ودمتي