قصتي مع اللغات: أتحداكم اذا لقيتو اللي ينافسني في اللغة العربية و الفرنسية..

الحالة
مغلق ولا يسمح بالمزيد من الردود.

رنيم الصمت

:: عضو بارز ::
أحباب اللمة
إنضم
13 جويلية 2008
المشاركات
4,198
نقاط التفاعل
2,040
النقاط
351
نعم للدارجة لغتي الوحيدة ... لا عربية لا فرنسية لايديك لا يجيبك :mellow:
مرة دخلت لمنتدى أغلب أعضاءو يهدرو بالفرونسي و لا يخفى عليكم أنا نخمس في هاذ اللغه نشفى لأفضل رد ليا كان ♥♥ ♥♥ merci :001_rolleyes:
و مولات الموضوع ردت عليا بكلمة مانقلكم لا شكرتني لا سبتني :001_rolleyes:
المهم حسيت روحي أبدعت و درت انجاز :thumbup:
شهر مرقدتش من الفرحة ونتفكر في أناملي وهوما يتحركو و يكتبو في الحروف .. شوي و ندير عرس ...و أقصى تعبير نقدر نقولو هو سالما فا أ ليكول بصح منعرفش نكتبها :w00t:
المهم قلت نشوف كاش منتدى اخر يحكو شوي عربية لاخرة الواحد يفهم وش راهم يقولو و يحس روحو موجود :mellow: .. لقيت منتدى و شاركت فيه، نقيض الأول تمااااااااما ... بصح وش نقولكم الأعضاء تاوعو حسيتهم من كوكب اخر هاذو مش أعضاء هاذو شعراء ، حسيت روحي في فلم الرسالة .. يقولو في واحد الكلمات جامي سمعت بيها حسيت روحي نقرا في الجابونية .. ساعتها قلت : في المنتدى الأول عرفنا نقولو نقولهم ميرسي و هنا وش نقول؟؟؟؟ :bored:، واقيلا نرجع للول ( ملاحظة خطيرة: هنا راني في قسم النكت و الألعاب أما الأقسام لوخرة متجينيش الجرأة باه ندور في سوايحها و سورتو قسم القصص و الروايات و قسم الأدب منحاولش حتى باه نقرا عناوين الأقسام...:bored: نخاف على روحي :bored:)
المهم .. اكتشفت ساعتها أنو فعلا مافياش فايدة .. ماني بالعربية ماني بالفرونسي .. ماني بوالو ( ديرو في بالكم: درجة الثقة بالنفس هاذ اللحظة 50 تحت الصفر.. :thumbdown:) ...
مالا وش ندير؟؟؟؟؟؟؟ ننتحر؟؟؟؟؟؟؟
جابلي ربي لو كان نشنق روحي عزرين مايخسرش عليا حتى زوج خطوات و يجيني هذا اذا فخرني ودارلي قيمة يبعثلي ميساج و يقوللي وش راح نديرو بيك راكي قاعدة الهيه خيرلك و خيرلنا :001_smile:...
نزيدكم حاجة في هاذ المنتدى قريت موضوع تاع واحد السيد يحكي بالفصحة هايل يوجه في رسالة لأستاذ في المنتدى قاللو (ف معنى كلامو) أنو ناقص في اللغة العربية و حاب يتعلم منو الفصاحة :blink: ..... أولا منحكيلكمش على فمي المفتوح للارض :w00t:.... ياه....:blink:؟؟؟؟؟؟؟ عاود عاود.....:blink:؟؟؟؟؟؟؟؟ شيني شيني....:blink:؟؟؟؟؟؟
مالا أنا وش نقول على روحي :blink:؟؟؟؟ ....
ندااااااااااااااااااااااااااااء عاجل الى عزرين ..... هنيني الله يهنيك .... جيتك بجاااااااااااااااااااااااااااااااااه ربي :bored:
قلت أيا معليش رانا كامل نتعلمو وحدة وحدة .. بصح بداية لازم نكتبلهم موضوع ونعرفهم بحقيقتي باه ماينصدموش فيا ...
مالا أختكم في الله رنيم الصمت العبقرية ماشاءالله عليها... كتبت مايلي:
السلام عليكم..
ياجماعة الخير فعلا راني حابة نفهم وش راكم تقولو .. راكم تصعبو ياسر .. واحد كوم موا ـ معناها كي حالتي ـ (نلعبها عليهم متفرنسة باه يعذروني .. وطبعا بالعذاب باه دبرت هاذ الكلمة ... القواميس و قوقل و في الأخير خرجت ب كوم موا ....) قلتلهم واحد كوم موا وين يبان معاكم :sleep:؟؟؟؟؟ ... و اذا عولت ( يعني كي يعجبني الحال و اطيحولي نتوما يا أعضاء على القوسطو...:001_rolleyes: ) نكمل معاكم بصح ما تتوقعوش ردودي تكون في مستوى ردودكم .. اذا عرفت نحكي معاكم بالدارجة راني ماخليتش (راكم عارفين .. أنا موالفة بالمنتديات الأجنبية و كلامي ديما بالفرنسية :music_whistling: :lol: ) .... ( الزوخ و الفوخ و العشا قرنينة :angel_not: )
.. تحياتي
تحياتي؟؟؟؟؟؟؟؟؟؟ تحياتي؟؟؟؟؟؟؟؟؟؟؟؟؟؟؟
التحيات راها جاية في الطريق.... :w00t:
طبعا هوما فرحو بيا و عجبتهم ... و مانحكيلكمش على التراحيب... والورود.... والعبارات اللي جامي سمعت بيها كالعادة..... ( حبسو حبسو .....سمعتو كلمة جامي؟؟؟؟ :blink:واااااااااااااااااااااااااااافرحتااااااااااااااااااااااااااااااااااه.... قلت وافرحتاه؟؟؟؟؟؟؟ نضنها بالفصحى العربية لالا؟؟ :blink: لابااااس كاين تطور ملحوظ :yahoo:.... باركولي اطروت و العقوبة ليكم، غدوة راكم معروضين عندي على الفطور ، كل واحد يجيب فطورو و يجي :lol:)
و مانحكيلكمش على التحيات ... التحياااااااااااااااااااااااااااااات....
تخيلو في موضوعي لي كتبتولهم عدد القراءات أكثر من مية و الردود الله يبارك ( فايف اين يور أيز ـ مقلتلكمش اطورت ـ ) معناها خمسة في عيونكم 0000 ( تقدرو تتصورو هاذ الرقم الهايل؟) :w00t:
والتقيييييييييم :thumbup: .......... غلق العضوية + حذف الموضوع ، السبب: ؟؟؟؟؟؟ ( و هنا جات النقطة المهمة جدا في تاريخ البشرية:
علاه في العنوان قلتلكم ماكانش لي ينافسني في العربية؟؟ هاهو أستاذ في هاذ اللغة و راسو حبس و معرفش يرد عليا و يقوللي كلمة وحدة بالعربية... و الصفر لي قريتوه نضنو دليل واضح...)
المهم ماعرفت لا نضحك ولا نبكي على روحي :sleep:
نسيت العربية كامل ، عندي مدة طويلة منشفاش لروحي نهار قلت جملة على بعضاها بالفصحى...
( ولينا نفتخرو... نورمالمو ندس راسي في لارض ... بصح رانا في وقت العلم نور و الجهل فور :thumbup: ... يعني عادي )
بالاك تقولولي وفي الامتحانات وش ايري؟ ببساطة في الامتحانات نمشي بعقلية كوبي كولي :001_cool: ...
ولله عيب .... لغتنا و راحت علينا :thumbdown:
ورانا قاعدين نجيحو في بعضانا و نحكو بالدارجة
مش نهدرلكم على هاذ القسم خاطر هذا باين من عنوانو
هذا القسم لي نحس فيه بالامان و نحس روحي عايشة و نلقى روحي فيه :laugh: :lol:


