ياهاجر القلب من هجرك دنا
موتي..
حفرت بيديك يانور الملا
قبري..
قلبي تحمل جفاك بكل
ما أوتي
والارض ضاقت وصارت شبر
في شبري...
العمر يمضي سدا وايامي
تفوتي
ليتك تحن وتروف بحالي
المبري..
أخفي جروح الفراق وطول
سكوتي..
واجبرت روحي على درب
الشقاء جبري..
يالول عمري يامرجاني
وياقوتي..
يا أطيب قلوب البشر كانك على
خبري..
تعال سرك بوسط الجوف
مكبوتي
الهجر طول وطول الصبر
مايبري..
مليت أنادي ومل الكون من
صوتي
ومليت اجامل ومل الصبر من
صبري..
حبك تغذي على شربي ومن
قوتي..
واسمك نقشته حروف ودمي
الحبري..
رآآق لي..
