استجواب لكــــــــــــــــــــــــــــ البنات ـــــــــل

[chichina]

الهدف من المووضوع حابين نتعرف على بدايتكم في المطبخ
لان البدايات تحمل ذكريات حلوه

مابين المحرجه والمضحكة

تعالوا بنا نتذكر تلك الأيام من خلال هالأسئله



1/ متى أول مره بدئتي تطبخين؟



2/ايه أول شي طبختيه؟


3/ ما هورد فعل اللي طبختي لهم وكلوا من أكلك لأول مره؟

4/ ماهو شعورك من خلال أول رد فعل؟



5/ هل مازلتي تطبخين حتى الأن؟




6/ تحبين المطبخ ولاّ ؟


7/ موقف طريف مر عليك أثناء الطبخ ؟

يلا بصراحة​

 

[nada242008]

1/ متى أول مره بدئتي تطبخين؟

كي كان في عمري 15

2/ايه أول شي طبختيه؟
شكشوكة

3/ ما هورد فعل اللي طبختي لهم وكلوا من أكلك لأول مره؟

والله عجبتهم malgré

خوتي يشرطو في الماكلة
4/ ماهو شعورك من خلال أول رد فعل؟

فرحت ياسر وكنت حابة نطيب كل يوم

5/ هل مازلتي تطبخين حتى الأن؟

أكيد


6/ تحبين المطبخ ولاّ ؟

هوايتي المفضلة
7/ موقف طريف مر عليك أثناء الطبخ ؟

لا أذكر موقف مميز.لكن ساعات نجرب وصفات جديدة تجي الله لا يشوفك
خلينا في القديم خير
شكرا على الموضوع

 

[chichina]

راكي فحلة

شكرا على مرورك​

 

[*amina*]

الهدف من المووضوع حابين نتعرف على بدايتكم في المطبخ
لان البدايات تحمل ذكريات حلوه ​

مابين المحرجه والمضحكة ​

تعالوا بنا نتذكر تلك الأيام من خلال هالأسئله ​

1/ متى أول مره بدئتي تطبخين؟
والله ماني شافية بالضبط وينتا منكذبش على ختى​

2/ايه أول شي طبختيه؟
قليت حبة بيض​

3/ ما هورد فعل اللي طبختي لهم وكلوا من أكلك لأول مره؟

قليتها لروحي و عجبتني​

4/ ماهو شعورك من خلال أول رد فعل؟
فخورة بنفسي:yahoo:​

5/ هل مازلتي تطبخين حتى الأن؟
اكييييييييد​

6/ تحبين المطبخ ولاّ ؟
احيانا تغويني مهنة الطبخ​

7/ موقف طريف مر عليك أثناء الطبخ ؟ ​

يلا بصراحة
ماما دارت الحريرة و انا كي طليت على الطنجرة مشفتهاش زدت عليها الشربة لي نشروها جات معجنة ​

 

[chichina]

1/ متى أول مره بدئتي تطبخين؟
والله ماني شافية بالضبط وينتا منكذبش على ختى
ماعليهش راكي صريحة​

2/ايه أول شي طبختيه؟
قليت حبة بيض
بزاااااااااااااااااااااااااااااااااف
بديتي بحاجة واعرة خلاص هههههههههههههه
راني نتمسخر معاك برك​

3/ ما هورد فعل اللي طبختي لهم وكلوا من أكلك لأول مره؟

قليتها لروحي و عجبتني
صنع ايديا و حياة عينيا​

4/ ماهو شعورك من خلال أول رد فعل؟
فخورة بنفسي:yahoo:
بالطبع لازم تكوني فخورة راكي قليتي حبة بيض كاملة:yahoo:​

5/ هل مازلتي تطبخين حتى الأن؟
اكييييييييد
ربي يوفقك​

6/ تحبين المطبخ ولاّ ؟
احيانا تغويني مهنة الطبخ​

7/ موقف طريف مر عليك أثناء الطبخ ؟ ​

يلا بصراحة
ماما دارت الحريرة و انا كي طليت على الطنجرة مشفتهاش زدت عليها الشربة لي نشروها جات معجنة​

 

[[ايمآن]]

1/ متى أول مره بدئتي تطبخين؟

:confused1: والله ما ني متفكرة بلاك على 15 سنة

2/ايه أول شي طبختيه؟

:thumbdown: الشكشوكة ههههه
3/ ما هورد فعل اللي طبختي لهم وكلوا من أكلك لأول مره؟

:angel_not: بنينة اكيد......