 
ههههههه يخي مهبولة يخي....اسمعي الواحد لازم يحكي الفرنسية يستفاد بيها في مشوارو الدراسي كيما انا نقرا لغات لازم نحكي كلش فرنسية باش توليلي longue habutielle id هي والالمانية والانجليزية
 
هههههههههههههه
مشكورة على الموضوع
 
ههههههه يخي مهبولة يخي....اسمعي الواحد لازم يحكي الفرنسية يستفاد بيها في مشوارو الدراسي كيما انا نقرا لغات لازم نحكي كلش فرنسية باش توليلي longue habutielle id هي والالمانية والانجليزية
أصبري شوي نشوف في القاموس معنى الكلمة اللي قلتيها و نرد عليك :laugh:
ايه عندك الحق و ضرك جابلي ربي الانجليزية أهم منهم كامل
واللي حبيت نوصلها أنو لغتنا العربية نسيناها
 
ههههههههههههه العربية اي لازم بلاما نهدرو عليها
 
يا متخفيش يا رنيم الصمت ما يدورش بيك عزرين ..خاطر لازم تعرفي الفصحى والفرنسية بيااااااان كوم موا
سالمة فاالكول بصح قوليلي
نورمال راكي في منتدى واش راك تهدر اتكلمي بواش تعرفي دارجة فرونسي كاسي ...الخ
المهم ما تزعفيش الردود ساعة على ساعة راها طيح المورال مالغري الموضوع الشباب يدخلوا يقراو ويخرجوا
يدخلوا لديارنا بلا طبطيب ويخرجوا بلا ميقولو شكرا على الضيافة في كاش موضوع قرااوه
تبال نتفاهموا في كاش حلول وخلاص
بصح لازملهم كاش قهوة باش يرجعولنا على حسابي
بمفهوم السياسة ...معريفة
بمفهمو العامة ..بن عميست
بمفهوم الاقتصاد الرشوة
بمفهوم الرياضة .. نلعبوا غير انا واياك
ميرسي موضوع شباب كي مولاتوا
بصح باين مكانش لي ينافسك صح في الفرنسية والفصحي

