هل هناك علاقة حب عبر الانترنت

[جوليا]

هل هناك علاقة حب عبر الانترنت ؟؟

كما كتبت في عنواني هل هناك علاقة حب من خلال التعارف على الانترنت ....نعم !!!
هناك علاقة لكن لا تنجح ,غالبا ما تكون نهايتها الم وعذاب وحرمان

لماذا لا نسال انفسنا ونقول لماذا نبحت عن انسان عبر الانترنت ...
لاننا نكون مصدومين من الواقع!!!!!

لهذا نبحت عن الحب والحنان والعطف في انسان مجهول لانعرف من هو ولا من يكون سوي نسمع الكلام ونقر الكتابة وندوب في كلام الحب والغرام و نطلق العنان لعالم الخيال ... عالم الاحلام المزيفة ونجري وراء سراب .

نصحيتي : ان لا نتعلق كتيرا في خيال الانترنت لانه كله احلام .... و نضع مخافة الله نصب عينينا.فناقشونا و اخبرونا هل مررتم بتجربه التعارف عبر الانترنت ؟​

جوليا

 

[sara_k]

بارك الله فيك على الطرح المميز
والله انا شخصيا لم اكن اؤمن بالحب عبر الانترنت حتى صادفت حالتين//؟؟
لحد الآن لم افهم كيف يكون حب بين شخصين بالكاد يعرفان بعضهما
اعني الحياة الواقعية
لاننا نعرف ان حياة النت مختلفة فالكل يكذب ههههه
شكــرآآ
ورمضــآآن كريــم
​

 

[فؤاد الورقلي]

السلام عليكم

وحتى لو وجدت فهي مضيعة للوقت ومجرد غباء من الحبيبين

شكرا على الموضوع وفقك الله

 

[Moha le sage]

اهلا من جديد جوليا

النت وسيلة للتعارف ... هي تقرب المسافات وتختصر والاوقات .. بصح هي غابة مليانا بالذيابا

اذا اعجب شاب ببنت ولا العكس و كان صادق يقدرو يتواصلو بسكايب ولا الهاتف .. في البلدان الاجنبية تعتبر الانترنت طريقة مستعملة في الزواج .. اللي تعجبو تصويرة ولا الفيديو تاع وحدة يبعثلها و كي يتفاهمو و يلقاو رواحهم متفاهمين يقدرو يفوتو للزواج .. وكاينين بزاف المنتديات للزواج ويمدو الترتيب حسب المنطقة .. و حسب التفضيلات اللي كل واحد يحوس عليها


التعارف في بلادنا مهوش عيب ولكن العيب في التصرفات وفي الامور اللي تخرج عن التعارف و زيديها النية الخبيثة اللي ولات صفة لاصقة مع الشخصيات في هاذ العالم الافتراضي

التعارف عندو الاسس تاعو ولازم الصراحة والمصداقية .. وكاين بزاف اللي يحب يدير علاقة حب ومن بعد يتزوج ويجي للانترنت كشما يلقى .. بصح مش كامل الناس هكذا .. الغالبية تعقب في الوقت

الذراري مدايرينها للصيادة و البنات يستكشفو في الانوثة تاعهم ...

كاينة نسبة قليلة تلقايهم عايشين معزولين ولا ما عاشوش قصص حب في الواقع .. يروحو للنت و يحاولو يديرو علاقات قد تنجح حسب الضروف والنوايا ..

