لماذا كل فتاة تتعرف عنها في النت تلبس ثياب التدين والاخلاق ولو كانت هيك وهيك ؟؟؟

[أسماء22]

السلام عليك
لازم عليك أخي متأمنش واش ينقالك و دائما دير احتمال الكذب و لا تظن ان كل الناس مثلك في صدقك لهذا فالحذر واجب و هل انت مجنون لتحب عن طريق الانترنيت ابحثه عنه في الحقيقة لأنه وهم في الانترنيت و لا تتفاجئ بالخداع و التمثيل لأنه من نعرفهم و نعيش معهم في الواقع تجد منهم من يمثل عليك فمابالك في المسنجر و دائما اجعل تفكير عقلك يسبق تفكير قلبك

 

[السوفي]

نعم أخي انا سوفية و لي كل الفخر أخي اذا كنت تعيش في سوف و تعاني هذه المعاناة واش يصرالك كون جيت عايش في العاصمة مثلا ولا تونس ولا بيروت ولا لندن أخي قوي ايمانك بالله وغض بصرك وكي تنوي الزواج بنات الاصل كثيرات و ابتعد عن علاقات الانترنت لانها أصلا محرمة و كون جا فيهت خير لاجازها العلماء ان شاء الله بالتوفيق لك

السلام عليكم

اهلا بالسوفية وانا اعيش في سوف
المشكلة ليست شخصية ولا اقصد التجريح فقط انا سالت سؤال ولم يجب علية اي شخص الى حد الان
لماذا اذا اردت ان تتعرف على فتاة عن طريق النت تلبسلك لباس التدين والاخلاق هل هذا عرف متعارف عليه ام هو اقليد ام خداع ما هو ولما التدين والاخلاق سبحان الله ؟؟؟؟​

 

[السوفي]

السلام عليك
لازم عليك أخي متأمنش واش ينقالك و دائما دير احتمال الكذب و لا تظن ان كل الناس مثلك في صدقك لهذا فالحذر واجب و هل انت مجنون لتحب عن طريق الانترنيت ابحثه عنه في الحقيقة لأنه وهم في الانترنيت و لا تتفاجئ بالخداع و التمثيل لأنه من نعرفهم و نعيش معهم في الواقع تجد منهم من يمثل عليك فمابالك في المسنجر و دائما اجعل تفكير عقلك يسبق تفكير قلبك

السلام عليكم

كنت اضن في الاشخاص الصدك لا الكذب فالكذب دخيل على الناس لانهم لا يعرفون الكذب وهم صغار ولكن اضن ان الموازين انقلبت في النت لهذا كان الحال كما قيل

ثم الامر ليس شخص وان كان الحب لا يساذن ولا يطرق البيبان يسكن القلب ويحرك الجوارح ويسوق اللسان فيلفظ بالتبيان وحسن الكلام
فقط سؤال محيرني لما تلبسون لباس التدين والاخلاق حين تتعرفون على الجنس الاخر وخاصة في النت ؟؟؟؟​

 

[السوفي]

السلام عليكم

كنت اضن في الاشخاص الصدق لا الكذب فالكذب دخيل على الناس لانهم لا يعرفون الكذب وهم صغار ولكن اضن ان الموازين انقلبت في النت لهذا كان الحال كما قيل

ثم الامر ليس شخص وان كان الحب لا يساذن ولا يطرق البيبان يسكن القلب ويحرك الجوارح ويسوق اللسان فيلفظ بالتبيان وحسن الكلام
فقط سؤال محيرني لما تلبسون لباس التدين والاخلاق حين تتعرفون على الجنس الاخر وخاصة في النت ؟؟؟؟​

 

[02asma02]

الموضوع راني معاك فيه بصح هذا الامر ينطبق ايضا على الاولاد انا كبنت يجيني الولد باسم الصداقة و الاخوة و طلب المساعدة فجأة بين ليلة و نهار يعود يقول نحبك و ارسليلي تصويرتك و اذا كان رد فعلي لالا راني رجعت ما نفهمش و راني نتلاعب لهذا لازملي نجري لحظر هداك الانسان ماكانش طريقة اخرى المهم مشكور على الموضوع

