الطبة نتاع الوقت...

[الظل الطويل]

وعليكم السلام خويا
صح رمضانك نتا تاني...تقبل الله منا و منكم الصيام و القيام
*********
عندك الحق خو....هادا هو حالنا لوين وصل
هم خالصين و كلشي يجيهم....يعني حاجة ما تخصهم
مي الخدمة تاع الصح ماكانش
يسقدوا فلغاشي و خلاص والله ماهو هامهم شئ
تروح ليهم و تقوللهم عندي الوجع في كرشي
يقولولك: ماتخافش عندنا الدواء و بربي راح تشفى في اقرب وقت
ايمالا يمدولك باراسيتامول......
ياخي حالة ياخي
ربي يهدي و خلاص​

الله يهدينا جميعا
اختي هادي حالتنا ولينا مشتريا عندهم مشي مرضا
يعطيلك تدي وخلاص
مشكورة على مرورك اختي...
​

 

[الظل الطويل]

والله ما نعرف واش نقول
أنا بسبب الإهمال تاع طبيب
شفت زوجة عمي تموت بين يديا ومقدرت ندير والو
ولما تكلمت جابلولي الأمن خرجني برا
لأن سي الطبيب كان في رونديفو أنتيم وقت الخدمة

​

الله يرحمها ويرحمنا جميعا
القلب راهو معمر خويا خلي هكاك
مشكور على مرورك
​

 

[لينة]

ههههههههههههههه
عندك الحق و الله
هذي العقلية تاع درك
صح فطورك

 

[الظل الطويل]

ههههههههههههههه
عندك الحق و الله
هذي العقلية تاع درك
صح فطورك

مشكورة اختي على مرورك
الله يسلمك وانتي زادا صح فطورك
​

 

[همسات الحنين]

لو كان تشوف فالاقامات الطلبة نتاع الطب كيفاش يقراو و كيفاش عايشين الا من رحم ربي
تفهم علاش الطب نتاع هاذ الوقت دايرين كيما هاك
شكرا على طرح الموضوع و لازم الطلبة من الاول يخافو ربي باش يخرجو متمكنين من المهمة ديالهم و ارواح الناس ماهيش لعبة راهي امانة اعطاها ربي للطبيب

 

[الظل الطويل]

لو كان تشوف فالاقامات الطلبة نتاع الطب كيفاش يقراو و كيفاش عايشين الا من رحم ربي
تفهم علاش الطب نتاع هاذ الوقت دايرين كيما هاك
شكرا على طرح الموضوع و لازم الطلبة من الاول يخافو ربي باش يخرجو متمكنين من المهمة ديالهم و ارواح الناس ماهيش لعبة راهي امانة اعطاها ربي للطبيب

على رأيك اختي
لازم يصلحو الطلبة باش يخرجو اطباء صالحين
مشكورة على ردك
​

 

[maya31]

ههههههههههه
تقولو راني مريض من عينيا يمدلك دواء نتع الودنين


سي فري كاينة و تلقاها
ما يكون عندو والو يولي طبيب بالمعرفة و يرهج ناس
و كاين هجرة الادمغة
و زيد و زيد


شكرااا
​

 

[حسان]

عندك الحق 1000 بالمئة انا عرفت هذا منذ مدة طويلة

و أقسمت ان لا أ ذهب إلى الطبيب أبد حتى ولو مت أي أفضل الموت عن ذهاب إلى الطبيب
لكنني أذهب إلى الصيدالية و أشتري دواء أنا اعرفه و نسأل المجرب و لا نسأل الطبيب

و كتبت في وصيتي أن لا يتبع الأطباء جنازتي .. و شكرا



​

 

[farida91]

صح كاينه منها
الاطباء ولاو ميعرفوش الدواء اللي يصلح
و صراتلي انا مرة
موضوع هايل شكرا ليك خويا ​

 

[الظل الطويل]

