كيلو لحم بثمانين ألف

[** غزال الصحراء **]

صباح الخير , يا جماعة صباح راحت شريت اللحم لقيتو ب80 ألف و على الأرجح رمضان بقالو 3 أيام كي يدير الزوالي ؟ ولا لي يخلص تحت ال 4 ملاين زوالي 100 في 100 ..... يا ناس كاينة ناس ما تقدرش تلحق ما فهمتش أنا كل ما زادت الخرينة و غلى البترول , زاد علينا الهم و الغلى ..... قادرين يديرو شهرية لكل جزائري و تكفي الخزينة و لا طامعين في الدورو تاع الزوالي ؟ و الله أنا راني نخمم على فئات كيفاش دير ؟ لحم ب80 ألف و الله لا حرام , أنمنى تشاركوني باراءكم حول الموضوع .
​

 

[pRiAnCa*mCeE]

محسوب جات غير في اللحم...كون غير مازادوش في سعر الزيت و الدقيق وخلي لشتا الزوالي ما يوكلش اللحم زادو في كلش حرام و حرام و حرام

 

[* تسنيم *]

السلام عليكم
والله عندك حق خويا لعباد عادوا يطايشو برا ..بصح يعرفوا يجيبوا الفنانين باللملاير انا سعات ننسى لكان عندنا البترول مايبانش علينا
لكان جات دنيا دنيا رانا متعين و يديرو كل واحد شهرية
واش تحب عيش تشوف
ربي يعين الناس كامل خاصة في الشهر الفضيل
تقبل مروري

 

[said prince of p]

واش تحب الدير خويا خاطينا لينصرفوا

 

[** غزال الصحراء **]

محسوب جات غير في اللحم...كون غير مازادوش في سعر الزيت و الدقيق وخلي لشتا الزوالي ما يوكلش اللحم زادو في كلش حرام و حرام و حرام

يا ودي نوكل عليهم ربي أنا راني كنت منعزل عن العالم الخارجي :cursing: ما نيش عارف بلي النار راهي شاعلة في السومة .
​

 

[حفيد هواري بومدين]

زادو في اللحم
في الزيت
زادو في كلش
mém
الفليكسي مامنعش

​

 

[** غزال الصحراء **]

السلام عليكم
والله عندك حق خويا لعباد عادوا يطايشو برا ..بصح يعرفوا يجيبوا الفنانين باللملاير انا سعات ننسى لكان عندنا البترول مايبانش علينا
لكان جات دنيا دنيا رانا متعين و يديرو كل واحد شهرية
واش تحب عيش تشوف
ربي يعين الناس كامل خاصة في الشهر الفضيل
تقبل مروري

و الله صح يا تسنيم , تامر حسني جا دا ميزانية دزاير و راح و كي عاودو عيطولو ما حبش يجي تضامن مع المنتخب الوطني تاعهم ااااييه , عيش يا زوالي دراهمك داها الشطيح و الرديح و مام المهراجن الإفريقي ليه 40 سنة داروه في دزاير بعد واحد مادارو جات دورة البقرة الحلوب من جديد داراتو عادي في بلادي تحسب شايطة علينا .
​

 

[** غزال الصحراء **]

واش تحب الدير خويا خاطينا لينصرفوا

ها مي لازم تخممي على لي يصرفو لا ؟
​

 

[** غزال الصحراء **]

زادو في اللحم
في الزيت
زادو في كلش
mém
الفليكسي مامنعش

​

الحمد لله لفليكسي لبارح رجعوه لسومة تاع بكري , خافو من الإنقلاب عارفين الشعب يسمح في كرشو و مايسمحش في البلابلا تاع التيليفون يا خي حالة , صحيت سي فلان منور .
​

 

[pRiAnCa*mCeE]

ههههههههه انا لفليكسي خاطيني ميهمنيش ينقصولي في اللحم لا نموت

 

[BellojojO]

الزوالي ماعتش يعيش في بلادنا
كلش غالي كلش
نورمالمون يراعيو الظروف
مش ناس كامل كيف كيف
:cursing::cursing::cursing::cursing::cursing::cursing:​

