لماذا نشاهد هذه الظواهر في شوارعنا ؟

الحالة
مغلق ولا يسمح بالمزيد من الردود.

سناقرية سنيقرة

:: عضو مُتميز ::
إنضم
4 ماي 2008
المشاركات
671
نقاط التفاعل
1
النقاط
17
العمر
38
بسم الله الرحمان الرحيم
عند المرور في شوارع مدننا نرى العجب
نرى الاوساخ في مكان... نرى كتابات حائطية... نرى مخلفات وفظلات البناء
وهنا اريد ان اطرح سؤالا
لماذا ؟ هل لا يوجد عمال نظافة ؟
هل تقصير من البلدية ؟
هل هي ثقافة "انظف بيتي والشارع" ليست مسؤوليتي ؟
هيا بنا جميعا نساهم في زرع ثقافة
"نظافة الحي مسؤولية الجميع"
ومدينة نظيف *** مواطن نظيف
 
الله غالب .. رانا في الدزاير وين رانا ؟؟

هذي هي الدزير ... و الغاشي لي يخدم راهو يفيس ..

اااااااااااه بصح كي يجي مول الكوستيم .. تللقاء الحية راجعت تشعل ... سياسية صعيبة نمشو عليها ..

و مشكور على الموضوع المميز و تقبل مروري البسيط
 
شكرا لك اخي الموضوع
انا نقلك الصح الحي تاعي نظيف ومام لبلاصة قاع نظيفة العمال دايمن تلقاهم ينظفو اما لبلايص لخرين بلاك العمال يتكبرو على الخدمة او امة الناس الي يسكنو فيها حيوانات الي والة يرمي وين يحب تقبل مروري
 
موضوع شباب ختيتو واش نقولك شوية منا و شوية من عمال النظافة نمدلك متال وحد خطرة كان جا كاش شاصية لعندنا ناس تنقى و تتحف كيما علابالكم تمشى فى نقا حالا بصح شفت وحد طفل رمى زكارة زبل ديالو حاشاك قريب لابوبال و تانى بلا هكداك بيناتنا جوزى بين الباطيمات بلا غطا كاسرونا و لا كسكاس من قنابل الى يحبطو بلا متفيقى هههههه هكدا كاين و كاين
 
salam alaycom

بدون تعليق.


17266jsoftjcom.jpg


في الجزائر ...حتى تصليح "العباد" ممكن هههههههههههههه


17257jsoftjcom.jpg
 
مروركم رائع اروع من الموضوع ولكن من المسؤول
 
بالطبع اهمال المواطنين والبلدية خاصة

والبلاد مايحبوش يجيو ينظفو الحي غير لاكان كانت المعرفة
 
بارك الله فيك أخي العزيز على الموضوع القييم والذي يستحق التقدير والتقييم

شوف خويا لعزيز المسؤولية مشتركة يعني كي المواطن كي عمال النظافة المواطن داير مشكلة برمي الأوساخ وين جاه تلقى المكان المخصص لرمي الأوساخ قدامو ويرميها بعيدة عليها وهذا المنكر بحذ ذاته والمشكلة في الوالدين لي الأغلبية تاعهم يبعتو ولا دهم يرمو الأوساخ بصح ماكانش نهار واحد راقب ولا نصح ولدو وين رماها نروحو لعمال البلدية بعض المرات يفوتو يرفدو باش يعمرو والطريق يعني لو كان تكون المزبلة حشاكم معمرة ماعلابالوش بيها يقولك الناس ترمي وأنا نقي يروحو ينقو رواحهم قبل وهذي العبارة المشهورة عند الأغلبية تاعهم بصح لوكان يجي كا ش كتف صحيح تلقى كلش يشعل يعني منين يبغو يرجعو الحالة تشعل ماشي صعيبة عليهم والمشكلة عمرك ماتسمع عامل نظافة أستدعاه المسؤول عليه وسألو على المكان الفلاني ولا الفلاني علاش مارفدتوش منو الأوساخ يعني كيما هكذا نقولك مثال مشهور يقولوه العمية تكركر فالمجنونة والرأي في يد العقونة وكمل من عندك خويا لعزيز
ربي يحفظك وربي يخليك وربي يعطيك ماتتمنى دمت ودامت مواضيعك المميزة
 
سلام
نقولك حاجة ختيتو
عندو الحق الي قال ادا اردنا التغير فل نبدأبأنفسنا
يعني حنا الدزيرين هكا ونبقو غير هكا متنفعنا التوعية لا يديك لايجيبك
فالحين غير فالهدرة وتكسار الراس
ونلقو اللوم على الدولة هى صح دولتنا الله الله يبارك ويزيد
مي انا مشفتش الدولة هدي الي راهي ترمي الوساخ
وزيد كن كل واحد ينقى واش يقدر ويعلم وليدو كيما مايرميش الورقة فالصالون مايرميهاش فالطريق تتتسقم الدنيا
مي وقتاش تولي هديك التقافة بعيدة علينا بزاف باش تلحقنا لازم 100سنة وحد اخر ى
وزيد لوكان جينا مسلمين بحق الدين تاعنا راه هو بحد داتو يوصي على النظافة كي تقول ايمان معنتها نضافة مي الله غالب حنا عرب نعرفو الصح ونديرو الغلط:sleep::glare:
 
الله غالب انا والله في حومتنا درانا نظيفة ونظف قدام دارنا مي حدانا وحد الجوارين النظافةوالو مع انو منطقتنا منطقة غير نتااع الفيلات كاين مواطنين موسخين حتى في بيوتهم خصك غير ينظفو الحي
 
في زوج مسؤولين البلدية و الشعب الشعب لي والا يرمي ويروح و البلدية عمالها ما يقوموش بالواجب على اكمل وجه ...تقبلي مروري
 
موضوعك نظيف... عفوا في الصميم
ولكن المتسبب في هذا ليست البلدية
اذا اردنا ان تكون احياؤنا نظيفة فعلينا بتنظيفها بأنفسنا و لا نعتمد لا على عمال النظافة ولا على البلدية
وصدق من قال مواطن نظيف = مدينة نظيفة

 
الله غالب

بوتفليقة و قالها
 
الله غالب غبتلي في المشكلة هذي طول .....

واش راح ديروا

التقصير مش من الدولة برك حتى من لعباد ايا معليش

خخخخخخخخخ

صح رمضانكم
 
والله يا ختي المشكل الكل من الشعب حنا لي لازم نحافظو على الشوارع الحكومة تنظف وحنا نوسخو انا نستعرف بللي الخطأ منا حنا وبارك الله فيك على لموضوع
 
كون جا كل واحد يخدم خدمتو قد قد
كون راها دزاير جنة فوق لرض
 
و الله يا خويا السبب راهو باين و هو انعدام نظام عندنا



و كما قلت النظافة مسؤولية مي حنا نشوفو بلي ما عندناش مسؤولية


و نظافة راهي من الايمان


صحـــــــــــــــــيت
 
كون جينا نخمو هك كون رانا لولين
 
المواطنين اختي هوما كلش يقدرو يرجعو الحالة تشعل ويقدرو يرجعوها......... البلدية عيات ماتخدم
 
للاسف الناس ولاو وين جات يرمو الزبل تاعهم.. يقولك تخطي داري برك.. في بالهم الدار لازم تبقى نقية وغير يفتحو الباب تا الزنقة تماكك وين يرمو الزبل حاشاكم

ادا واحد كبير يدير هكدا وش نستناو من الدراري الصغار

الله يصلح احوالنا
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top