4/ ماهو شعورك من خلال أول رد فعل؟

:001_wub: فرحانة

5/ هل مازلتي تطبخين حتى الأن؟

طبعا تقريبا انا نطبخ طووول:glare:


6/ تحبين المطبخ ولاّ ؟
شوي شوي بالنفحة

7/ موقف طريف مر عليك أثناء الطبخ ؟

ممممم ماكانش قاع...........:sad::crying:
​

 

[NAOMA]

بديت الطبخ في هاذ الصيف ..................و اول شيئ طبخته هو العدس ...........ردة فعلهم .........بصراحة ما عجبهمش و حلفولي ما نزيدش ندخل للكوزينة ..........بصح نورمال نغلط و مبعد نجيبها .مليحة ...........بعد اول رد كرهت الكوزينة قع و بقيت سمانة ما دخلتهاش .......بصح عاود رجعتلها و لضرك مزالني نطيب و مرات مليحة و مرات لا ...............
نكككككككككككككككككككككككرررررررررررررررررررررررهههههههههههههههههه الكوزينة .....كي ندخلها نحس روحي حتخرج ........................و كي نخرج نحمد ربي الف مرة و مرة .........

 

[chichina]

هههههههههههههههههه
ماعليهش تكباري و تنساي

 

[zithromax]

1/ متى أول مره بدئتي تطبخين؟

كان في عمري وحد 16 سنة هكاك.

2/ايه أول شي طبختيه؟
الجواز نتاع البطاطا والحمص
3/ ما هورد فعل اللي طبختي لهم وكلوا من أكلك لأول مره؟

و الله جاء هبال، أمنيني أنا من عند ربي نعرف نطيب
4/ ماهو شعورك من خلال أول رد فعل؟
وليت نمشي ونبونبي
الحي الحي انا زواخة، غير يحطو الطابلة وماتعجبنيش الماكلة نقوللهم كون قارعتولي انا نطيبلكم
5/ هل مازلتي تطبخين حتى الأن؟
ايه خصوصا في رمضان
6/ تحبين المطبخ ولاّ ؟
نقولك انا خدامة، ندخلو بنفحات، حتى كي كنت نقرى و بنفحات
7/ موقف طريف مر عليك أثناء الطبخ ؟
وحد النهار شفت الشاف أسامة قلى حبة بنان في التيلي، انا بغيت نعندو امالا كي قليتها رجعت روينة، من ثماك مازالو يزعقو عليا كي نشرو البنان يقولولي كون غير تقليهنا
ها شفتو قاع شطارتي ودرتها لعمري

تقبلي مروري​

 

[serine199]

1/ متى أول مره بدئتي تطبخين؟

والله ماني شافية

2/ايه أول شي طبختيه؟
شكشوكة
3/ ما هورد فعل اللي طبختي لهم وكلوا من أكلك لأول مره؟

مليحة


4/ ماهو شعورك من خلال أول رد فعل؟
حاجة هايلة


5/ هل مازلتي تطبخين حتى الأن؟
نعم انا كبيرة نتاع الدار



6/ تحبين المطبخ ولاّ ؟
شوية شوية

7/ موقف طريف مر عليك أثناء الطبخ ؟مانيش متفكرا

 

[killua0555]

1/ متى أول مره بدئتي تطبخين؟

هه والله مانى شافية بصح غير هنا ...

2/ايه أول شي طبختيه؟

سلاطة فلفل مشوى و بطاطا مسلوقة
3/ ما هورد فعل اللي طبختي لهم وكلوا من أكلك لأول مره؟

اييه هديك طيبتها على 12 كنت وحدى ردى فعلى بما انى انا لى كليتها عجبتنى و عرفت بلى يديا يديين شاف ههههه

4/ ماهو شعورك من خلال أول رد فعل؟

اييه عندى ما شكرت روحى فى قلبى :001_wub::001_wub:

5/ هل مازلتي تطبخين حتى الأن؟

اييه مازالنى نجوع ههههه نتمسخر اييه نهار جى دالتى ندخل و يديا فوق راسى


6/ تحبين المطبخ ولاّ ؟
لالا نكرهو ...نحب ميناج كتر و طيابات الحلوة للحد الان رانى ندير تجارة الدالات مع خواتاتى نتبادلو ههه

7/ موقف طريف مر عليك أثناء الطبخ ؟


انا فى عادة ناكل ملح بزاف كتر منهم ...نهار درت شليطة مالحة واحد مدنا ليها هههه بصحتى كليتها وحدى :angel_not:
​

 

[ابتسام جزائريه]

/ متى أول مره بدئتي تطبخين؟ 15



2/ايه أول شي طبختيه؟ اكيييييييييد معكونه


3/ ما هورد فعل اللي طبختي لهم وكلوا من أكلك لأول مره؟

لباس



4/ ماهو شعورك من خلال أول رد فعل؟ واصل على عموم



5/ هل مازلتي تطبخين حتى الأن؟ اكيد




6/ تحبين المطبخ ولاّ ؟ يعنى في اشو تعب


7/ موقف طريف مر عليك أثناء الطبخ ؟//////////

 

[chichina]

شكرا يا طباخي المستقبل

 

[killua0555]

شكرا يا طباخي المستقبل

احم احم . ....هادى ليا شكرتينى ...صحيتى ههههه...

