يا لي راك تقرى فالهداف صباح ربي نسيت الجورنال تاع اللمة ؟ // sahiko //

[nina bonoise]

:scared:

ضرك نكادنيه:glare:

وقول الله لا يتربحها:glare:


:tears:ضرستني قتلتني، ندير دورة ونرجع نقرعج مليح:surrender:

روحي نحيها و اتهناي
انا نحيتها ضرستي قلت وعلاه انا مهبولة نروح نعقب الباك و هي تقتل فيا​

 

[°~Kenza_02~°]

هههههههههههه فكرتني في اخبار اللمة تاع 2008 مع محمد علي وسارة 02
بصح انت عندك السياسي بزاااااااف الله يسترك يا خيي
يعطيك الصحة حمزة نستنا الجديد
​

 

[DARINE05]

راح دير كيما الشوروق (الهدرة عليا والمعنى على جاري) جورنال معبي بالمعاني مرسي جورنال مليييييح نسناو العدد الجاي ولا كمالاه ???

 

[Sârsoùra L'mkàlChà]

ههههههه
ياا درنوونة يااا درنوووونة
جبتيها تع الصح
​

 

[mimi.dz]

وعليــكم السلام ورحمة الله تعالى وبركاته

الله أعلم أول مرة راح يكون فيها جورنال هنا في قسم واش راك تهدر
مانقولش جورنال مي نقول مجلة إخبارية على أقسام اللمة

المجلة هذي واحد مامشارك فيها غي انا وحدي برك وراح تكون بالعامية ولي مايفهمش يسمحلي :music_whistling:

السماح عند القاضي والقاضي ماهو راضي


أيا نبداو وبدون صور لأنو تجريبية :wink: :

العدد الجاي لازملو ديفوطو :music_whistling:

بريميار باج 1 - : العنواين


1- قالك كاينة زلازل راهي تصرى فالأقسام تاع اللمة غي الزلازال لي هلك الحالة تاع هيلدا وجماعتها ....
2 - قالك الناس كاملة ولاة عندها الديبلوم .. وبكل عندهم الحق يتكلمو ...
3 - قالك جيش وأعضاء جدد راهم دايرين لي مايندارش فالمنتدى هذا ....
4 - كثرة لي كوبل باللمة مي فنفس الوقت هوما بحذاتهم رافضينها ... :mellow:
5 - قالك تكبر وحد الجماعة من الأعضاء عن طرح المواضيع لأنو ... ( لازمك تهبط لتحت أشريكي )

6 - على حسب رايي انا راح نجد أحسن ثنائي اللمة يعني لي يدخلو للموضوع يديري لهبال ...



وقيلا هكذا سيبون دوك نشوفو النتيجة تاع المجلة

على بركة الله


قالك كاينة زلازل راهي تصرى فالأقسام تاع اللمة غي الزلازال لي هلك الحالة تاع هيلدا وجماعتها ....



عندها وحد السيمانة هكذاك يعني بعد ماريحت الناس كامل وراح الكوشمار لي يخلع أسمو نوض صباح ربي وألبس الطابلية وأرفد الكارطابلة وروح تقرى ....
موهيم كي راح داك الكوشمار الناس هاجت ... سخنت ولات تفرني بواش عندها
هات برك صغيرة كبيرة موهيم المشاركة دير المواضيع خلط دير زوج كلمات موهيم موضوع
مي فقسم واش راك تهدر يعني تعيا باه تلقى موضوع شاركت فيه باه تشوف الردود لي جات مورا ردك ههه اواه عاد ترد مكانش ساعة صحيحة تلقى الموضوع لي رديت فيه انت راح لاباج الكاتريام بلاك ... الموضوع الجديد ولا كي الخبز اجديد هههه ..... نستناو تعليقاتكم ..

هذا خبر رسمي مفيهش هدرة
الموضوع ميدومش 2 سوايع ويروح لعمتو لاباج 4
مسكينة تتوحشو :music_whistling:
مي الموضوع الفارغ يكون خفيف ديما يقعد هو الأول

قالك الناس كاملة ولاة عندها الديبلوم .. وبكل عندهم الحق يتكلمو ...



بوغطون هاذ الشي بذات ناس كاملة حكات عليه مي لاخبر وأكيد فيكم لي فهمني
نحكي على لكيب ناسيونال
مانروحش نقول دارو ماداروش لأنو كاين القسم لي سبيسيال بيه مي بكلنا ولينا نسبو في سعدان
من صغيرنا الى كبيرنا
ولي ماسبوش يقلك سعدان اواه مابقاش فيه ؟؟؟

الله يبارك علينا أحنا لي زالجيروا ....

قبل الماتش يكون عندنا 35 مليون مدرب
واثناء الماتش 35 مليون معلق
وكي يخلاص 35 مليون محلل
الله يبارك

قالك جيش وأعضاء جدد راهم دايرين لي مايندارش فالمنتدى هذا ....