ههههههههههه
تقولو راني مريض من عينيا يمدلك دواء نتع الودنين
ومبعد كي متبرايش يزدلك نتاع الراس
هدو الطبة


سي فري كاينة و تلقاها
ما يكون عندو والو يولي طبيب بالمعرفة و يرهج ناس
و كاين هجرة الادمغة
و زيد و زيد
وزيد وزيد .....زيد:thumbdown:
خلي هكاك برك


شكرااا
العفو اختي..نورتي الصفحة
​

 

[الظل الطويل]

عندك الحق 1000 بالمئة انا عرفت هذا منذ مدة طويلة

و أقسمت ان لا أ ذهب إلى الطبيب أبد حتى ولو مت أي أفضل الموت عن ذهاب إلى الطبيب
لكنني أذهب إلى الصيدالية و أشتري دواء أنا اعرفه و نسأل المجرب و لا نسأل الطبيب
بصح لازم دير بالك
مي لازم الاستشارة برك

و كتبت في وصيتي أن لا يتبع الأطباء جنازتي ..
هاه اعلان الى كل الاطباء ميمشوش في جنازتو

ربي يطول في عمرك خويا
و شكرا
العفو خويا ومشكور على رأيك



​

 

[الظل الطويل]

ونعم الطبة
مي انت معشاق وش دخلك في الطبة ؟؟
احم احم

​

 

[الظل الطويل]

صح كاينه منها
الاطباء ولاو ميعرفوش الدواء اللي يصلح
و صراتلي انا مرة
شتي ربي سترك الحمد لله كي جات سلمات
موضوع هايل شكرا ليك خويا
وردك اجمل اختي
العفو مرورك اسرني

​

 

[D aucun]

أهلا اخي
ياك تعرف القط كي تجيه اللحم بعيد يقولك مكان لاه ماغاديش ناكله
خليني نقولك خويا كونك راجل ياك وكي تمرض ماتروحش للطبيب نقولك هاداك راهو قرى عليها 7 سنين ونزيدك اذا دار سبيسياليتي 11 عام راهي حياة يا خويا تجي نت تقوله كوردوني احترم روحك ويزيدو هنا يقولك نلبس دوا في نيميرو تاع سبابط ربحت هاك وكي يجيك طبيب من الخارج تبقى تقول واه طبيب وطبيب مي مينو يبقاو لي ميدسان جزايرين تقوللهم دي كوردوني خسارة عليك انا نشوف طبيب نحترمو ماغري مانعرفش شخصيتو ولا عقليتو لانو بكل صراحة تعب ويستهل وماكاش منها تاع طبيب معرفة ومنا لانو هنا تكون حياة ناس وتقدر انت اذا مدلك دوا ماشي تاعك تبوزي بلانت وما تبقاش تقول ماشي طبيب ونزيدك اشرف مهنة مهنة الطب ياحبيبي وكل طبيب وضميرو على ديك هادو الاعضاء لي قريت كامل الردود تاعهم ولي نت فتحتلهم الطريق باش يايويو ويقطعو نقوللهم بلي ماتلعابهاش طير وكي تمرض تقول نروح للطبيب ياك تقول ماهم طبة الور كون عند كلامك واذا مرضت ماتروحلهم

 

[حورية الجزائر]

نقولو ربي يعافينا ويبعد علينا الامراض
هكدا منروحوليهم منشوفوهم مايوجعونا قلوبنا

ربي يشافي كل مريض

 

[حفيد هواري بومدين]

واش رايح نقول لحبيبي
راني ان شاء الله رايح نقرى طب
مي مداير بين عينيا الجراحة
حاب نولي جراح قلب
باش نولي سبيسياليت وهكا نحس بروحي قادر نقصر في حق الناس
وزيد الطب مهنة شريفة يعني نورمالمون الطبيب بالطب يرحم الناس ويشفيهم مي ماش يربح الدراهم الله غالب خويا