مرسي ليك صديقة الجميع

 

[حفيد هواري بومدين]

التعارف لازملو الصراحة والمصداقية؟؟؟؟
----
وين رايحين تلقاوها هادي؟؟؟


----
الحب عبر النت يعني مستحيل يكون
يكون اعجاب قوي بلاك
مي ممكن تكون النت وسيلة لزواج
صح
----
مواضيع الحب ممنوعة في رمضان اجوليا
حرام عليك

​

 

[الظل الطويل]

التعارف لازملو الصراحة والمصداقية؟؟؟؟
----
وين رايحين تلقاوها هادي؟؟؟


----
الحب عبر النت يعني مستحيل يكون
يكون اعجاب قوي بلاك
مي ممكن تكون النت وسيلة لزواج
صح
----
مواضيع الحب ممنوعة في رمضان اجوليا
حرام عليك

​

اخي البارح مقتليش مواضيع الحب ممنوعة
غلقت الموضوع ديراكت

 

[zagane]

اهلا من جديد جوليا

النت وسيلة للتعارف ... هي تقرب المسافات وتختصر والاوقات .. بصح هي غابة مليانا بالذيابا

اذا اعجب شاب ببنت ولا العكس و كان صادق يقدرو يتواصلو بسكايب ولا الهاتف .. في البلدان الاجنبية تعتبر الانترنت طريقة مستعملة في الزواج .. اللي تعجبو تصويرة ولا الفيديو تاع وحدة يبعثلها و كي يتفاهمو و يلقاو رواحهم متفاهمين يقدرو يفوتو للزواج .. وكاينين بزاف المنتديات للزواج ويمدو الترتيب حسب المنطقة .. و حسب التفضيلات اللي كل واحد يحوس عليها


التعارف في بلادنا مهوش عيب ولكن العيب في التصرفات وفي الامور اللي تخرج عن التعارف و زيديها النية الخبيثة اللي ولات صفة لاصقة مع الشخصيات في هاذ العالم الافتراضي

التعارف عندو الاسس تاعو ولازم الصراحة والمصداقية .. وكاين بزاف اللي يحب يدير علاقة حب ومن بعد يتزوج ويجي للانترنت كشما يلقى .. بصح مش كامل الناس هكذا .. الغالبية تعقب في الوقت

الذراري مدايرينها للصيادة و البنات يستكشفو في الانوثة تاعهم ...

كاينة نسبة قليلة تلقايهم عايشين معزولين ولا ما عاشوش قصص حب في الواقع .. يروحو للنت و يحاولو يديرو علاقات قد تنجح حسب الضروف والنوايا ..

مرسي ليك صديقة الجميع

سلام عليكم
كلامك كا العسل
النت بستان جميل لا يخلو من الأفاعي

 

[صريحة]

حب مضنيتش يمكن اعجاب يمكن تشابه في الشخصيات لا اكثر وزيد في وقتنا هدا يقلك ندي لنعرفها خير من لمنعرفهاش ......................​

وزيد انتيا قدامك وسعات تنخدعي فيه .....................................
​

 

[Moha le sage]

سلام عليكم
كلامك كا العسل
النت بستان جميل لا يخلو من الأفاعي

مشكور خويا زقان

انا راني طحت مش في لفعة برك ..راني طحت في anacondas

[/IMG]

 

[maya31]

السلام و عليكم اختي جوليا

اولا واه كاين علاقات في الانترنت
مي هي علاقات عابرة و كاذبة و انا صراحة مانامنش بيهم

كل واحد يكون خلف الشاشة
نتاعو تلقي بنيادم بمختلف الصفات


و حب عبر الانترنت ما شكيتش يكون
مليح لانو كيما قال الاخ تركان
راهي غابة مليئة بالذئاب يحوسو على الفريسة نتاعهم


هذا رايي و صحــــــيتي
​

 

[njouud]

oui kayna jarabtha w sal7et normal

 

[hadjira relizan]

لا يهم كيفية التعارف اما عن طريق النات او الهاتف او غير دلك المهم الشخص و نيته اتجاهك ه

هناك من نححت علاقتهم رغم ان تعارف كان عبر النات انا عندي اختي تزوجت عبر النات لازم ا

الشخص يكون صادق و نيتوا مليحة وولد حلال يجي بيان

 

[Ninja_09]

اهلا جوليا مشكورة بلبزاف على هاذ الموضوع.
لانوا النت خرج من طبيعتوا العادية اللي هي البحث العلمي والتجارة الالكترونية والتواصل مع الاصدقاء اللي نعرفوهم واللي نتعرفو بيهم واصبح وسيلة لتحقيق احلام كبيرة وهو الزواج بالنسبة لأغلبية الفتيات دير امل ولو صغير خصوصا اذا بدات تكبر البنت وتشاتي تحوس على كاش زوج معي الشاب اللي يزوج بالنت مكانش منها غير اللي يحب يروح للخارج هذاك تصيبوا يحوس على وحدة اجنبية على جال لفيزااا
مي في الوطن العربي زعمة تعارف من اجل الزواج مكانش منها واذا صرات رها في الصفر فاصل مليار صفر
ياك يخلي بنت قداموا يعرفها مليح وزعمة يشوف وحدة من النت ومننعرف واش من دولة يشقى ليها لسوريا لمصر لبنان ولا العكس.
هذه هي النت منعرفوش نستغلوا ميزاتها ناس مية على الحب ماصابوهش في الدار وفي رياااااال يحوسوا يلقاوه في النت ..يلاقاوه بصح بالكذب والهف
ايا صح فطوركم وخليكم من حب النت ​

 

[Moha le sage]

لا يهم كيفية التعارف اما عن طريق النات او الهاتف او غير دلك المهم الشخص و نيته اتجاهك ه

هناك من نححت علاقتهم رغم ان تعارف كان عبر النات انا عندي اختي تزوجت عبر النات لازم ا

الشخص يكون صادق و نيتوا مليحة وولد حلال يجي بيان

يعطيك الصحة هجيرة ... هذيك هي .. كي يكون الصدق و يكون الراجل راجل والمرا مرا ومهمش يلعبو في لعبة cache cache كلش عادي .. وزيد في لنترنت فيها يقدر الواحد يعرف العقلية مليح ويقدر يتبادل تصاور

الانترنت مليحة فسدوها غير وجوه الشر .. والعقليات الناقصين

سكايب والله غير بروقرام روعة الصوت والملفات والصورة وكلش .. فسدوه غير ولاد .... اللي كل مرة يدخل معاك واحد ويطيح الهدرة ..ولا تهدري مع ناس وهوما يسجلو في صوتك ولا في الفيديو تاعك ... والله غير قلبي ياكلني على العوج هاذا .. على الحيوانات هاذو ...

يبدا الاعجاب ومن بعد الحب هو شعور بالانتماء لشخص معين .. هو وصفة سحرية منقدروش نحضروها بحضور شخصين .. الحب هو une alchimie ...

كاين لي يحب من ميساج ولا من صوت وكاين لي يحب من صورة .. بصح الانسان العاقل مايتعلقش وخلاص .. ميخليش قلبو يديه للتهلكة .. مثلا ذرك نحب انا وحدة من روسيا .. و هي تحبني ..والفايدة وين راهي ؟؟ واش دارهالي انا ..

ربي يجعل الخير ...

 

[فريد43]

السلام عليكم ورحمة الله وبركاته
فيما يخص الحب عبر الانترنيت ممكن جدا كما قالت الاخت جوليا ولكن اكثره ينتهي بالعذاب ولي ممثال على اللذين يقولون لا وجود لحب الانترنيت هل نسينا اننا في عصر العولمة والانترنيت هي اسهل وسيلة للتعارف والتقارب ربما تقول لي انك لا تعرف الانسان عبر النت جيدا ولكن الذي تعرف على شخص في الهاتف وتزوجو في النهاية وما اكثرهم في هاذ الوقت اللذين ارتبطوا بهذه الوسيلة فلهذا الحب لا يعرف حدود ولا يطرق ابواب سواءا بالنت او باي وسيلة اخرى وفي النهاية لي تعقيب هل حب البورطابل ينجح والنت لا
ارجوا منكم الاجابة
​

 

[hadjira relizan]

شكرا اخي tarkan والله مازلنا غير منفتحين على دور الانترنت و فوائدها احنا لعرب نعرفوا غير نكشفوا بعضنا تهدر معاك اليوم غدوة اتسجل هدرتها اتزيد يمات تديلها تصويرة هدف الوحيد كشف الناس وليس تكوين علاقات و الله يهدينا
صح فتورك خويا tarkan لي الشرف بمعرفتك

 

[hadjira relizan]

يا خويا فريد43 ليس المهم في وسيلة سواء كانت النات او الموبيل المهم في الشخص الدي عرفتة و ما هي نيته اتجاهك و الصراحة هي الصح

 

[Moha le sage]

حب مضنيتش يمكن اعجاب يمكن تشابه في الشخصيات لا اكثر وزيد في وقتنا هدا يقلك ندي لنعرفها خير من لمنعرفهاش ......................​

وزيد انتيا قدامك وسعات تنخدعي فيه .....................................
​

اهلا صريحة ...

كاين الحب .. وكاين الناس اللي تلقى حبيبها في النت ... بصح قبل واش هي النت ؟؟

النت يخي ميكرو تخدم بيه وحدة تتواصل مع واحد .. ويخي هي عبد وهو عبد ... اذا تبادلو الكلام و عجباتو عقليتها ولا العكس ..اكيد راح يحبو بعضاهم ..راه ربي خلق فينا الاحساس هذا


الحب في النت نوعين ..واحد شايف وحدة و يهدرو بالتلفون ولا سكايب ولا امور خرى ومزال متلااقاوش و يكونو في زوج بنيتهم وصادقين ... هاذ الحالة كاينة بصح قليلة

الحالة الثانية تاع واحد بعثتلو وحدة برية حبها و طاح love و هي عجبها موضوعو وزاد كتيلها كلمتين اتجذبت ليه وزاد بعثلها وردة حمرة راحت ذابت طول ..بلا ما شافو بعضاهم بلا ما خممو في غدوة .. تلقايهم في زوج يحبو وخلاص معرف لاه . .. تلقاي الواحد يعقب عام وهو يحب في وحدة ولا العهكس بلا ماشافو بعضاهم .. وبلا ما تاكدو من صحة شعور لاخر تجاهم ..هذو ناس مغفلين بصح منلومهمش .. قلبهم وربما احساس بالوحدة يخليهم يعلقو ارواحهم وخلاص باحلام ماشي وريدة ولكن كحلة

 

[Moha le sage]

شكرا اخي tarkan والله مازلنا غير منفتحين على دور الانترنت و فوائدها احنا لعرب نعرفوا غير نكشفوا بعضنا تهدر معاك اليوم غدوة اتسجل هدرتها اتزيد يمات تديلها تصويرة هدف الوحيد كشف الناس وليس تكوين علاقات و الله يهدينا
صح فتورك خويا tarkan لي الشرف بمعرفتك

حنا اصلا مش متربيين في الواقع ...يقولو انك لا تجني من الشوك العنب ..نتي اصلا واش راح تستناي من واحد لا ضرافة لااخلاق لا تربية وزيد لقى النت والبنات قدامو

ولا تلقاي وحدة اللعب والطوايش والزغدات و العقلية زيرو وتزيد تلقى النت قدامها


ياو الديفو فينا ماشي في التكنولوجيا ... حنا معندناش شعب عندنا غاشي ..عندنا يأجوج وماجوج .. نسبو و ننقدو في البرابول و في النت وفي البورطابل وحنا اللي منعرفوش نستعملوهم ... يخي حالة يخي

صح فطورك ختي هجيرة ولي الشرف بمعرفتك ايضا

 

[BellojojO]

السؤال هدا قادرة تلقايلو اكتر من اجابة
تدخل فيه قداه من حاجة
درك كل على حساب الشخصية تاعهم
المهم
انا من تجربتي نقلك
انو كاين حب بار نت ومدام كاين حب راح يكون زواج

​