 

[Fethi.dz]

زعما يقلك شهر رمضان شهر التكافل و الاخوة

مي نشوف فيها العكس شهر فيه تخدم عقول النهب

الاسعار يعني غير طالعة فوق الكيلو تاع اللحم راهو بـ 80 الف الجاج 35 الف و لا اكثر و كي يدخل رمضان يعود يقلك لازم تدفع بالشاك لانو ممكن يعدي الملايين

يعني ما بقى والو غير يقلونــا موتوو واقفين


و الله صدق اللي يقول نروح نسرق باش نتحبس ,, لانو اللي عايش فالحبس راهو خير من اللي عايش برى الحبس


ربي يهدي من خلق

 

[** غزال الصحراء **]

ههههههههه انا لفليكسي خاطيني ميهمنيش ينقصولي في اللحم لا نموت

اه , زعما الفليكسي ما يهمكش ؟

 

[** غزال الصحراء **]

الزوالي ماعتش يعيش في بلادنا
كلش غالي كلش
نورمالمون يراعيو الظروف
مش ناس كامل كيف كيف
:cursing::cursing::cursing::cursing::cursing::cursing:​

ايه , لي عندو يزيدولو و الزوالي كون جا عندو ينحولو .
​

 

[** غزال الصحراء **]

زعما يقلك شهر رمضان شهر التكافل و الاخوة

مي نشوف فيها العكس شهر فيه تخدم عقول النهب

الاسعار يعني غير طالعة فوق الكيلو تاع اللحم راهو بـ 80 الف الجاج 35 الف و لا اكثر و كي يدخل رمضان يعود يقلك لازم تدفع بالشاك لانو ممكن يعدي الملايين

يعني ما بقى والو غير يقلونــا موتوو واقفين


و الله صدق اللي يقول نروح نسرق باش نتحبس ,, لانو اللي عايش فالحبس راهو خير من اللي عايش برى الحبس


ربي يهدي من خلق

و الله كلام تمام , أنا ما فهمتش كي يديرو يخمموا زعما في رمضان محتمة عليك تصرف .. و الله يخدمو بطبقية بطريقة غير مباشرة سما ناس عايش و ناس مطايشة المهم واش نقولكم خوتي حنا ما نبكوش على واش دارو صحاب لكروش اللي عندو و كاينلو ما يبخلش خوتو في شهر الرحمة و يصدق على الناس كاش ما يرحمو ربي تحياتي مشكور عزيزي فتحي .
​

 

[fifi ken]

الزوالي مسكين من الجوايه كامل مقفولة في وجهوا الحاجة الي يقدملها معكوسة ليه وش يديروا باه يعيشوا يسرقوا.
رمضان نورمالمو نعاونوا بعضانا مش نخنقوا بعضانا ربي يهدي برك .

 

[** غزال الصحراء **]

الزوالي مسكين من الجوايه كامل مقفولة في وجهوا الحاجة الي يقدملها معكوسة ليه وش يديروا باه يعيشوا يسرقوا.
رمضان نورمالمو نعاونوا بعضانا مش نخنقوا بعضانا ربي يهدي برك .

امين يا رب , ناس قلوبها معمية و الله ما فهمت أنا دولة غنية و ولادها عايشين يتامة ..مرسي فيفي .
​

 

[zagane]

salam alaycom

مهم ما يواكلوناشي لحم الحمير كي هداك العام

ولا جيب لينا أنت لحم الغزال ممكن يكون رخيص

 

[** غزال الصحراء **]

salam alaycom

مهم ما يواكلوناشي لحم الحمير كي هداك العام

ولا جيب لينا أنت لحم الغزال ممكن يكون رخيص

ها أنا و مانيش صايبو :cursing: مي ماشي خسارة فيك نعطيك لي راه في التوقيع .
​

 

[oussama R10]

والله العاظيم غير منكر
يالخو بصح نورمال
ربي معاهم زواولة
وربي يحساب الي كــان السبب

ورمضان كـريم
​