 

[chichina]

ماشي خسارة فيك

 

[لينة]

1/ متى أول مره بدئتي تطبخين؟

و الله ماني شافية

2/ايه أول شي طبختيه؟

بطاطا مقلية بالبيض ههههههه

3/ ما هورد فعل اللي طبختي لهم وكلوا من أكلك لأول مره؟

قالولي جات مالحة هههههههههههههه
و مرة اخرى طبخت لروحي ههههههههههه

4/ ماهو شعورك من خلال أول رد فعل؟

حاجة نورمال

5/ هل مازلتي تطبخين حتى الأن؟

لا لا احيانا برك كي نجوع هههههههههههه


6/ تحبين المطبخ ولاّ ؟

dé foi نحبوا و dé foi نكرهوا ااااااااااههههههههه

7/ موقف طريف مر عليك أثناء الطبخ

مشني شافية

 

[aMiNa-K]

فكرتينا فيامات الصغر
اول حاجة طيبتها هي حبة بيض.. كان في عمري 10 سنين و جعت.. كانت يما قاعدة مع الضياف و انا جيعانة و قاعدة نتشرط على الماكلة :angel_not: الور ديسيديت نقلي حبة بيض.. طلعت فوق الكورسي باش نلحق للفورنو و قليتها.. الله لا يشوفك فيها مالحة و محروقة هههه

بصح مع الوقت تحسنت و الحمد لله :angel_not:
​

 

[chichina]

الحاجة ام الاختراع
ههههههههههههههههههههه
شكرا لمرورك امينة

 

[poli]

/ متى أول مره بدئتي تطبخين؟ في عمري 8 سنين .....ههه احم احم فحلة

2/ايه أول شي طبختيه؟ بطاطا حمرة هههههه
3/ ما هورد فعل اللي طبختي لهم وكلوا من أكلك لأول مره؟

ما طبخت حتى لواحد كنت نلعب عشى مي درتها صح و عجبتهم ههههه
4/ ماهو شعورك من خلال أول رد فعل؟ اكيد فرحت حسيت روحي سيدة رزقي هههههههه
5/ هل مازلتي تطبخين حتى الأن؟ معليش حنونة ضك لازم نطبخ ههههه انا الكبيرة تاع الدار و الوحيدة في دار واااااااااااااااع
6/ تحبين المطبخ ولاّ ؟ سعات بنفحات ماش ديما هههه مي نبغي نطيب ..ههههه
7/ موقف طريف مر عليك أثناء الطبخ ؟ اممم نتفكر ......
خطرة طحت بيا بالكاكوطة .....بلما نذكرلك تاع تحرق الماكلة ولا تتحرق الغرفة تاع اللوح/الخشب/ كي نقربها للنار و ننسى عليها
و تكسار لماعن ساكن في الدم ههههههه لازم نكسر حاجة كي ندخل للكوزينة
مي قوليلي صح صح
نبان حرة الحراير هههههههههه
راني جاوبت على الاستجواب غير باه طلعوني براءة و ماتحكمونيش مشتبه بيه
هههههههههه

 

[ميسومة الدلوعة]

1/ متى أول مره بدئتي تطبخين؟كان في عمري12 سنة



2/ايه أول شي طبختيه؟ فريت اوملات


3/ ما هورد فعل اللي طبختي لهم وكلوا من أكلك لأول مره؟

تريدت الطاجين والمحجوبة عجبتهمى بزاف



4/ ماهو شعورك من خلال أول رد فعل؟ ولا شيء



5/ هل مازلتي تطبخين حتى الأن؟ لا انا لفنيانا في الدار بصح ساعات ندخل نخلط بصح دجي لماكلة شابة




6/ تحبين المطبخ ولاّ ؟لا ما نحملوش


7/ موقف طريف مر عليك أثناء الطبخ ؟ لما درت لفريت اوملات كي كملت قليت لفريت رحت حطيت فقو البيض طول كي خرجتو من المقلة يقطر زيد واحد ما قدر ياكلها كامل عافوها