ايا فصليلي هاذي الجملة
قيلقتلفيلقبلطلوعالفجر
 
ما تفكك غير محو الامية هههههههههههههههههههههه واش نقلك موضوع فور فور .....نورتينا الله انورك
 
ههههههههههههه العربية اي لازم بلاما نهدرو عليها
أييييييييييييييييييييييييون هاكي بديتي تشغلي مخك :thumbup: :001_tt2:
نقولك حاجة؟؟؟؟؟؟
انت بالذات لك عليا .. اذا عرفت نتهجى اسمك بيتزا و على حسابك :laugh: :001_tt2:
 
هههههههههههههههههههههههههههههه
 
يا متخفيش يا رنيم الصمت ما يدورش بيك عزرين ..خاطر لازم تعرفي الفصحى والفرنسية بيااااااان كوم موا
قول الصح هاذي أنا علمتهالك :laugh:

سالمة فاالكول بصح قوليلي
نورمال راكي في منتدى واش راك تهدر اتكلمي بواش تعرفي دارجة فرونسي كاسي ...الخ
المهم ما تزعفيش الردود ساعة على ساعة راها طيح المورال مالغري الموضوع الشباب يدخلوا يقراو ويخرجوا
يدخلوا لديارنا بلا طبطيب ويخرجوا بلا ميقولو شكرا على الضيافة في كاش موضوع قرااوه
تبال نتفاهموا في كاش حلول وخلاص
خلاص يا سيدي على كل رد نعطوهم ألف فراك :w00t: و كل تقييم مية دورو :w00t: ماغليتهاش شوي؟؟؟؟:sleep:
بصح لازملهم كاش قهوة باش يرجعولنا على حسابي
بمفهوم السياسة ...معريفة
بمفهمو العامة ..بن عميست
بمفهوم الاقتصاد الرشوة
بمفهوم الرياضة .. نلعبوا غير انا واياك
لو كان ماجيناش في رمضان نجيبلهم برميل قهوة :w00t: بصح بلا سكر :bored: الله غالب شحيييييييية :001_rolleyes:
ميرسي موضوع شباب كي مولاتوا
بصح باين مكانش لي ينافسك صح في الفرنسية والفصحي
شكرا ربي يحفظك

ايا فصليلي هاذي الجملة

قيلقتلفيلقبلطلوعالفجر
منعرفش القبايلية :laugh:
شكرا لمرورك نورت الموضوع
 
موضوع مريقل كما موالف نعرفك
وكاين واحد الدارجة ثاني سبيسيال متلا منقولوش غير المغضوب عليهم نقولاوا - قير المقضوب عليهم -
وعندك لا فيريتي بحكاية الدارجة نقلبوها قع دارجة ياك مولاها قاعد قاعد ولا بالفرنسيسة - اوسي اوسي-
المهم كاين واحد الدارجة لباس بيها مهيش صعيبة

متلا كي يولي الانسان مريض ويروح للطبيب ويسقسيه الطبيب يقوله وش بيك

في رايكم ماهو رد المريض

يقوله : يا الطبيب راني ندوخ نهسرس نثنى قا قمر نصبح قا قايوان -
ونطن ولا اي ثينك بلي المتموزيل الي دايرة الموضوع هدا نوغمالمونت راهي فهمتني او فلنحمق لها راها ستاندات ني
 
موضوع ملييييييييح
راناا كيف كيف :thumbup:
مام انا نعرف غير شكرااا:blink:
هاديك الخطر في حصة العربية هزيت صبعي باه نجاوب حصلت
قريب تصوني و هو يابنيتي مابك تكلمي
كملتها دارجة :001_cool:
ولا يهبل كي نبدا ندخل كلام بالفرنسي :cursing:
الكايي ماعنديش
الله غالب راحت فيناااا

نورمالمون لغتنا نتعلموها
احنا خلينها وتعلمنا حوايج اخرين

مرسيي​
 
ما تفكك غير محو الامية هههههههههههههههههههههه واش نقلك موضوع فور فور .....نورتينا الله انورك
راكي جبتيها :thumbup:
محو الأمية حكايتي معاها حكاية ... خللي الضو طافي خير :music_whistling::music_whistling:
النور نورك انتصار.. تحياتي ليك:blush:
 
