(مادلونغ و ميسميموفيتش):"واشبيك يا كريمو لا غلبك رمضان روح تاكل..نعرفوك كامل باللي ناس ملاح كي العسل..واشبيك اليوم وليت هكذا تنفعل؟؟؟ أنعل الشيطان"
زياني:"إيه صح وشبيا درت هكذا مع الراجل..أنا وياه كنا كي لحباب من قبل..في رمضان صح العبد يعود ماعلابالوش واش يفعل..سي بون درك نفريها"دزيكو:"أرواح يا زياني درك نفريو هاذ المشكل..ماتقولش حقرتك علي أنا أطول..راني زعفت على جال ديك التدخل..راك هرستيني آ صاحبي بهذاك الرجل..ساي سامحنيا"
زياني:"أنت اللي سامحني على هذاك التدخل..الخسارة تاع هامبورغ غاضتني و خلاتني نشعل..سي بون درك راهو رجع لي لعقل..إن شاء الله ما يعاقبوناش على هذا المشكل..يا ربي و أستر"
دزيكو:"الشيخ راهو شفتو كان حاير و منذهل..ما علابالوش باللي رمضان يدير فينا هاذي كامل..نتمناوها تعدي سلامات يا الراجل..ياو صحا فطوركا"
