راكي رايحة ............وانت راح تسمحلها تروح؟؟؟؟؟؟

[hala.21]

انا قلت علي يروحو اما ليا ندبح روحي قبل مايدبحني خويا متخافش ههههههههههههههههه

 

[السوفي حمة]

انا قلت علي يروحو اما ليا ندبح روحي قبل مايدبحني خويا متخافش ههههههههههههههههه

هيا مليح كمراكيش تتكلمي على روحك
لكن الإنسان كميحبش حاجة لروحو ميحبهاش لغيرو والحاجة الخاطية تكون عليا وعلى غيري
هكاك ياخي يا بنوتة
​

 

[hala.21]

وقت هدى تنصح واحد يقلك واش دخلك انا حر في حياتي

 

[حفيد هواري بومدين]

جماعة خليو الموضوع خاوة خاوة ​

 

[السوفي حمة]

معليش يا أخي مولا الكوستيم
هالا راهي أختنا الصغيرة ولازم ننصحوها
ونوجهوها
​

 

[حفيد هواري بومدين]

مدابينا يا حمة خويا
​

 

[السوفي حمة]

إن شاء الله أخي
رانا كامل خاوة في اللمة والكبير يوجه الصغير
من أجل رفع المستوى وإعطاء وجه مشرف للمنتدى
ولبلادنا امام الغير
بارك الله فيك على التنبيه وهو شيء غير غريب عليك
​

 

[الم و امل]

نقولكم الصح بصح ما تزدموش عليا ههههه ملي سمعت بلي فتحو مدرجات للنسا وأنا الشحنة حاكمتني وحابة نروح سيرتو عمري مادخلت للستاد في حياتي والملعب الي دخلتو هو قاعة حرشة شفت فيها نهائي كرة اليد أواسط على خاطر خويا كان يلعب تم المهم أختكم بدات الحملة الانتخابية انتاعها باش ندي الموافقة ويخلوني نروح وبما ان زوجي مسافر كان لازم ندي موافقة خاوتي وبشوية تبلعيط وبزاف تبلعيط قدرت نقنعهم وجا النهار الموعود ورحنا في خمس بنات ومنهم أمي وزوج ولاد خالتي ولتم الدخلة انتاع النسا وحدها وكان الغاشي الله يبارك وبدات التعليقات من الغاشي واحد يقول علاش خلاصو الرجال حتى ولاو يعمرة الملاعب بالنسا وواحد يقول لوكان يكون الستاد هكا ديما نسكن هنا بلا ما نحكيو على التعليقات الي فيها قلة أدب بديت ندور فيها مع راسي ونقول في قلبي لي يخرج من دارو يقل مقدارو قلتلهم يا جماعة الخير نوليو للدار خير لنا كامل ماحبوش وقالو نشعتينا ودخلتي الفكرة في راسنا ودرك حابة تولي في كلامك وبعد أخد ورد رجعت أنا ويما للداروهما دخلو شافو الماتش وحكاولي بلي كانت الحالة منظمة والحماية متوفرة بصح كسرولهم الباربريز ههه الشح ماسمعوش لكلامي ​

 

[السوفي حمة]

سيدتي الكريمة ألم وأمل
مرناش مؤهلين لمحاكمة الناس معناها مناش رايحين نزدمو عليك متخافيش
لكن أنت شاهدة على الواقع، شفتي أنك ورغم تحمسك للحضور للماتش من باب الفضول واختبار شيء جديد، لأنكم النساء هكذا فضوليات وعلى هذا تحبوا تروحو للعراس بزاف ههههههها
لكن ورغم حماسك مقدرتيش تدخلي من الشيء الذي عشتيه خارج الملعب
والله رانا خايفين من واش رايح يكون بعد هذا القرار
نظن راكي سلكت من عندي سلامات وربي يحنن عليك قلوب الأعضاء الآخرين
شكرا على صراحتك وتقبلي كل احتراماتي سيدتي الكريمة
​

 

[hala.21]

ونشاء لله ديما خواااااا خويا مولا كوستيم وخويا حمة

 

[asma2090]

لوكان يكون سطاط غير للنساء ولله محال لا نروح هديك عقلية خاسرة وماشي نتاعنا​

 

[lala القالمية]

ياو ماتفكرينيش يامخلوقة راني مرضت بالاعصاب
سبحان الله الحقارة وين وصلت بيهم
وانا اللي كنت نفتخر بالملاعب الجزائرية باسكو مايروحوش ليها النسا
واش حبو يهلكو البلاد وبناتها وشبابها أكثر ماللي هي مهلوكة
ربي يهد الجميع
واللي يسمح لمرتو ولا اختو ولابنتو تروح بصراحة وبلازعاف ماهوش راجل وماهوش أهل للمسؤولية
ربي يهدينا برك
ونورمالمو لبنات تاني عندهم عقل واللي تسمح لروحها تروح للملاعب ماهيش مرا خلااااااااااااااص

 

[لينة]

راني بعيدة على سطاد تاع 5 جويلية
انا رحت غير لي في عنابة