وليدي يسكن عندي...لا لا انا نحب دار وحدي

[من الماضي]

السلام عليكم
كيما نعرفوا فصل الصيف فصل الاعراس و الافراح..
لما يجي الراجل المسكين يتزوج يكون بين امرين...
الاول يا يسكن وحدو يا مع الوالدين..
من جهة المدام عندها الحق لما تطلب تسكن وحدها باش تلقا راحتها و واحد ما يدبر عليها و يزعفها من غير راجلها
و من جهة الوالدين يقولو حنا ربيناه و كبرناه وتعبنا عليه باش تجي المرا تديه..
نديروا رواحنا في مثل هذا الموقف
الراجل يقوللنا كيفاش يدير و وشنو هو الحل بالنسبة ليه
و المرا تقوللنا اذا تقبل تسكن مع والديه ولا تشرط عليه سكن خاص.:confused1:
و يا ريت الاجوبة تكون موضوعية و صريحة

 

[Robben 11]

تسكن مع والديا مايعجبهاش الحال الطريق لي جابتها ترجعها​

 

[من الماضي]

تسكن مع والديا مايعجبهاش الحال الطريق لي جابتها ترجعها​

يعطيك الصحة خويا بصح لو كان تكون تحبها و من غيرها ماتقدرش تعيش كيفاش دير

 

[Robben 11]

يعطيك الصحة خويا بصح لو كان تكون تحبها و من غيرها ماتقدرش تعيش كيفاش دير

تلافها يجيب خلافها مررســـي​

 

[من الماضي]

تلافها يجيب خلافها مررســـي​

و الله عندك الحق و اللي ماترضاش بوالديك للواد تديك

 

[*بوعلي أسامة*]

السكن مع الوالدين
​

 

[من الماضي]

السكن مع الوالدين ​

شكرا على المشاركة
و قرار صائب لانه الوالدين مايتعوضوش بكنوز الدنيا​

 

[sarah02]

انا ماعندي حتى بروبلام معا باباه معا ماماه معا جارهم مهم ميديرونجونيش برك خخخخخ:biggrin:

 

[zagane]

salame alaycome

elome kayna wahda bark ma tetbadelche
wa zawdja tetbadel wa kayen bezzafe

 

[من الماضي]

انا ماعندي حتى بروبلام معا باباه معا ماماه معا جارهم مهم ميديرونجونيش برك خخخخخ:biggrin:

ههههههههههههههه مع جارهم هاذي هايلة :thumbup:

 

[من الماضي]

salame alaycome

elome kayna wahda bark ma tetbadelche
wa zawdja tetbadel wa kayen bezzafe

اكيد اخي راني معاك في انه الام كاينة وحدة و الزوجة لوكان تحبك تقبل تعيش معاك في اي ظروف كانت

 

[poli]

انا كون يقلي نسكنوا وحدنا نقلوا لالا نسكن مع والديك
علبالك علاه باه كي تصرا الحرب بينه و بيني تحامي عليا عجوزتي
ههههههههه......يفكوها هما
ماش في داري وحدي اا خلات تجي غير فيا
خخخخخخخخخ
ذكية؟؟
​

 

[من الماضي]

انا كون يقلي نسكنوا وحدنا نقلوا لالا نسكن مع والديك

علبالك علاه باه كي تصرا الحرب بينه و بيني تحامي عليا عجوزتي
ههههههههه......يفكوها هما
ماش في داري وحدي اا خلات تجي غير فيا
خخخخخخخخخ
ذكية؟؟​

الله الله على الذكاء و الله غير شاطرة نستعرف بيك:thumbup1:

 

[02asma02]

انا وحدة من الناس نفضل نسكن وحدي تفاديا للمشاكل اما اذا كان ملزوم علية فانا راضية و الله يقدرني ان شاء الله على الخير

 

[من الماضي]

انا وحدة من الناس نفضل نسكن وحدي تفاديا للمشاكل اما اذا كان ملزوم علية فانا راضية و الله يقدرني ان شاء الله على الخير

و ان شاء الله ربي يجيب الخير و يسعدك معاه سواء كنت مع اهله او وحدك:thumbup:

 

[titou_le_roi2009]

الله غالب ..... نحب بلادي

نسكن مع والديا وادا مع عجبهاش الحال بنات لحلال راهم يقطعو الطريق نجيب لالاها :closedeyes:
هدا في حالة ادا خويا لكبير ماسكنش معاهم بصح ادا سكن معاهم ندير داري وحدي حدى والديا وكل يوم تروح لعندهم وتشوف واش خاصهم :001_cool:
راحة والديا هي الأهم :thumbup:

 

[Moha le sage]

يعني موضوعك جا في حاجة تقيسني ..

شوفي مكاش قد لييسكن وحدو .. بصح يكون قريب من دارهم زعما في نفس الحي ولا في الدورة ..

