الدخلة لليسي

[yasmine_1993]

*السلام عليكم*
*واش اخباركم صافا شوية*
*الحمد لله*
ايه نبدالكم الموضوع امممممممممممممممممممممممممممممممممممممممممممممم
ياك نتوما قااع قريتو فلليسي احم احم بيانسور ماكاش الحابس هنا
ايه الوغ احكيولنا على نهاركم اللول كيفاش كان احم احم
علابالي حشمة و حوايج هاك
و واش كان احساسكم
واش كنتو لابسين هاهاها
ايا احكيو من كي نضتو الصباح حتى لليل
و نتوما لينتاجي لي رايحين تدخلو واش راهو احساسكم دركة
ايه انا نبدى راني خايفة شوية باسك بدلت الليسي سما مانلقى حتى واحد نعرفو
ابداو يالله

 

[programmeur]

يا اختي ماتفكرينيش الليسي فات عليه مدة طويلة
نشفا على نهاري الاول كنت في قمة الاحباط والحزن لانني ماكنتش حاب ندرس اختصاص تكنولوجيا ( نظام قديم )
بصح روحت تكنولوجيا بسيف عليا والمشكلة كان الليسي بعيد بزاف على الدار
هنا انا كرهت وماكنتش نحب نفطر في الليسي كنت نحب الماكلة تاع الوالدة
بصح الله غالب تحتمت الامور سوفرينا وقرينا و ربحنا واصبح الليسي من الماضي
شكرا لك اختي

 

[نقطة حبر]

الجزء الاول
انا وش نحكي وش نقول اليل معرفتش كيف فاة وانا نتخيل كيف يكون الليسي
المهم طلع الصباح وكان الجو زين لكن الطريق ماعندي منقول يخي عايشا في الدزاير المهم
زعما بنت جارتنا تقرا في الدوزيام وقاعدا تكورج فيا
وحدث ما لم يكن في الحسبان الطريق مقطوعة والوقت قليل لازم نفوتو
ولما قررنا لصقو رجلينا في الطين اه صباطي جديد زعما تنتقرعر بيه و الشباب شادة الحيوط وتزعق وتخيلي اليوم المعوج
بعد جهد وجهيد وصلنا الى اليسي الحارس اعوج سكر الباب
والله نحكيلك في الحقيقة مننساش هذاك النهار ابدا
يتبع

 

[اجمل زهرة]

هاااااااااااااي

نهاري الاول تاع الليسي كان فووور بزاااف هههه

اولا جات الدخلة في رمضان .... و السخانة تقتل هههه

و زيد الليسي لي داروني فيه ما نعرف حتى وااااحد حقروني هههههههه

دخلنا الصبح قرينا ادب عربي راني شافية .... الاستاذة هايلة بصح خصارة من بعد بدلوها

و زدنا ...... نسيت المهم من 10 للــ 12 قرينا انجليزية عند واحد الاستااااذ مانيش عارفة كيفاش جاز العام معاه هههههه

و زدنا العشية قرينا ساعة و لي موراها هربنا ههههه

بصح كان فوور .... ​

 

[═♥.ЈŪšť_ màn.♥═]

***مساء الخير ****
هههههههههههههههههههه
انا كيما انت العام الجاي في الليسي بصح نورمال
صح شوي خوف باسكو ديزامي جدد اساتدة جدد:crying::crying:
بصح راني فرحان بزاااااااااااااااااف
:001_wub::001_wub:​

 

[imen_31]

انا راني كيفك مازال مادخلت بصح راني حابة نعرف الاجواء كي دايرة

 

[شهنوزة]

ماكانش كيما ايام الليسي هايلة سيرتو العام الاول هايل

 

[نور الانوار]

بيانسير يدخلو بلبسة جديدهـ تاع لاغونتخي
لازم يطلعو السروال شوية باه يعديو فوق الماء هههههههه
​

 

[عاشق الوفاق 1]

لكان عدتي طالعة لاولى ثانوي رايحة تعاني شويا حقرى من المراقبين و اضدهاد من تلاميد الثانية والثالثة ثانوي وأول حاجة ديريها المراقبين شبحيلهم العقلية مليح لأن معضم المراقبين رخاس الله غالب أختي كون جيتي طفل كون قتلك على حوايج خلاف ديريهم مييييي ماعليش
ربي يوفقك

 

[خديجة نوي]

السلام عليكم اختي
ايييييييه فكرتيني فيه خخخخخخخ
شوفي كنت فليل متشوقة باه يجي الصباح و نروح نشوف علابالك حاجة جديدة و صبحت الصباح لبست الجديد ليكات ماغون و تحتها بودي ابيض و سروال دجين و صباط و خيمار ماغون ياحصرااااااااااااااااااه
ورحت مع بابا فلطونوبيل و لحقت لقيتهم مازالو يسناو مازال مادخلوش و سنيت معاهم و من باعد بداو يدخلو خخخخخخخخ كانو دايرين لاليست قريت انا وين و رحت ماكانوش معايا فلكلاسة ناس نعرفهم كانت وحدة تقرا فسيام لي كنت فيه مي ماشي مخالطتها و عقب النهار و وليت لدار خخخخخ خاب املي زعما هدا هو النهار لي سنيتو شحال
مي شوفي الليسي احسن مرحلة و طابلية و منا و العسة خخخخخخخ راكي فاهمة و استفيدي منها
سلام

 

[نقطة حبر]

