العقلية الاوفار عند بعض الناس

[ملاك الليل]

السلام عليكم

كنت واحد الخطرة في جماعة مع صحاباتي ...وكانوا يهدرو على واحد الشيرة
هاديك عملت ودارت ومنا ومنا
ردت عليها واحدة قاتلها هاديك عقليتها اوفار
اللي مافهمتهش انا ...اللي ليها حرية مطلقة ودير قاع اللي جا في بالها ...راهي عقليتها اوفار
فهموني بغيت نفهم

 

[خديجة]

حسب ما فهمت عقلية اوفار يعني معندهاش واحد يحكم فيها مسيبا

 

[tassenime]

ما عندي ما نحكي
عقلية اوفار؟؟؟؟؟؟؟؟؟؟؟؟؟؟؟
اذاعرفتي قوليلي

 

[tear of angel]

حسب ما فهمت عقلية اوفار يعني معندهاش واحد يحكم فيها مسيبا

الله اعلم

 

[ASMA17]

العقلية الاوفار ماشي معناها تدير الحواج الفو و اللي ماشي ملاح و تقول عقلية اوفار
العقلية الاوفار صح دير واش تحب بصح لازم تكون سوغ بلي راهي نيشان و ماراهيش دير في حوايج مايناسبو لا المجتمع و لا العادات و لا الدين تاعنا​

 

[ملاك الليل]

سرني تواجدكم بصفحتي
كل المحبة

 

[بنت لبلاد]

نقولك حاجة اختي هدي الي قالت عقلية اوفار هي اصلا ما تعرفش وش معناها هاد الكلمة خطاك لعرب تعنا كلش يفهموه بالناقص حاشى الي خطيهم هي فاهمة بلي العقلية الاوفار هديك الي عندها لالبارتي في كلش مي هدا غالط العقلية الاوفار هديك الي تعرف تتعامل مع كل الناس و تعرف كفاش تاثر فيهم من دون ما ياثرو هما فيها
*******************شكرا *****************