قوانين جديدة.......

[rania 3asla]

السلام عليكم ورحمة الله وبركاته
واش رايكم يا جماعة في خبر اليوم لي اقر بيه وزير التربية والتعليم بن بوزيد 5 عطل في السنة الدراسية عطلة الخريف من 29 اكتوبر وتمتد اسبوع و عطلتي الشتا وحدة 15 يوم و وحدة اسبوع و عطلتي الربيع كيف الشتا تماما معناها ما كانش قراية هاد العام من ندخلو وحنا في العطل حتان نخرجو مي هادا شي فرحني حقيقة اما الحاجة لي ما عجبتنيش هي شهادة الباك في 13 جوان و شهادة التعليم المتوسط في 20 جوان :cursing::cursing: شكون عجبو القانون الجديد و شكون ما عجبوش بالنسبة للعطل اكيد و دمتم سالمين

 

[njouud]

programme y3ayef

 

[s.oussama05]

وزير التربية والتعليم بن بوزيد هذا غير مديريش عليه سيرمو اليوم غلبو رمضان بصح الحاج المليح في القانون الجديد هو شهادة التعليم المتوسط في 20 جوان
هههههههههه
​

 

[rania 3asla]

علاش عليك يا خويا معناها ما نروحوش نصيفو بعدت القراية و يقرب رمضان ربي يهديه هاداك المخلوق برك راح يخربنا بقوانينو

 

[s.oussama05]

بالنسبة لي هذا هو أحسن قانون يديرو وزير التربية شهادة التعليم المتوسط في 20 جوان
شي رايع
​

 

[rania 3asla]

انت تقلق فيا علاش عجبك 20 جوان انا راني حاسة في روحي راح نموت كي سمعت الخبر

 

[rania 3asla]

انا مش حابتها لاني العام الجاي بيام 2010

 

[linine]

ربي ورحمتو كل يوم تشريع جديد

 

[rania 3asla]

آه هيه يا linine ممكن المرة الجاية يخرج قانون ما كانش قراية في الجزائر راني نستنا في هاد القانون

 

[touti]

الحمد لله راني نجحت الباك وريحت من القوانين لي دير فيها وازير التربية والتعليم هههههههه​

 

[RaNiA]

الحق انا عجبتني تاع العطل يهنيونا من القراية تاعهم هذي
والحاجة لي ما عجبتنيش كي سخرو البويام والباك مساكن لي رح يعقبو يبقاو يفكرو في الشهادة حتان يوصل وقتها
بصح يعملو مليح كون يديرونا العطلة عام كامل ما نقراوش خلاص بصح بشرط يطلعونا كل مثلا واحد يقرا اولى متوسط يطلعوه للثانية و لي يقرا ثانية ثانوي يطلعوه يعقب الباك وتاع الباك يمدولهم كل الخ ​

 

[rania 3asla]

الحق انا عجبتني تاع العطل يهنيونا من القراية تاعهم هذي
والحاجة لي ما عجبتنيش كي سخرو البويام والباك مساكن لي رح يعقبو يبقاو يفكرو في الشهادة حتان يوصل وقتها
بصح يعملو مليح كون يديرونا العطلة عام كامل ما نقراوش خلاص بصح بشرط يطلعونا كل مثلا واحد يقرا اولى متوسط يطلعوه للثانية و لي يقرا ثانية ثانوي يطلعوه يعقب الباك وتاع الباك يمدولهم كل الخ
هههههههه عندك حق اختي رانيا هادا قانون صح كون غير كنتي وزيرة و الله كتر خيرك كي حسيتي بينا عجبني ردك بزاف ونورتي الموضوع
​

 

[maya31]

واه بصح في بالي زادو في السمانات نتع القراية
علابيها
........يا ودي راهم غير يخلطوا....
​

 

[rania 3asla]

راهم يلعبو بينا صراحة هوما مش خاسرين والو السيد بن بوزيد ولادو قاريين في روسيا مش في دزاير

 

[rania 3asla]

شكرا على مرورك اختي مايا نورتي الموضوعك بمرورك و ردك

 

[لينة]

قانون العطل مليح
بصح تاع الباك معجبنيش نبقاو نسناو وقتاه تخرج الشهادة

 

[rania 3asla]

شكرا على مرورك اختي ورايك من رايي

 

[winrar]

يحبكم بن بوزيد هكا باش تراجعو دروسكم لحتي ل 20 جوان باش كامل تجيبو البيام هاني رايح ليه ونقلو رانيا راهي تسال عليك وقاتلك مرسي هههههههههههههههه

 

[مولاة الملاية]

راهم كتروا العطل و لكن عوضوا في السيمانة

يعني مكان نخرجوا على 4.30 و لا 5.00 رايحين نخرجوا على 6 و لا 6.30

 

[حفيد هواري بومدين]

وناس الجامعة كلاهم boubi
​