الجزء الثاني
زعما درت الصف مع البنات وانا اصلا مانيش عارفة اي قسم يعني لم اسجل
لقيت بنات قريت معاهم في 4 متوسط دخلت معاهم
وبعدها شوفت من النافذة كل التلاميذ تقصر في الساحة وانا مع البنات القيل و القال والزوخ
زعما كنت تنخرج جاء المراقب العام وقل الي مش مسجل ايجي وقعد يدور بينا حتان وصلنا الى قاعة ودرنا اللشان .....................................................وقت طويل
جاء دوري سجلت صونات الى المنزل
15 يوم مرجعتش
لما رحت تلاقيت مع استاذة ياحفيظ نار
شافتني بلا كراس بلا محفظة وبدات فيا اه كرهت الليسي وما فيه
لكن الان احس انو احسن عام زعما راني في الثانية وعندي الخبرة

 

[عشيشو]

سلاااااااااااااام
العام لي فات كي ربحت البيام
انا الوحيدة لي ربحت في صحاباتي كنت وحدي
النهار لول دخلنا كان رمضان
وكنت مريضة بزاف الحمى يالطيف و ليلتها نقول لماما نروح ولا ما نروحش؟؟؟؟؟؟؟؟ كنت مريضة بزاف
المهم جا الصباح رحت بلبستي العادية حاجة مش جديدة .........
كي لحقت عرفت 2 بنات درت لاشان باش سجلت
و من بعد ما رجعتش حتى بعد 4 ايام
جانا استاذ فيزياء الحصة الاولى بدينا الدروس
وقتها عجبتني وحد الطفلة عاقلة و مليحة قعدت معاها في الصف
ومش عارفا كيفاش قلتلها انا نقرا معاك
قعدنا شوي لقيت روحي داروني في قسم غير نتاع لمهابيل و المعاودين
بصح لقيت روحي معاهم ... الحمد لله
و عام كامل شتا و ربيع و خريف و انا حاكمة بلاصة حتى سماوها داري هههههههههه
على خاطر ما نعرف حتى وحدة

 

[ou@il_39]

 

[sousou b]

ana nhar lawlani rani chayfa 3lih kount bazaf 3a9la lecy tekhaltlou 33a9la kheradjet manou kbiha tkhalt wahd maya3rafni kheradjete 9a3 ya3arfouni tahte f classa wahad mana3arfou 9a3da ghir nchouf w nasma3

 

[niri.sarina]

هدا النهار هايل لية انا زعما طلعت معا صحاباتي نورمال (العام لي عدا) زعما رحت بالطابلية نورمال مالا كي وصلنا لقيت الغاشي الكل ما هوش لابس الطابلية ايا مالا شفت مع روحي و ليت نحيتها هههه و كي تفتح باب اليسي باش ندخلو و قف المدير و قال لي ماهوش لابس الطابلية اروح يروح ايا مالا ستر ربي عندي الغيزارف جبدت بالخف الطابلية تاعي هههه شفتي ....

هدا درس اتعلميه ماشي كي طلعتي لليسي تقولي اني كبرت ولا المدير و المراقبين هادوك ديما يحطوك زعما صغير هدا وين طلعت ......

هدا وش صرالي في اليوم الاول زيادة على هدا عقبت عامي مليح قريت و نجحت دحكت و لعبت

و عدات....​

 

[yasmine_1993]

هذي تجربتي

ايا نحكيلكم تجربتي انايا هاهاها
بسم الله الرحمن الرحيم
فليل بايتة نتخيل :001_rolleyes:كيفاش يكون الليسي و الحالة الجديدة و منا:blush: ايا نضت الصباح وجدت روحي بيان بيان
و خرجت انا و بنت خالتي تقرا معايا و رحنا هاهاها لقينا روحنا حنايا لولين و دخلنا عند الادارة باش نجيبو ورقة و كاين تما وحد الناس يعرفوني:wink: احم احم:wink: شبعو عليا ضحك:laugh::laugh: و قاعدين يقولولي كبرتي ايه وبقينا واقفين فلاكوغ من باعد طلعنا لدوزيام ايتاج و قعدنا فلكلاسة ايه ساعة لولة ماجا حتى واحد:001_huh: و الزاوجة هبطونا لاكوغ:mellow: و الثالثة اوسي ما جا حتى واحد :001_huh:من باعد جانا تاع المات و موراها خرجنا و هكذا كان اليوم الاول انا ماكنتش حاسباتو هكا و لاباس مي درك الليسي بدى يبانلي مارق شوية السيام خير
ايا صحا

 

[MA§§!N!§§A]

لي عودة
العام لول تاعي فات في ثانية
​

 

[**** بنت أبوها ***]

والو كنت كارهة حياتي لاني راح نرجع نقرى و ثاني شي تغيرلي كلشي الاساتذة الاصدقاء

​

 

[صدى القلوب]

انا كانت حاجة نورمال عندي لخاطر طحت مع صحباتي اكيد لازم قش جديد قاليوم الاول رحت مع صحبتي قعد الغاشي اكل يسنا برا 2 سوايع ومبعد فالونا اللي مسجلش يسجل ضرك والباقي يروح لغدوة اليوم 2 ولينا طلعنا للكلاسة حكمت انا وصحبتي
الطاولة الاخرى غير حنا فالاخر مع الذراري الاستاذ اللي يخش يقول هذو ....................... مي كي يشوفو المعدل نتاعنا
يحيروا فينا المهم عقبت عام مليح وزهيت وهبلت الاستاذة
مرسي

 

[sousou 13]

السلام عليكم صح فطوركم
يا حسراه على ايامات الليسي ماكانش خير منهم و لوكان يسقسوني واش من مرحلة تبغي توليلها نقول الليسي srtt السنة 2 و الباك اما عامي اللول رقدت متشوفة و كي نضت وصلني بابا و كي دخلت تلاقيت اصحاباتي كنت في القسم المشوش 1S6و اول حصة كانت الرياضيات ماجاتش الاستاذة ..............و الله ما عقلت هذي 5 سنين
المهم بالتوفيق لللي عامهم اللول