ياو من 2008 وانا مكونكتي هنا
مي جامي فحياتي شت الجيش هذا ؟
ماعرف منين جا مي ابن عمي كي ولدو جاو ضربة وحدة هههههه
انا نقول فيها إنات ماشي غي إن برك ... :music_whistling:

كي تقارن بين اعضاء 2008 واعضاء درك تلقا غير لقليل
هذا اذا لقيت اصلا
في أواخر 2009 بدات اللمة تتجدد كل واحد باع السكنة نتاعو


كثرة لي كوبل باللمة مي فنفس الوقت هوما بحذاتهم رافضينها ... :mellow:


هي لي كوبل هنا فاللمة كاينة منين فتحت عيني فاللمة ... مي حاليا :scared:
رقم قياسي تحطم فالأشهر الأخيرة صح سيدي زيادة الخير خيرين ...

مي تلقاهم مكوبليين ويقولولك يكفينا من مواضيع الحب وديجا هو أو هي آخر موضوع داراتوولا دارو يحكي فيه على حنونهم وهاذ الشي لي يخلينا ديما حايرين ؟؟
شكون لي مع او رافض الحب ؟

وشني هو الحب ؟ هههه
كل واحد يهف في روحو ويقولك الحب
ربي يهدي

قالك تكبر وحد الجماعة من الأعضاء عن طرح المواضيع لأنو ... ( لازمك تهبط لتحت أشريكي )





يا غزال الصحراء ويا عبدو ويا هيلدا



ركزو معايا مليح ....


راكم تشوفو فالمواضيع كيفاه هايجة عدكم ..
مي كاينة حاجات


كاين وحد التكبر عند فلان وفلان وفلانة على الطرح ... :closedeyes:
كيفاه ؟ دوك نجاوبكم

كيفاه انا مواضيعي كامل تفوت ال10 صفحات ندير موضوع يكون فيه 3 ؟؟ مهبول انت ؟؟


لازم كي نديرو من نهارو يسخن ومايحبسش ولا قفلوه الله لا تربح لي كادناه هههه
هذي حقيقة ولي تقاس يقلي عليها ههههه

درك تجيك الكادنة هههه

على حسب رايي انا راح نجبد أحسن ثنائي اللمة يعني لي يدخلو للموضوع يديري لهبال ...




هنا نكونو في نهاية المجلة الأولى من أحداث اللمة ...



كاينين ثنايئيات من بكري هنا فاللمة
لادخلو لموضوع يريبوه ...




بكري كانو بزاف كيما فيدو وجماعتها ...
كنت أنا وسي فلان مول الكوستيم ...
هارد واي وحبيبو الله يرحمو ...
كاين رؤوف وسامي 007
كاين ذرك كيما الظل الطويل وحاتم
وكاين مريوووووومة وحبيبتها ايمان
وكاين تانا هيلدا وإسراء ( معاك يا الخضرا )
وكاين مام ديدا 07 ومعاه صحيبو الله يرحمو هههه سامي
علي وليلى الجزائرية
كاين أمين و ضحية صمت الله أعلم
وكاين وكاين
انا قلت على نعرفهم برك .. بلاك كاين بزاف مي جبدت هذو
لأنو كان دخلو لموضوع راهم يريبوه ههههه


نزيد نذكرلك الاقرباء
كيلوا وناروتو اصحاب 055 .هاذو الزوج كي يجيو
اترحم ع الموضوع ههههه

======================================

حادثة طريفة صرات البارح يعني بتاريخ 26 جوان 2010

موهيم كنت رافد الكابة تاع الردود وندور من لقسم لقسم أيا قابلني موضوع للأخت فلانة
نلقاها دايرة موضوع فيه زوج كلمات سخونين لواحد حاب يطيح بيها ههههه
الظريف فلحكاية هذي هو ردها قودام الناس
وديجا موضوعها صعيب باه يتفهم مي باينة فيها عركة هههه
مزيا هديتها وجات قوات مكافحة الشغب وحذفو الموضوع والله أعلم واش صرا من بعد
================================



=
=
=

= =

الحمد لله كي كملت أول مجلة لي فحياتي وهنا بالمنتدى
نتمنى برك تكون نالت إعجابكم والى أعداد أخرى طبعا بعد مانشوف رايكم ...
​

مجلــة هايلة مي نسحقو اعداد جدد
ومتكونش شهرية ديرها اسبوعية على الأقل ههه

يعطيك الصحة خويا حمزة
​

 

[sahiko hamza]

كي العادة عمو المدهون
نهار كامل وانت تدور في اللمة وتصيد في الغلطات تع الناس
ههههههههههههههههههههههههه
يجي نهارك سايكو متخممش
ميرسي عليك والله غير قتلتني بالضحك اليوم
بصح ماقتليش الجورنان تاعك يخرج كل يوم
هههههههههههههه​

هذي خدمتي هههه
ونقلك حتى جماعتي لي والفت بيهم هنا فاللمة راحو ...
مشي شويا اني من 2008 وانا هنا ..
الجورنال هذا قلنا راه مجلة وراح نديروهالكم كل شهر لا حب ربي :wink:



