أوقات فراغك.... كيف تقضيها ؟

[A*m*I*n*A]

قال الرسول صلى الله عليه وسلم: (نعمتان مغبون فيهما كثير من الناس : الفراغ والصحة) الفراغ في حياتنا موجود دائما ولكن ماذا نفعل فيه وخاصة بين الشباب لما في هذا العمر من نشاط وحيوية وقوة دافعة وتهور رهيبة

.. عندما تشعر أيها الشاب وأيتها الشابة بالملل في هذا الفراغ !! ملل في الفراغ .. في عطلة الأسبوع نرى الشباب والشابات يتوجهون إلى المجمعات التجارية وإلى المطاعم المعهودة وإلى الأماكن المألوفة دوما طوال هذه السنة .. وعند دخول العطلة الصيفية لا يحركون ساكن أتوقع انه هناك شعور جامح قاتل بملل الفراغ .. نبحث دوما على المتعة والتسلية في هذا الوقت ولكن ماذا سيحدث إذا لم يجدها الشاب أو الشابة ماذا ستكون ردة الفعل ؟؟ ليسس من المعقول ان نقضى الصيف أمام جهاز الكمبيوتر لما فيه من أثر سلبي على الصحة.. أكيد كل واحد عندو طريقتو في قتل الفراغ
(اترك الإجابة لكم في هذا الموضوع)​

 

[winrar]

انا اقضي اوقاتي في العمل انا كهربائي وربما اروح يوم او يومين الى البحر

 

[simooben]

انا اقضي فراغي في التسكع مع الاصدقاء في الليل كي يبرد الحال و في النهار مع القيثار و الوقت اللي بقى في اللمة :blink:
​

 

[omar.lakaf]

بكل صراحة ماعنديش اوقات فراغ حتى العطلة الاسبوعية ماعنديش والحمد لله هادا مكتوبي
وشكرا لك​

 

[A*m*I*n*A]

انا اقضي اوقاتي في العمل انا كهربائي وربما اروح يوم او يومين الى البحر

ربي يعاونك خويا باين انت انسان منظم في حياتو :thumbup1:​

 

[A*m*I*n*A]

انا اقضي فراغي في التسكع مع الاصدقاء في الليل كي يبرد الحال و في النهار مع القيثار و الوقت اللي بقى في اللمة :blink:​

روووووعة شكون زيك ربي يخليلك صحابك والقيتار ديالك ، انا تاني راني نستنا في الباك نشاله نجيبوه ما تنساش تفرحنا​

 

[A*m*I*n*A]

بكل صراحة ماعنديش اوقات فراغ حتى العطلة الاسبوعية ماعنديش والحمد لله هادا مكتوبي


وشكرا لك​

الله يبــــــــــــــــــــــــــارك كاين وحد المثل صيني يقول : لا يقضي الأعمال الا الرجل المشغول
كون جات الناس كامل كيما انت نوليو كيما japon​

 

[simooben]

روووووعة شكون زيك ربي يخليلك صحابك والقيتار ديالك ، انا تاني راني نستنا في الباك نشاله نجيبوه ما تنساش تفرحنا​

شكرا اختاه ان شاء الله ننجحوا كاملين ماتنساوناش في جعائكم :blushing:
​

 

[الساجدة لله وحده]

السلام عليكم
ابغض شيء عندي هو وقت الفراغ
مانحملوش
نحب النهار يكون عندي غير شغالات نقتل بيهم الفراغ
يعني من القراية ..للانترنيت ..لقراءة الكتب ..لمساعدة الوالدة.. لاي شيء اخر..المهم ماكانش الفيد
تقبلي مروري
وربي ينجحكم فالباك ان شااء الله​

 

[A*m*I*n*A]

السلام عليكم

ابغض شيء عندي هو وقت الفراغ
مانحملوش
نحب النهار يكون عندي غير شغالات نقتل بيهم الفراغ
يعني من القراية ..للانترنيت ..لقراءة الكتب ..لمساعدة الوالدة.. لاي شيء اخر..المهم ماكانش الفيد
تقبلي مروري

وربي ينجحكم فالباك ان شااء الله​

ما نكدبش عليك انا درت هاد الموضوع على خاطر الفيد راح يقتلني قلت بالاك نلقى في اللمة قدوة :001_wub: ...ما لقيتش خير منك أختي ربي يحفظك​

 

[abcdef]

ايييييييييييييييييييييييييييييييييييه وايييييييييييييييييييييييييه

والله يا الفراغ انا نقتل الفراغ وقيلة بساعة ولاساعتين برك بالخدمة والباقي ديكوطاج اكحل
من النت للتيلي ومن التيلي للبورتابل ومن البورتابل لحاجة تانية وهكذا راني كارهة
الحمد لله راني نلقة اللمه تفوتلي الفراغ

 

[A*m*I*n*A]

 

[تشي]

وقت الفراغ لدي يبدأ من 4 مساءا بعد الخروج من العمل وأقضيه أمام شاشة الكمبيوتر أو مطالعة بعض الكتب وتستهويني خاصة روايات انطون تشيخوف او باولو كويلهو وغيرهم وهي كلها مترجمة للعربية كما أقضي بعض الوقت في متابعة التلفاز خاصة الرياضة او الاخبار .
أما عطلة نهاية الاسبوع أحيانا لا تكون عطلة فأقضيها كما قلت سابقا زائد النوم .
اما الخروج بكثرة من المنزل فيكون قليل جدا.أما البحر فالبرغم من قربي منه فأنني قليل الذهاب اليه .

 

[A*m*I*n*A]

وقت الفراغ لدي يبدأ من 4 مساءا بعد الخروج من العمل وأقضيه أمام شاشة الكمبيوتر أو مطالعة بعض الكتب وتستهويني خاصة روايات انطون تشيخوف او باولو كويلهو وغيرهم وهي كلها مترجمة للعربية كما أقضي بعض الوقت في متابعة التلفاز خاصة الرياضة او الاخبار .
أما عطلة نهاية الاسبوع أحيانا لا تكون عطلة فأقضيها كما قلت سابقا زائد النوم .
اما الخروج بكثرة من المنزل فيكون قليل جدا.أما البحر فالبرغم من قربي منه فأنني قليل الذهاب اليه .

ما أجمل ان نقضي اوقات فراغنا في القراءة فالكتاب خير جليس في الأنام فهو فائدة ومتعة كبيرة و امثل استغلال للأوقات ...مشكور على المرور العطر أخي تشي:angel_not:

 

[عاشقة الوفاق]

والله انا نحب نقضي وقتي فالمطالعة