 

[sleepingbeauty]

واش بيهم الجزايريين تاعنا تاني يحبوا ليه ليه كيما قالها فلاق
nous on aime vite
ههههههههه
بلعقل برك على صحتكم كيفاه تحبوا عبد ما علابالكوش حتى اذا راهي طفلة تاع الصح ماشي راجل قاعد يتمهبل
​

 

[sleepingbeauty]

الموضوع راني معاك فيه بصح هذا الامر ينطبق ايضا على الاولاد انا كبنت يجيني الولد باسم الصداقة و الاخوة و طلب المساعدة فجأة بين ليلة و نهار يعود يقول نحبك و ارسليلي تصويرتك و اذا كان رد فعلي لالا راني رجعت ما نفهمش و راني نتلاعب لهذا لازملي نجري لحظر هداك الانسان ماكانش طريقة اخرى المهم مشكور على الموضوع

ههههههههههه و هادا اثبات على كلامي بلي الشباب الجزائري يحب ليه ليه يعرفك اليوم غدوة يقولك نحبك و بلا بيك ما نقدرش نعيش
​

 

[طائر السماء]

.. الســــلام عليـــكم ..
.. مــرحبــا خويــا العــزيز .. واشــراكـ ؟ ..
.. ان شاء الله تكــون بخيــر ..
.
.. و الله يــا خويــا هــذا الشي الي تتحدث عنــه يعتمــد على عقليــة الواحد ..
.. يعنــي مثــلا إذا كـــان الواحد يستعمــل النت غيــر على عشــان الحب ..
.. و العــلاقــات الغراميــة .. أكيد راح يتــم خداعــه ..
.
.. و ثــانيــا لازم تكــون صادق و على طبيعتكـ ..
.. حتــى تكــون معــاكـ الناس صادقــة .. صح و لاا كيفــاه ؟ ..
.
​

 

[لينة]

هذاك مصيرو
لانو هو اللي حوس على الطفلة مش هي اللي حوست عليه
اسمحلي

 

[asma2090]

اولا شكرا على الموضوع وانا حبيت نقلك حاجة ماشي قاع لبنات كيف كيف وكل وحدة تكون عقليتها ماشي مليحة وحابا غير تتمسخر هديك تبان غير هو اذا كان طايح على راسو هديك راه معذور الله غالب عليه​

 

[السوفي]

الموضوع راني معاك فيه بصح هذا الامر ينطبق ايضا على الاولاد انا كبنت يجيني الولد باسم الصداقة و الاخوة و طلب المساعدة فجأة بين ليلة و نهار يعود يقول نحبك و ارسليلي تصويرتك و اذا كان رد فعلي لالا راني رجعت ما نفهمش و راني نتلاعب لهذا لازملي نجري لحظر هداك الانسان ماكانش طريقة اخرى المهم مشكور على الموضوع

السلام عليكم

اسمعيني عندك كل حق وانا معك في كل كلامك ولكن شيء واحد مش كيف كيف وهو انكم انت تستطعون ان تستميلوا قلوب الرجال الصناديد يعني قلب الرجل يكون امام كل شيء صندوق مغلق ضاع مفتاحه له سنين مانفتح يعني شيء مستحيل ينفتح ولكن المفاجاءة الكبرة انه بمجرد كلمة او حتى نظر او همسه واذا كانت بسمه او غمزه فقل على كل الصناديق انفتحت وتطلع جواهر الرجل ويصير كما قال الشاعر فيه والمحب للمحب مطيع يعني حرام عليكم زوتوها معانا في هذا العصر صرنا نطالب بحقوقنا من اللي عملتوه فيها يا فتيات والله حرام عليكم

وشكرا​

 

[السوفي]

اولا شكرا على الموضوع وانا حبيت نقلك حاجة ماشي قاع لبنات كيف كيف وكل وحدة تكون عقليتها ماشي مليحة وحابا غير تتمسخر هديك تبان غير هو اذا كان طايح على راسو هديك راه معذور الله غالب عليه​

السلام عليكم

رد في غاية الاتزان والجمال يدل على العقل وشيء من الكمال ربما يحسدك عنه الكثيرين غير انه من تجربتي في النت لاقيت منهن اصناف بل اعتقد ان عددهم تزايد وصار كل مريدي النت يكون في نوايا بينهم يعني الثقة معدوة والكل يدعي انه بريء والواقع يقول انهن اكثر الممثلين في النت لا اريد ان اقص عليكم تجاربي وتجارب الغير والغير في الامر انها تجارب غريبه والله ​

 

[السوفي]

سلام عليكم...
واش نقولك خويا النات هادا غير كدوووب في كدوووب ادا كان في حياتنا العادية والحقيقة راك تشوف واش راه صاري كدب وتبلعيط وحقايق مزيفة..... ديفوا تخرج في وحدة كحلوشة( نيقروا) شعرها اصفر وعينيها زروقا( لي ونتي) هادا في الواقع و الناس تزيف في نفوسها... واش رايك نتا في النات ؟؟؟ يظلم في روحو لي يقول نتعرف على وحدة في النات وهادي ممكن نمدها نصيحة لأي واحد فيكم

السلام عليكم

ولكن لا يعقل ان النت كلها اكذوبه وليس فيها الصالحين انا اعتقد ان برامج المحادثة هي اكثر نصيب من الكذابين صح ​

 

[غادة اليم]

السلام عليكم ....

اولا موضوعك جاني غريب شويا وكنت مترددة فالرد اذ له جوانب وتفرعات عدة ومن كونهه ه\ه المرة وكغير العادة الضحية الرجال ... !
بصفة عامة يا اخي الكريم ربي عطالنا العقل مع المشاعر والعواطف وووو يعني مهما تحكمت فينا هاذي العواطف نحمو عقلنا ونخلوه سيدنا والا نظن رايحين نتعادلو هكذاك مع الحيوانات اليي تحكمها سوى غرائزها !
من جهة اخرى قولك علاه كل البنات في النت تلبس ثوب التدين والاخلاق هههه ياو اصلا بنت الدين والاخلاق ماتلقاهاش اصلا لتم في المحادثات وماعلاباليش واش حتى تقولك راني كذا وكذا ! يعني بالمنطق صاحبة الدين والاخلاق الحقيقية ماراحش تقولك راني هنا صح ولا لالا ... ومن جهة ماشي كامل لبنات كيف كيف طبعا ...
الحاجة اللي جاتني غريبة في الموضوع وتناسيتها ولا شفت غير الجانب ديالكم هي الرجال واش يعملو في البنات اللي على نياتهم تاني هاذي الطامة الكبرى يعني مهما كان خسارة البنت راح تكون اكبر ولوكان كل راجل وكل بنت اتقرى ربي في روحو مالحقنا انو يتلاعب كل طرف بالاخر .... وهذا اصلو كامل المخالطة بزاااف والهدرة والتقوسير ومن كلامك انك قسرت مع شحال من وحدة ... ؟ بما ان منطلقك البحث عن صاحبة الدين اولست ان من مبادئ هذا الدين حرمة هذه المحادثات ... وانه الطيبون للطيبات والخبيثون للخبيثاث يعني واش راك ادير راح تلقى واللي كاتبتلك هي سواء بمحتادثة او غيرها علاه تكسار الراس امالا !
على المصائب اللي تمشي في الطرقات ربي يهديهم ويهدينا اجمعين ورغم ذلك ماتخلوهاش ومتتاخدوهاش كحجة وعذر كبير حصنو روحكم ووسائل التحصين موجودة بحسب القدرة والحمد لله بالعكس اتخذوها كحجة لصالحكم بالاعتبار من قصة يوسف عليه السلام فصبركم على فتنة النساء واغرائهم سيكون مفتاح جنة وهذا اسمى مانطلب ... يعني لقيتوها واجدة بشويا صبر تربح اخرتك وتزيدو تهدروا ههه :001_tt2:... هكذا التخمام ماشي تقعد متاسف على عمرك وارحمونا وووو والواحد لازم يكون دايما هو المتحكم في حياتو خويا

تقبل مروري الطويل العريــــض:tongue_smilie: وتقبل صراحتي ان شاء الله مايكونش فيها تحرج منك في بعض النقاط ...:001_smile:

ربي يوفقكم ويثبتكم والسلام عليكم
​

 

[ملك الظلام]

كلامك وطرحك صح اخوي

ويلعن الحب في زماننا هذا

الك يتلاعب بمشاعر الاخر

خاصة حب النت لان الفتاة كما قلت تلبسك مظهرا ليس مظهرها

وفي الاخير تقول لك لا انت مني ولا انا منك

لاحول ولا قوة الا بالله

اعذروني لمروري المتواضع

"ملك الظلام"
​

 

[خديجة]

شوفو مش البنات كل كيف كيف كاين لي ديروا هكا و كاين لا

 

[جمال جمال]

السلام عليكم ورحم الله وبركاته ​

اخواني اخواتي في منتدانا اللمه الجزائري تعودنا الصراحة وخاصة في منتدى واش راك تهدر منتدى يعتني بالهجة الجزائرية وما في قلوب الجزائريين ولهذا انا اتسال واقول :
لماذا كل فتاة تتعرف عنها في النت خصوصا تلبسلك ثوب التدين والاخلاق وتغريك بمظهر اخاب بسحر القلوب يجعلك تقول هذه هي اللي نبغيها وقلبي يموت فيها ونبيعك ياعمري لو ما تديها ولكن الحقيقة ؟؟؟
هي تمزح معك على اقل تقدير مجرد يوم او يومين تلوحك في الثقيل ولا تحكي معك وترسلك رسالة ان الصورة اللي ارسلتها ما تخصها ومعها ههههههههههههههههههههههه والمسكين يتكسر قلبه ويصير حزين بين الناس مكسور الجناح ويبحر في بحر الهموم وهو مغروم ومش مصدق ويقول :
كنت دايرك في القلب نوارة وفي العين كحل وصرت اتحدث عنك في كل مكان وقلب سكنتية وصرت حياتي وكل ايام ليه ديرتي فيا وعذبتيني حرام عليك راني ماني مسامح على خاطر كسرة قلبي وردتيني مكسور الخاطر وتوتوه خلصت الحدوثه
من الواقع المر فاذا كنت ضحية لفتاة من النت احكي وفضفض عن قلبك حتى يلعموا واش راهم دايرين في المسكين خلوهم بلا قلوب وهم شبان عليهم العين والخاطر​

تقبلوا تحيات السوفي ؟؟؟؟؟​

يضهرلي يا السوفي يا خويا راك مريت بالتجربة على حساب كلامك والثوب هذا تاع العفة
والطهارة والاخلاق يلبسوه مام برة في الحياة العادية والكيس من يحسن الاختيار والتمييز
وان لا يقع وقوع حر chute libre .

شكرا على الطرح الجميل

تقبل تحياتي

 

[سلافة]

انا نضن بلي هاذ الطفلة راهي تتمنى حقا التدين لكن ظروف الحيات لم تسمح لها ربما تعيش في مجتمع متفتح ولم تستطع ان تكون غريبة اطوار لكن في الحقيقة هم غريبي الاطوار وليست هي

ومن جانب هاذا الذي يصدقها فهو اكثر واحد اهبل لانو لو كانت متدينة حقا لما عملت شات

ننتظر جديدك

 

[killua0555]

...جامى فى حياتك تامن الهدرة تاع ليكابل و التريسيتى ....معمرة بالخرط و هادى حاجة باينة ....يتما بعد على دعاوى الشر تبقا لاباس

 

[أم عبد الرحمان]

يا أخي بنت الفاميلية المتربية و الأصيلة لا تتكلّم مع الرجال في النت أقصد ما يقولون عنه التشات

وسؤالك لماذا كل فتاة تتعرف عنها في النت خصوصا تلبسلك ثوب التدين والاخلاق

أنا أسألك و هل رأيت وحدة خارجة طريق تقولك راني خارجة الطريق بكلّ صراحة كاين حتّى اللي تشوفها عاهرة حاشا قدركم و تقول لالا أنا راني نخدم على شرّي يعني بالنسبة ليها راهي نورمال

أنا نقولك أخطيك من بنات التشات!!!!