السلام عليكم

شكرا على الموضوع الرائع

واش نقولك نتاسف كثير ا على حالتنا خاصة نحن الجزائريين

الفصحى راحت بقات غير الدارجة احنا في الدراسة ودراجة واش نقولو ربي يهدينا ويرجعنا للغتنا العظيمة
ولينا حابين الشيكي والزوخ والفوخ باش يقولوا اوه هذا يهدر فرنسي باين عليه ناس قارية وواصلة وهي ومكان والو تبعيه تلقيه بايت فر كرطونة ولاكل في الخبز اليابس

الله يهدينا


موضوع رائع جدا يا اخت وفقك الله

السلام عليكم
 
رجعتلك على جالها
قيل قتل فيل قبل طلوع الفجر

بصح منعرف قتلوه ولا انتحر كي كتب موضوع ومرجعولوش الردود بزاف
وحسب رواية اخرى قرى هاذ الموضوع بصح كان يفهم بزاف فرونسي وعربية جاه عزرين قالوا انت تفهم بزاف ايا وراحت لمولاها روحوا
ايا صح فطورك متزعفيش على الفيل رانا خير منو كي مناش فاهمين بزاف
 
موضوع مريقل كما موالف نعرفك
وكاين واحد الدارجة ثاني سبيسيال متلا منقولوش غير المغضوب عليهم نقولاوا - قير المقضوب عليهم -

و نزيدك وحدة مانقولوش القران نقولو القرعان

وعندك لا فيريتي بحكاية الدارجة نقلبوها قع دارجة ياك مولاها قاعد قاعد ولا بالفرنسيسة - اوسي اوسي-

صحا لا فيريتي ... أوسي :thumbup:

المهم كاين واحد الدارجة لباس بيها مهيش صعيبة

متلا كي يولي الانسان مريض ويروح للطبيب ويسقسيه الطبيب يقوله وش بيك

في رايكم ماهو رد المريض

يقوله : يا الطبيب راني ندوخ نهسرس نثنى قا قمر نصبح قا قايوان -
ونطن ولا اي ثينك بلي المتموزيل الي دايرة الموضوع هدا نوغمالمونت راهي فهمتني او فلنحمق لها راها ستاندات ني
أي ثينك؟؟؟؟؟ متموزيل؟؟؟؟؟ نوغمالمو؟؟؟؟ ستانداتني؟؟؟ شووووف؟؟؟ :thumbup:
راها ستاداتك :001_rolleyes:
مبعد نبعثلك شهادة تأهل تكون أستاذ لغات :w00t: أفرح :thumbup:
 
موضوع ملييييييييح

راناا كيف كيف :thumbup:
مام انا نعرف غير شكرااا:blink:
هاديك الخطر في حصة العربية هزيت صبعي باه نجاوب حصلت
قريب تصوني و هو يابنيتي مابك تكلمي
كملتها دارجة :001_cool:
ولا يهبل كي نبدا ندخل كلام بالفرنسي :cursing:
الكايي ماعنديش
الله غالب راحت فيناااا​

نورمالمون لغتنا نتعلموها
احنا خلينها وتعلمنا حوايج اخرين​


مرسيي​

:laugh:
و أنا نشفى في السيام كان الأستاذ يعيطلي سوقية :laugh:
لماذا تأخرت يا سوقية :laugh:
اذهبي يا سوقية :laugh:
... الخ
 
السلام عليكم
و عليكم السلام..

شكرا على الموضوع الرائع

واش نقولك نتاسف كثير ا على حالتنا خاصة نحن الجزائريين

الفصحى راحت بقات غير الدارجة احنا في الدراسة ودراجة واش نقولو ربي يهدينا ويرجعنا للغتنا العظيمة

اللهم امييين
ولينا حابين الشيكي والزوخ والفوخ باش يقولوا اوه هذا يهدر فرنسي باين عليه ناس قارية وواصلة وهي ومكان والو تبعيه تلقيه بايت فر كرطونة ولاكل في الخبز اليابس

كيما قلت في اللول الزوخ و الفوخ و العشا قرنينة

الله يهدينا
اميييييييييييييييين

موضوع رائع جدا يا اخت وفقك الله



السلام عليكم

وعليكم السلام ...

شكرا لمرورك و ردك
 
اووووووووووووووووووووووووووووووو

صح دا تسربيلي كرطونة نتاع شهادة

الحملديك و والدينا و والديك

كي تعودي دا تسربيهالي ابعثيلي في برية وقوليهالي باش نستيكي وندير الريحة
ونروح للحفاف وندير تحفافة مريقلة

ومتنسيش السينياتور نتاعك ايه ............... ايه ...............
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top