دعوة للفطور رمضان

[brahimalg]

السلام عليكم ......... كما راكم تشوفو و على بالكم رانا في رمضان .... مالا نقولك
صح رمضانكم و كل عام و انتم بألف خير ...
و ثاني كما تعرفو رمضان في الدزاير alg مشهور بسهرات في ليل مع العائلة و دعوات للفطور و أشياء اخرى يتمتع بها رمضان في الجزائر ...
و انا اليوم حبيت نعرضكم للفطور مدبينا الكل يستجيب للدعوة ... ​

و ثاني راني دايرلكم واحد الفطور على كوسطوكم ... متنساوش و تحضرو
و باش تعرفو كيفاش راني مبروقرامي الدعوة .. تفضلو ​

و نعرفكم اول شيء باالوالدة للريحا تعملنا الفطور ..
ماما العزيزة

شوفو واش رايح يكون فطورنا ​

كسكس مخلاش بلحم .. فووووووووووووور

​

و شوفو واش راها معول ماما ديرلكم ..
شربة فريك مازال مدقتوهاش في حياتكم

​

و زيد ثاني طاجين زيتون بلحم فوووووووور

​

مع شويا نتاع المحشي هذا ...

​

و ماننساوش البوراك يا بابا

​

و هذا الكونجيلي نتاع بيبسي .. وووووك صايي تشرب حتى يخرج من نيفك

​

و هذا كل و مازال ... مزال الفواكه من دلاع و تفاح و بنان و فروالة .. مقدرتش نصورهم لانو رايحين يجو من مزرعة اونديراكت ليكم للفطور ..​

و منبعد الصلاة الطراويح ما ننساوش قعدة نتاع لتاي ..ااااااااااااايه يا بابا ما ينحها حتى واحد ..

​

مع زلابية و بقلاة و قلب لوزو سبع العروسة ..و احنا فطرنا و الحمد لله

​

إن شاء الله الكل يلبي الدعوة ........... و سمحولي إذا كانت الدعوة متليقش بيكم و الله تستاهلو اكثر من هاك​

 

[brahimalg]

الدعوة عامة للكل ..........

 

[عاشت فلسطين]

كل عام وانتم بخير وصيام مقبول انشاء الله بس الدعوة بدون عنوان​

 

[brahimalg]

كل عام وانتم بخير وصيام مقبول انشاء الله بس الدعوة بدون عنوان​

ااااااااااكيد يا خو ...مركي العنوان عندك ..4شارع حي سي الحواس .. الشرفة .. سقسي على هيما يجبوك ليا ...

و الكل رهو معروض يلاه الحقو

 

[brahimalg]

واش يا اللمة معجبكمش الفطور و لا ؟؟ ..... راني نستنا فيكم واحد ما لحق ........... إذا كان ناقص حاجة خبروني ..

 

[brahimalg]

صحا فطوركم

 

[* تسنيم *]

السلام عليكم
يا خويا راك قتلتنا علاه عليك انا من ضرك نجي ربي يعيشك
فطور فور خاصة المحشي الله الله
صح فطوركم
ميرسي على الجود والكرم

 

[dahman kz]

ياخويا راك تعبتنا بالتصاور علاه عليك ؟؟
المهم بارك الله فيك على الدعوة وتهلى في ماماك وصحى فطورك يالعزيز
​

 

[محمد90]

الدعوة كاينة بصح la dressمكانش

 

[brahimalg]

الدعوة كاينة بصح la dressمكانش

لو كان تشوف فوق تلقى الدعوة يا خو ههههههه
شوف الردود

على العموم يا خو
اروح للمستغانم .. روحي عيت تادلس قولهم ادوني حي الشرفة و سقسي على هيما .. يجبوك ليا دراكت
راني نقارعلكم متبطاوش يا خو

 

[وردة غرداية]

واش brahimalg ؟؟؟؟؟؟؟؟؟؟؟؟؟؟؟؟؟؟


وين راك راني نستنى فيك عند باب الدار باش تجي توصلني..............راك طولت يا خويا..........


الله غالب منعرفش الدار...............يالا..............


يعطيك الصحة خويا على الكرم................و ربي يجازيك

 

[02asma02]

هههههههههههههه موضوع فوور انا اول الحاضرين ان شاء الله
وقولنا العنوان برك وتشوف شكرا على الدعوة مسبقا

 

[brahimalg]

مرسي الكل على المرور المميز و مشكورين
و صحا فطوركم يا اعضاء اللمة جميعا ​

 

[jiji 94]

مشكور اخي ابراهـيم

تقبل مرووووووري​

 

[brahimalg]

مشكورين الكل على المرور المتميز
و ان شاء الله راكم كل غايا و الحمد لله
وصحا فطوركم ​

 

[jiji 94]

مشكووووووووووور​

 

[abdelmalek88]

راك مليح خويا يعطيك الصحة انا اول الحاضرين ​

 

[brahimalg]

مشكورين الكل على المرور المتميز
و ان شاء الله راكم كل غايا و الحمد لله
وصحا فطوركم ​

 

[wahid47]

يعطيك الصحة يالمستغانمي

 

[** غزال الصحراء **]

الله يجازيك صديقي .