واش رايكم .... شاركوني

الحالة
مغلق ولا يسمح بالمزيد من الردود.
اللي يامن بهذي الخرافات تصرالوا على حسب ما شفت
واللي ما يامنش بيها بالتاكيد ما تصرالوش
وانا عن نفسي ما نامنش بهذي الخرافات لانه هدره ما كانش منها
شكرااااااااااااا على الموضوع



عفوا
الشكر لك على المرور
بارك الله فيك
 
انا منمنش بيهم...نامن غير بلي تعجبني كيما هدي تقدري تقولي نتفاءل بيها ...كي ترمش عينك تشوفي الغايب ولي مهمش ملاح كامل منامش بيهم لا خاطر تولي طيرة


ههههههههه يعني تخيري اللي تعجبك تصدقيها
شكرا جزيييييييييييييييييييييلا
 
يا جماعة الله غالب هذا الجهل خلاهم يفكروا هكا و يختارعوا في خرافات ..أكيد مانامنش بيهم
المهم ما تزعفوش اكنسوا في الليل راكم كاااااااااااااااامل تتزوجواااااا





ههههههه عادي انا يوميا نكنس فالليل و ما نخاف من والو
شكرا جزيلا اخي
بارك الله فيك
 
نعرف يقلك تاني اللي يحك راحة يدو راه رايح يترفح هههههه:001_rolleyes:
هوما مجرد خرافة واذا صح صرات راهي مجرد صدفة
وميرسي موضوع هااااااااااااااااايل :thumbup:



نعم انا من رايك ممكن مجرد صدفة بصح اضافتك عجبتني لاني من الصباح و انا نحك في يدي ههههههه بلاك نترفه
شكرا جزييييييييييييييييييييييييييلا
 
السلام عليكم صحا فطوركم

حبيت نقولكم بلي مشي كلش راه خرافات

كاين بعض الاقوال راها صح

وانا ايضا كنت نحسبها خرافات وكي تقولي الام نتاعي عليهم نبقا نضحك

لكن من بعد معظمها صبتهم صح

ومثال ذلك الام كانت تقولي دايما لي يغسل الماعن في الليل مشي مليح

قلت انها خرافة قالتها مرأة متحبش تغسل الماعن

لكن بعدها تأكدت ان الرسول صلى الله عليه وسلم نبه لها

وزيد ايضا النفخ على الطعام وتأكدت مؤخرا فموضوع لاحد الاخوة فالمنتدى

يعطيكم الصحا على الموضوع واعذروني يلا طولت عليكم
صحا فطوركم

كلام الرسول اكيد نتبعوه و موضوع النفخ في الطعام موضوعي الحمد لله انك استفدت منه
شكرا لك على الاضافة
 
انا اتبالي انتاع بكري مالقاوش باش يفوتوا الوقت داروا هادو الحوايج
انا مانامش بيهم خطاك الزواج مكتوب عند ربي ماشي في المكنسة
وشكراا اختي على الطرح المميز وبارك الله فيك
 
انا اتبالي انتاع بكري مالقاوش باش يفوتوا الوقت داروا هادو الحوايج
انا مانامش بيهم خطاك الزواج مكتوب عند ربي ماشي في المكنسة
وشكراا اختي على الطرح المميز وبارك الله فيك

كل شيء بقدر كل الامور تجي من عند ربي و حنا مؤمنين بذلك
شكرا جزيييلا اخي و فيك بركة
 
كلام الرسول اكيد نتبعوه و موضوع النفخ في الطعام موضوعي الحمد لله انك استفدت منه
شكرا لك على الاضافة

ما افقصده هو اني كنت نحسبها خرافة
يعطيك الصحة على الموضوع
 
لقد ضربت على الوتر الحساس أختي ...
الكثير من الناس مازالو حتى الآن يامنو بتلك الخرافات ...والتي هي ناجمة بالتأكيد عن ضعف الإيمان .. وابتعادهم عن ديننا وقرآننا الكريم ...
بالله عليهم !!! هل بالسهولة هادي يقدرو يعرفو المجهول والحاجة لي راح تصرا لفلان اذا دار هاديك الحاجة ولا لالا ..... يا سبحان الله!
هذي مكانش كامل منها ..لأنو لا يعلم الغيب إلا سبحانه ...
وللأسف مازالو حتى الآن بهاد العقلية مع أنو الدنيا في تطور .... والعلم منتشر في كل مكان وهكذاك ومازال حتى انو الناس الي من طبقة عالية من الثقافة - بعضهم - يصدق بهاد الأشياء .... وهدي منتشرة عند العرب كثيرا ..لو كانو اجانب نقدرو نقولو ما يامنوش بالله والخ ....ولكن كي تصدر من عندنا نحن العرب .... هدي الكارثة المشكلة كاين منهم لي يروحو عند العرافات او لست ادري كيفاه يسميوهم ... أو يقراو الكتف وحوايج من هاد القبيل
ولكن أليس من الأفضل نتقربو من الله خير ..... ونبعدو على هاد الخرافات الي ماراحش تدينا لبعيد ....
فلا يجب السؤال لغير الله وحده ......