​

 

[الظل الطويل]

أهلا اخي
ياك تعرف القط كي تجيه اللحم بعيد يقولك مكان لاه ماغاديش ناكلها
خليني نقولك خويا كونك راجل ياك وكي تمرض ماتروحش للطبيب نقولك هاداك راهو قرى عليها 7 سنين ونزيدك اذا دار سبيسياليتي 11 عام راهي حياة يا خويا تجي نت تقوله كوردوني احترم روحك ويزيدو هنا يقولك نلبس دوا في نيميرو تاع سبابط ربحت وةكي يجيك طبيب من الخارج تبقى تقول واه طبيب وطبيب مي مينو يبقاو لي ميدسان جزايرين تقوللهم دي كوردوني خسارة عليك انا نشوف طبيب نحترمو ماغري مانعرفش شخصيتو ولا عقليتو لانو بكل صراحة تعب ويستهل وماكاش منها تاع طبيب معرفة ومنا لانو هنا تكون حياة ناس وتقدر انت اذا مدلك دوا ماشي تاعك تبوزي بلانت وما تبقاش تقول ماشي طبيب ونزيك اشرف مهنة مهنة الطب ياحبيبي وكل طبيب وضميرو على ديك هادو الاعضاؤ لي قريت كامل الردود تاعهم ولي نت فتحتلهم الطريق باش يايويو ويقطعو نقوللهم بلي ماتلعابهاش طير وكي تمرض تقول نروح للطبيب ياك تقول ماهم طبة الور كون عند كلامك واذا مرضت ماتروحلهم

هههههههههههههه خويا نحترم رأيك
عندك حق اشرف مهنة هي الطب
بصح الطب مشي لي عندنا يقتلو في الغاشي
ولاو دايرينها تجارة
انا خويا مهدرتلكش على المهنة في حد داتها هدرتلك على العباد لي راهم يخدمو فيها
زيد انت قتلي كي يعطيك دوا غالط تروح تشكي بيه
منين تشكي بيه بعدما تتفر في صحتك تقولي نشكي
انعل ابليس:glare:
انا درت هدا الموضوع مشي هكاك
كاين شي ناس ماتت بسبب الاهمال والا مبالات
انا طرحت الموضوع باش توصل رسالة للاطباء باه يحالو يكونو اكثر جدية في عملهم ولي راهم يقراو فيها يحاولو يستفادو من الموضوع
مشكور خويا على المناقشة وصحا فطورك...
​

 

[الظل الطويل]

نقولو ربي يعافينا ويبعد علينا الامراض
هكدا منروحوليهم منشوفوهم مايوجعونا قلوبنا

ربي يشافي كل مريض

مشكورة اختي على مرورك
الله يعافينا جميع ان شاء الله
​

 

[حفيد هواري بومدين]

بصح ماحقكش طيح فيه كيما هكا بعد
كيما قالك 7سنين وزيد 4 ولا 5
نتاع سبيسياليتي
راه شعرو يشيب ويزيد يخرج برا يلقا العوج
مالا عندو الحق كي يمد دوا نتاع القراجم لواحد مريض بالقلب
​

 

[الظل الطويل]

واش رايح نقول لحبيبي
راني ان شاء الله رايح نقرى طب
مي مداير بين عينيا الجراحة
حاب نولي جراح قلب
باش نولي سبيسياليت وهكا نحس بروحي قادر نقصر في حق الناس
وزيد الطب مهنة شريفة يعني نورمالمون الطبيب بالطب يرحم الناس ويشفيهم مي ماش يربح الدراهم الله غالب خويا


​

خويا ربي يوفقك
وانا درت الموضوع هدا خصوصا لي راح يقرو طب باه يديرو في عينيهم الناس برك
وميلعبوش بارواحهم
مشكورة خويا سي فلان على ردك
ونزيد نقلك ربي يوفق يا طبيبنا
​