بصح البعد لا لا

انا شخصيا معول نبني فوق الدالا و يكون عندنا طابق وحدنا :thumbup: بصح الصح في لمرا كي تكون رزينة وعاقلة ومهيش تاع مشاكل ... مكانش حاجة تهبل قد واحد يدخل للدار يلقى مرتو تهاوشت مع ختو ... حياتو تولي جحيم ويلعن النهار لي تزوج فيه

كاينين نسا لعقالة والزين والضرافة نتي تقولي الجنة هوما وكينين نسا جهنما ولا هوما :001_unsure:



محمد

 

[boutarfaya]

وين نكون تكون عند والديا ولا ايمكان آخر
​

 

[sajod2100]

انا براى انه يكسن مع الولدين المرة تعوض الولدين لا
انا بري اهله الاوليه
​

 

[abidou 20081]

السلام عليكم ورحمة الله تعالى وبركاته

أولا تحياتي الخالصة لك أختي العزيزة من الماضي وياريت الحاضر والمستقبل كذلك وأحيك على الموضوع القيم والهادف والذي يستحق العلامة الكاملة لما يحتويه من ظاهرة إجتماعية نشاهدها ونعايشها معا في كل البيوت .
والموضوع مثل هذا موضوع شائك ينقسم إلى شطرين الشطر الأول وهو مراعاة قدرة الشخص على توفير هذا المسكن
والشطر الثاني الحالة العائلية للشخص
أولا لو سلمنا أن الشخص يكون له القدرة على توفير المسكن أرى من وجهة نظري أنه لا يوجد أحسن من ذلك وذلك لعدة أسباب وأمور من بينها بحيث تستطيع أن تكون جو خاص بينك وبين شريك حياتك بدون تدخل عوامل أخرى تِؤثر في المسيرة الزوجية النقطة الثانية أنك تربح راحة البال وتترك لكل قيمته أي والديك يبقى قدرهم مرتفع وزوجتك تبقى عزيزة عند والديك مع مراعاة دائما حق الوالدين من الزيارة والمساعدة إن كانو بحاجة لها أو حتى بدون الحاجة والشطر هذا أحسن كذلك لأننا كلنا نعلم أن الحياة الزوجية ليست حياة لعب وزهو كما يتصوره البعض وليست فترة وعقد منتهي المدة لكن الحياة الزوجية هي رباط مقدس بعقد مدى الحياة وإن قلنا مدى الحياة يعني هناك لحظات حلوة وأخرى مرة إشترك هذان الزوجان على تقاسمها معا ومن بين اللحظات المرة والقاسية هي لحظة سوء التفاهم الذي غالبا مايقع بين الزوجة وأم الزوج وهذا المشكل الذي يجد الزوج فيه نفسه معلق بين إختيارين احلاهما مر وكلا الخيارين ليسو في مصلحة أحد ليبقى الزوج في موقف لو فتحت له الأرض لدخل في أعماقها وقد قرأت بعض الردود الذي تفصل من الأول وتقول أنه إن قبلت بوالديا بها ونعمت وإن رفضت سوف تعود إلى منزلها لكن هل هذا هو الحل هل حقا كونت عائلة وعرفت العش الزوجي من خلال هذا الحل والكثير من الفتيات من الأول تقول أعيش معك إينما تدهب لكن بعد الزواج تقول له انا لم أتصور أن أعيش هكذا وأريد داري وحدي فكيف في هذه الحالة يكون التصرف هل كذلك ترجعها إلى منزلها ولو كل واحد منا طبق هدا الحل لوجدنا الدنيا مليئة بالمطلقات ولما وجدنا شخص متزوج إلا من رحم ربك لذلك دائما أقول وأفضل أن المنزل المنفرد يبقى الأحسن هناك تظهر الزوجة على حقيقتها هل هي على قدر من المسؤولية أم أنها مجرد إمرأة خالية من معاني المرأة
الشطر الثاني الحالة العائلية للشخص إن كان هذا الشخص لديه والدين عاجزين وليس لهما إلا الله ومن بعده هو وكذلك عدم القدرة على توفير المسكن وكلنا نعلم أزمة السكن في هذه الحالة يكون الرجل في موقف أقل ما يقال عنه موقف الضعيف بحيث من أي جهة ينظر يصطدم بأمور تنغص معيشته لذلك إختيار الشريك من الأول يلعب دور كبير في مثل هته المسائل ويبقى إختياره مبني على نقاط معينة ينسى قليل أو بعبارة صحيحة يضحي يقليل من نظراته لزوجته المستقبلية لأنه خدمة الزوجة لأهل الزوج مسألة تربية وأخلاق وجود وليست مسألة شرعية ملزمة بها لذلك الإختيار والتفاهم الأولي أحسن وإن لم يجد عليهعدم التسرع ولو بقي عازبا أحسن من أن يخسر والديه في أخر عمرهما ويكون بذلك خسر الدنيا والأخرة
الموضوع قيم وكبير ويحتاج إلى أكثر شرح وتفصيل أكتفي اليوم بهذا وأرجو أن لا أكون ثقيل بتدخلي هذا مع تجديد شكري وإمتناني العميق لصاحبة الموضوع القيم