على كل حال ربي يهدينا ويبعد علينا هاد العقلية ..
أشكرك أختي على موضوع المتميز .. واصلي
وعذرا على الاطالة

دمتِ بخير
 
صح هاد لحوايج كاين بزاف وكاين ناس يامنو بيهم احنا متلا عندنا اذا المقص اتعلق في الدار ما يسلكش الدين و اذا ساح الملح ينوض الدواس في الدار وادا اكنستي في الليل راكي تكنسي في الخير...وادا رفت عينك اليسرى من فوق راح يصب لمطر وادا رفت من تحت يجيك اخبر مش مليح (هادي انا امجربتها)..ادا اكلاتك يدك اليسرى تحكمي ادراهم وادا كانت اليمنى تمدي ادراهم...ادا اكلاك فمك يجيك ضيف...وادا تكسرت حاجا تكسر الشر وادا ساحت القهوة خير..وكاين احوايج بزاف انسيتهم وبالنسبة ليا لحوايج لملاح نستبشر بيهم والباقي عادي ما نديهاش فيهم...ورمضان كريم
 
لقد ضربت على الوتر الحساس أختي ...
الكثير من الناس مازالو حتى الآن يامنو بتلك الخرافات ...والتي هي ناجمة بالتأكيد عن ضعف الإيمان .. وابتعادهم عن ديننا وقرآننا الكريم ...
اكيد هذا اول الاسباب
بالله عليهم !!! هل بالسهولة هادي يقدرو يعرفو المجهول والحاجة لي راح تصرا لفلان اذا دار هاديك الحاجة ولا لالا ..... يا سبحان الله!
هذي مكانش كامل منها ..لأنو لا يعلم الغيب إلا سبحانه ...
نعم الغيب في علم الله و حنا ما نقدرو نعرفو والو من اللي رايح يصرا
وللأسف مازالو حتى الآن بهاد العقلية مع أنو الدنيا في تطور .... والعلم منتشر في كل مكان وهكذاك ومازال حتى انو الناس الي من طبقة عالية من الثقافة - بعضهم - يصدق بهاد الأشياء .... وهدي منتشرة عند العرب كثيرا ..لو كانو اجانب نقدرو نقولو ما يامنوش بالله والخ ....ولكن كي تصدر من عندنا نحن العرب .... هدي الكارثة المشكلة كاين منهم لي يروحو عند العرافات او لست ادري كيفاه يسميوهم ... أو يقراو الكتف وحوايج من هاد القبيل
ولكن أليس من الأفضل نتقربو من الله خير ..... ونبعدو على هاد الخرافات الي ماراحش تدينا لبعيد ....
فلا يجب السؤال لغير الله وحده ......

على كل حال ربي يهدينا ويبعد علينا هاد العقلية ..
اللهم آمين
أشكرك أختي على موضوع المتميز .. واصلي
لا داعي للشكر هذا واجبي
وعذرا على الاطالة

دمتِ بخير


شكرا اختي على الاثراء الرائع
 
صح هاد لحوايج كاين بزاف وكاين ناس يامنو بيهم احنا متلا عندنا اذا المقص اتعلق في الدار ما يسلكش الدين و اذا ساح الملح ينوض الدواس في الدار وادا اكنستي في الليل راكي تكنسي في الخير...وادا رفت عينك اليسرى من فوق راح يصب لمطر وادا رفت من تحت يجيك اخبر مش مليح (هادي انا امجربتها)..ادا اكلاتك يدك اليسرى تحكمي ادراهم وادا كانت اليمنى تمدي ادراهم...ادا اكلاك فمك يجيك ضيف...وادا تكسرت حاجا تكسر الشر وادا ساحت القهوة خير..وكاين احوايج بزاف انسيتهم وبالنسبة ليا لحوايج لملاح نستبشر بيهم والباقي عادي ما نديهاش فيهم...ورمضان كريم


ونعم اغلبية اللي ذكرتيهم الناس تصدقهم و تآمن بيهم و حدوثهم ممكن يحدث صدفة فقط
شكرا لك اختي الكريمة و صح فطورك
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top