1
- الأوسمة
- 14
تيشارت اللمة
T-shert ellama
وش معنا هاذ الموضوع .. وعلاش دار محمد الفوطو هاذي هنا .. علاش مداروش في قسم الصور .. هذا باين موضوع فارغ ......
يقول الله عز وجل في كتابه الحكيم :
** إِنَّ اللَّهَ لاَ يَسْتَحْيِي أَن يَضْرِبَ مَثَلاً مَّا بَعُوضَةً فَمَا فَوْقَهَا فَأَمَّا الَّذِينَ آمَنُواْ فَيَعْلَمُونَ أَنَّهُ الْحَقُّ مِن رَّبِّهِمْ وَأَمَّا الَّذِينَ كَفَرُواْ فَيَقُولُونَ مَاذَا أَرَادَ اللَّهُ بِهَـذَا مَثَلاً يُضِلُّ بِهِ كَثِيراً وَيَهْدِي بِهِ كَثِيراً وَمَا يُضِلُّ بِهِ إِلاَّ الْفَاسِقِينَ **
استشهدت بهذه الاية الكريمة ... لتدركو ان الناس نوعان حيال بعض المواضيع ... صنف يفهمها ويدرك معانيها ولما وضعت و أي وقت زامنت و الرجاء منها ... ويدرك ميول صاحبها و اعتداله من ميله .... وشق اخر .. لايغوص في الاعماق ليجلب اللؤلؤ والمرجان .. بل يكتفي بالعوالق والسطحيات الطائفة .. هذا النوع الثاني لايكلف نفسه عناء البحث و استقصاء الدوافع .. فهو يمر مرور عابر سبيل .. لا يكترث ولا يشارك الاخرين ... و ان صادف وان حط رحاله على موضوع ... فهي اما صورة متحركة بمعنى موضوع رائع ... أو كلمة مشكور ..اطيلت بما تسمح به أقل احرف المشاركة .... وهذا الامر كامل راكم تعانيو منو كي تديرو موضوع جاد ..
تيشارت اللمة هي فكرة بسيطة مني .. تحمل في طياتها عدة ابعاد ...
هي دعوة مني لتوحيد التواقيع ولو لفترة معينة .. حتى تخفت الزوابع والاعاصير التي تضرب باللمة من كل جانب ...
رانا نعيشو كامل مرحلة حساسة .. وشفت من الاجدر بيا كشخص يحب اللمة ان أسعى و بمساهمة الزملاء في لم الشمل تحت راية حب اللمة و رقي هاذ الموقع ..
رانا نعيشو كامل مرحلة حساسة .. وشفت من الاجدر بيا كشخص يحب اللمة ان أسعى و بمساهمة الزملاء في لم الشمل تحت راية حب اللمة و رقي هاذ الموقع ..
مايخفالكمش بالي اللمة منتدى معروف ويقصدو اي متصفح للنت جزائري ولا صيني ولا افريقي .. المهم يكون يعرف العربية .. ولقيت بالي رانا نديرو في امور ماهي في صالح حتى واحد ..
كيما قال الاخ علي فور الجيريا ولاو التواقيع وسيلة للشرات و تصفية الحسابات .. ونا واحد من الناس درتها .. بصح عيب .. عيب توضف منتدى كامل لمصلحة شخصية وهي ابراز عضلاتك امام الناس .. وعيب اكثر من هكذا تولي حرب تواقيع و شرات ... المنتدى صرح جميل نخلوه هكذاك
انا كي عرفت بلي غلطت بدلت التوقيع و حابكم كامل تبدلوه و نرفعو كامل شعار المنتدى على مصالحنا و عداواتنا الفارغة والتافهة ..
حاجة اخرى ايضا هي مع التوحد هذا تاعنا .. راح يدرك الزوار لهذا المنتدى انو كاين حاجة ورابط يجمعنا .. ونغيرو سياسة التفريق الى سياسة لم الشمل ...
خلو المنتدى يكون فخور بيكم و لو خطرة وحدة ... علابالي كاين لي يحب رونالدو ولا تصويرة طوموبيل وكاينة لي تحب اونريكي اقليسياس ولا اسمر .. وكاينين بزاف لي يحبو يديرو قلوب و شموع باش يعبرو على احوالهم النفسية ... خليو هاذو الامور جانبا ولو لمرة وحدة ... ونحاولو نتجمعو تحت شعار واحد يبين الناس لي تحب اللمة ...
حاجة اخرى فكرت فيها وهي تيشارت حقيقي تاع صيف ..فيه رابط اللمة .. كي تلبسو راح تدير اشهار لهاذ المنتدى و في نفس الوقت راح تبين روحك بلي من ابناءها و هكذا يقدر واحد من جيجل يتلاقا في عنابة مع واحد من قسنطينة و يكونو اصحاب فيعليين في اللمة وما يعرفوش بعضاهم برا ...
امور كثيرة نطمح ليها ..وأهمها راني ذكرتو ...
التوقيع هاهو .. وفيه صورة فارغة يقدر يكتب فيها اي عضو اسمو و من بعد يرفعها .. واللي ميعرفش يتصل بيا ولا يروح لخيمة تاعي تاع** سطايفي ونص و 25 ** و يخلي طلب ثم وانا نعدلو التوقيع ..
اخيرا نطلب السماح من أي واحد قستو ... بالرغم من ان ناس بزاف قاسوني .. بصح الشئ لمليح يطول .. والكلمة المرة دواها الكلمة الطيبة
ملاحظة :اذا عجبكم الموضوع قيموه باش نعرف روحي وين راني ...
التوقيع :
رابط الصورة
******************************************
اللمة ......... نحبها ... و نحب اللي يحبها
*************************************************************************************
.
