سونلغاز ومادرتي فيا

[عاشق اللمة الجزائرية]

سونلغاز سونلغاز ومادرتي فيا ​

اذا تاخرت نهار على فاتورة تقطعي الضوء عليا ​

واذا نقطع سيمانة كل يوم تقولولي صبر شوية ​

سونلغاز سونلغاز وما درتي فيا ​

الجزار مسكين لحمه قلبه حبس شوية ​

والكرامري ماعادش يفرق بين العصير ولاكريم ، ذاب كل شي ويا​

واللحام ارمى حديده و قلبها سهريا ​

والخدام كل يوم في بانكا باه يخرج الشهريا ​

وامين كل دقيقة يزيد يتوحش اللمة ، ارواحوا شوفوا ما صرا فيا ​

سونلغاز سونلغاز وما درتي فيا ​

ماتزيدوش تقولولي هذي مرة تالية​

 

[dr.web]

ربي يكون فى عونك خويا العزيز امين ويكون فى عون كل شخص ضد سونلغاز ولا المؤسسة الوطنية للكهرباء الكهرباء طول هاربة وتتاخر شويا يقصوها عليك

 

[programmeur]

ههههههههههههههههههههه والله غيل ضحكتني يا خويا
سونلغاز ومادرتي فيا
وطالب لي حل كراسه على شمعة
مرة صراتلي في شهادة التعليم المتوسط
كنت حاب نقرا حتى طفى الضوء وغدا الامتحان هههههههه درت فيها شمعة

 

[لؤلؤة المحيط]

ههههههههه يعطيك الصحة خويا والله غير روووعة وهذا حالنا مع سونلغاز دجى غير مقبيل راح الضوء ولينا
كي دجاج التريسيتي ربي يكون في عونا​

 

[safa rym]

ههههههههههههه...........و يا أمين يا أمين مادرت فينا....
وليت شونتور و أنا ماعلاباليش.....
و الله لا راهي حالنا مع سونلغاز........كل يوم هكا....
مارسي على الكلمات القيمة باين اكسكلزيف للمة....ههههههههههه​

 

[** غزال الصحراء **]

سونلغاز تلفتيلي العقلية

كيما كل إدارة جزائرية

الشعب مرمد و الدولة غنية

يا أمين تقبل الكلمة ديااااا ...

يد بيد ما نسلكوش الفاتورة الجاية

ههههه
​

 

[محامي الجزائر]

شكرا لك أمين ...بصح معلاباليش بلي راك شاعر
امين واش راك تزكر في خوك ولا كيف
هههههههههههههههههههههه
راه خصنا شعر على الجامعة
تقبل مروري خالي​

 

[عاشق اللمة الجزائرية]

شكرا لمروركم اخواني

بارك الله في مروركم

 

[ألوان الربيع]

صحيح
حرنا كيفاش نيشو في هاذ لبلاد

 

[sarra]

خليها على ربي سونلغار اي قريب تقتلنا واحد واحدج من عفايس تاعها
اطلب ربي برك ما تعاودش عاميلها كيما رمضان لي فات تخلينا نفطروا على الشمع

 

[عاشق اللمة الجزائرية]

شكرا لمروركم

تبقى سونلغاز المغضوب عليها حين الانقطاع

المحبوبة حين الارجاع

 

[zagane]

سونلغاز سونلغاز ومادرتي فيا ​

اذا تاخرت نهار على فاتورة تقطعي الضوء عليا ​

واذا نقطع سيمانة كل يوم تقولولي صبر شوية ​

سونلغاز سونلغاز وما درتي فيا ​

الجزار مسكين لحمه قلبه حبس شوية ​

والكرامري ماعادش يفرق بين العصير ولاكريم ، ذاب كل شي ويا​

واللحام ارمى حديده و قلبها سهريا ​

والخدام كل يوم في بانكا باه يخرج الشهريا ​

وامين كل دقيقة يزيد يتوحش اللمة ، ارواحوا شوفوا ما صرا فيا ​

سونلغاز سونلغاز وما درتي فيا ​

ماتزيدوش تقولولي هذي مرة تالية​

سلام عليكم

روح حطب من الغابة و دير النار تضوي بيها و تطيب عليها و بني كوشة تع عرب و خليك من سونلغاز

 

[killua0555]

هههه ضحكتنى ....نورمال انا فهمت بلى حكومتنا راهى حابة تخرج جيل يأمن برومانسية وعلاش لالا يأمن بالغول هههه على هديك فطور ولا سحور على ضوء الشمعة يا سلام هههههههههه

ربى يعطيك الصبر روح اشرى فيها ميكرو يمشى بشمعة يفيد فى دزاير

 

[din@ c00l]

سونلغاز و مادرتي فيا حابة نخدم فيك ومالقيتش ليك قفلة . كيفاه ندير هههههههههها

 

[البسكرية1990]

السونالغاز تاع الصحرى مش كيما تاع التل في الصحرى تصب زوج قطرات تاع النو تروح تريسيتي الليل كل... بصح التل وش نقلك يصب الثلج وكان راحت تروح ربع ساعة هذا اذا كثرت

 

[احلى لمة]

هههههههههههههههههههههههههههه
تحيا سونلغاز

 

[jiji 94]

هههههههههههههههههه سونلغاز و طريق ** الدبووووووا **هههههههههه​

 

[ايمان48]

انا ضد شركة الكهرباء والماء في زوج كل اسبووع اضوء مقطووع والماء رااه في شهر يجي مرة في الاسبوو ع الله يحفظ وين وصلنا
هووما يدو الشكارة واحنا نشووفو ونعانو اخدم هالقليل قول هالمرتااح

 

[هوارية2009]

هههههههههههههههههههههههههه جيبلهوم الطبابلة وروح قدام بابهوم وغنيلهوم هاد لقصيد بالاك يهديهوم ربي على يدك هههههههههههههههههههههههههه

 

[Chahi_Dz]

هههههههه ضحكتني مي راك تقول الصح يقطعو الضو ثلاث ايام و ماعليش يقولولنا اصبروا شويا مي الا انت ما خلصتش في ظرف ثلاث ايام يقطعو الضو و ما فيهاش صبر شويا و زيد ادا استعمل الضو بزاف ولا ما ستعملتوش بزاف تخلص كيف كيف؟؟!!!!!​