​

 

[sahiko hamza]

ايه ناس عايشة
:busted_red:
​

واش نخدم معايا ؟
​

 

[sahiko hamza]

الشي الي نعرفوه هو الجرنال خبارو قع كاذبة ويحبو يعمرو لي باج برك
بصح الجرنال تاعك كلامو كامل صحيح
مش صحيح برك راه يداوي .
مي كاينة حاجة مفهمتهاش

تاع التكبر هاديك اذا تقدر تفهمني فيها
خوك راسو ثقيل و ميفهمش مليح الله غالب
​

اهلا خويا عادل على سلامتك ...
حبيت نقلك توقيعك هايل وهات يفهمو الشرة برك ههههه
تاع التكبر .... كاين أعضاء مايديرش موضوع ولا دار لازمو شحال من باج ...
يعني موضوع صراحة مافيه ما يعجب مي الصفحآت الله يبارك
والعكس صحيح ... :wink:
​

 

[sahiko hamza]

هادا جـــــــرنال هاايل
وقتاه يخرج العدد الدوزيــــام ؟؟؟

خوويا صح سمعت بقصة ليكوبل هاذو
و ياا ربي برك يفضحهم هههههه والله غير ميتة نعرفهم و جابدتهم جابدتهم
ديجا راني شاكة في زوج



و خـــــويا سهيل آآه حمزة
ما نحبش نرجع للمواضيع ياسر باسكو انا عارفة روحي بالعة كاسيطة
و لوكان نبدا نهدر ما نحبسش
والله غير حراام ... الواحد يعيا باه يكتب موضوع ونا نجي في مامpا ساعة يتغلق بسبتي
انا هاذي لي ما نحبهااش يــــــاسر
​

بالعقل أنتي احنا درنا هذا نتاستسيو تقولي على العدد التاني ؟
هههههههههه اما في غلق المواضيع نشفىى على مول الكوستيما كان داير كادنة في التقيع تاعو لا شتها أعرف بلي موضوعك مقفول ههههه
​

 

[sahiko hamza]

هههههههههههههههههههههههه جورنال وعليه لكلام راك ديما فوووورو تووووب خو قتلتنا بالضحك راك غير تشر يادرا عليمن:um_sh: يعطيك صحيحتك حمزوز رانا نستناو في جديد ديالك شحال تنباع هد الجورنال ووقتاش يخرج ؟:yahoo:​

لا مانبيعوش الجورنال أحنا نعطيكم تقراو وكلشي خالص على محمد الليبي هههه
​

 

[sahiko hamza]

يا مسكين امين راه في الجيش ....​

ربي يعينو .... صحيت على المتابعة
​

 

[ملاك السلام]

الله يزيدكم يا خويا
مي غير قولي شحال قعت في هد الجرنال ياش كملتو
مي عندك وحد الرصاص يا sahikoاكتر من رصاص بوحنيكة الفرطاس
الله يعلم منين تجيبو ​

 

[sahiko hamza]

هاو يعطيك الصحة مجلة وعليها الكلام:yahoo:
اسلوب مليح حتى حسبت صح راني نقرا في مجلة مشهورة:closedeyes:
بالتوفيق ان شاء الله:heh:

الله يبارك خمسة فعينيك قريب تعاينينا ههه
​

 

[sahiko hamza]

ههههههه يعطيك الصحة خويا نستناو العدد الجديد بأخبار جديدة ومميزة
​

شكرا لك على مرورك الرائع
​

 

[sahiko hamza]

في انتضار الاعداد القادمة والله مجلة تاع الصح لازملها نشر و الطبع هههه
بارك الله فيك

لا هكذا راهي فور ... :yahoo:
​

 

[sahiko hamza]

جورنآل وعليه لكلام
خير من الهفآف
فكرة مليحة خيو
في انتظآر العدد القآدم
يعطيك الصحة
​

الف شكر ليك يا أختي ...
​

 

[sahiko hamza]

ههههه
كووكي تشفااي ملي قرينا الهفااف كيف كيف

حقـــا كنا نقراو ولا نشوفو فالتصااور
:yahoo: :yahoo: :yahoo:
​

هاو باينة كنتو احم احم ... :music_whistling:
​

 

[معاك يا الخضراء]

:huh: :huh: :huh: :huh:
تامني بربي ما فهمت حرف
فهمت كي قلت لاسرا الله لا تربحك برك :lol:​

 

[sahiko hamza]

هههههه يعطيك الصحة و الله غير من الصحف تاعنا اللي يطلعولك ....:cursing:

مشكوووور

هيه احنا درناها على باه نكسرؤو الروتين برك




​

 

[إحســاس بــراءة]

الله يبارك خمسة فعينيك قريب تعاينينا ههه ​

ههههههه لالا ماتخافش خويا مانيش موالفة نعين:closedeyes::heh:
كونك مهني ههههه:yahoo: