اريد حلا من فضلكم

[نسرين الجزائرية]

السلام عليكم انا اسمي نسرين ونسكن في وهران عندي مشكلة وهي انو يما حاب تزوجني من وليد خالتي بسيف عليا وانا عندي حبيبي ومنقدرش نسمح فيه نبغيه هبال وخدام ولاباس عليه عنده دار ولوطو وليد فاميلة وباغي يخطبني بصح انا قتله حتى نخلص الباك وربي يسهل ووليد خالتي شريكه قادرة هو بيلوط وعنده 3 جنسيات واش ندير حبيبي لي نبيغيه ولا وليد خالتي

 

[mohamed-riadh]

خوذي راي يماك تربحي
وخليك من حبيبك لا يديك لا يجيبك
الفلم هذا جاز وقتوا :sun::sun:

 

[kamilya]

شوفي إذا كان حبيبك يحبك قوليلو يجي يخطبك وتزوجوا باللحلال حطيه أمام الأمر الواقع لأن الكلام سهل وهكذا ما تكونيش ظلمتيه ولا ظلمت نفسك ومبعد تحسي بذنب وتقولي كان .... وهو كان يهف فيك وحاجة وحدخرة إنت تحبيه هو ولا خطرش عندووعندو..................

 

[colla]

:redface::redface::redface:

اطلبي الراي من بني جنسك اي بنات حواء اللمة

 

[biba1979]

حبيبتي واختي الغالية إننا نعيش في الحياة ورغم ما نتعلمه فيها ورغم التجارب التي نخوضها إلا أننا لا نعرف شيئا لحد الان والعلم لله وحده أين الخير واين الشر كما قلت من الواضح ان من تحبين شاريك وهو لاباس عليه كما قلت دار وخدمة وكروسة ووليد خالتك شركة قادرة و3جنسيات إلخ ..إلخ ...لكن حبيبتي هذا زواج وليس شركة اي أنك بصدد اختيار زوج وليس ممول لمشروع حبيبتي قبل كل هذا ماذا تعرفين عن أخلاقهما ضعي خلق كل منهما في الميزان المسافة بينهما وبين الله الفضائل النخوة الرجولة من منهما حقا يمكن ان يكون لك عونا وسندا في الحياة لا تتسرعي ابدا أنصحك ثم انصحك بالاستخارة حبيتي اخلصي النية واستخيري الله أقسم أنه سيكون ما يأتيك هو الخير بعينه وما صرف عنك هو الشر بعينه استخيري الله أختي قد لا يكون مكتوبك مع أي منهما قد يكون مكتوبك مازال لم يأتي كل ما اطلبه لك من الله أن يرزقك فعلا بالزوج الذي يستحقك ويكون رجلا بمعنى الكلمة لا تنظري إلى المور من الزوايا الضيقة فالزواج اعمق من هذا وأوسع ربي يحميك ويصونك أختي الحبيبة وأرجو ان يفيدك كلامي ولو بالقليل

 

[زنوبة dz]

بصراحة مش موضوع هذا هذه مشكلة عائلية حليها مع حبيبك وامك اسفة

 

[غزال نور الدين]

حي العالية02المغير ولاية الوادي /الاسم غزال نور الدين

السلام عليكم / الحل سهل جدا وهو معالجة الامور بالتفاهم اولا.
ثم الانتقال الى مرحلة التصميم على الراي . ثم المغالبة ثم التهديد بالهروب معه.
ثم اتخاذ قرار بالزواج بحضور اقرب امام مسجد لكم حتى يكون شاهد.
والله الموفق تحية اخيك غزال نور الدين.الهاتف .:yes::heart::heart::heart::heart:

 

[Med_10]

السلام عليكم انا اسمي نسرين ونسكن في وهران عندي مشكلة وهي انو يما حاب تزوجني من وليد خالتي بسيف عليا وانا عندي حبيبي ومنقدرش نسمح فيه نبغيه هبال وخدام ولاباس عليه عنده دار ولوطو وليد فاميلة وباغي يخطبني بصح انا قتله حتى نخلص الباك وربي يسهل ووليد خالتي شريكه قادرة هو بيلوط وعنده 3 جنسيات واش ندير حبيبي لي نبيغيه ولا وليد خالتي

السلام عليكم
والله أختي مشكلتك صعبه
من جهة لاتقدري على عصيان أمر أمك لأنها أدرى بمصلحتك
ومن جهة أخرى قلبك لأن القلب اللعين إذا حب مينساش
لكن أنصحك
الزواج باللذي تعرفين أنه سيسعدك في حياتك
ولا تتماشي مع قلبك أو عواطفك وخاصة في هذة المرحلة الصعبه من حياتك
فعليك التريث والتفكير بالعقل والمنطق دون اللجوء إلى القلب
ونصيحتي الأخرى هو الضفر بالرجل القريب من الله عز وجل أي الزواج بالأتقى واللذي يخاف الله
فإذا خاف الله لن يأذيك وسيحبك حبا صافيا
وفي الأخير أتمنى أن تكوني نجحتي في البكالوريا
وربي يوفق في حياتك الزوجيه
ويهديك إلى الطريق المستقيم
يارب
تقبلي مروري ​

 

[عاشق اللمة الجزائرية]

اخي غزال اللي يحب يساعد يساعد بحلول حسنة وليس حلول تتفرجوها في افلام هندية و البنت تصدق وتولي كارثة

اذا تقبل لروحك هاكا ماعليش

 

[Med_10]

السلام عليكم / الحل سهل جدا وهو معالجة الامور بالتفاهم اولا.
ثم الانتقال الى مرحلة التصميم على الراي . ثم المغالبة ثم التهديد بالهروب معه.
ثم اتخاذ قرار بالزواج بحضور اقرب امام مسجد لكم حتى يكون شاهد.
والله الموفق تحية اخيك غزال نور الدين.الهاتف .:yes::heart::heart::heart::heart:

أخي هذا موش حل بل زيادت الهم همين و زيادت الطين بله
وراك نسيت حاجه أعرف من شروط صحة الزواج
وجود الولي .والولي هنا هو الأب
لقول رسول الله عليه الصلاة والسلام (( لازواج بدون ولي وشاهدي عدل .))
يا أخي
عند تقديم النصيحه : قل خيرا أو لتصمت ​

 

[الجزائرية بنت بلادها]

حبيبتي اذا كان قادر حبيبك يتزوج بيك يجي يخطبك و اذا راك متاكدة بلي رايحا تعيشي معاه غايا هدري معا يماك او قوليلها الصح او خبريها بلي اذا تزوجتى مع وليد خاتلك رايحا تعيشي في الحزن مهما كان هاذي يماك او ما تبغيلك غير الخير غير عرفي كيفاه تكسبيها او توصليلها شتا راكي باغيا

















حظ موفق

 

[غزال نور الدين]

غزال حي العالية رقم 02 المغير الوادي

اختي الكريمة والله هذا من وحي التجربة وليس من وحي الافلام الهندية.
لانني لا اتفرج الا على افلام المغامرات فقط ولكنني شاعر اومن بعنتر وقيس والمقنع
ولكن اومن بالحل 1+1=2.انا قلت لكي يكون الحل على مراحل .واذا لم يعجبك الحل الاول
هناك حل آخر وهو ان ياتي من الطرف الثاني الذي تحبينه .ويكون بالتحدي السليم.
والحوار مع جميع الاطراف.قالحب مثل الحرية تؤخذ ولا تعطى.
واكتب لك بيتين من الشعر .عله يكون حلا . تصارعني الحياة بسيفها فأصارعها صبرا واحتسابا
واعلمي ان الحرية نعيمها فهل ترضــون الجحيم عذابا.

 

[عاشقة المستحيل]

حل سهل جدا جدا عليك بالاستخارة وربي حيسهل إلي فيه خير

توكلي على ربي وربي ما يخيبشي استخيري اختي

 

[سوار]

بنت خالتي نقول كملي الباك تاعك و شاوري قلبك ونصيحة ازوجي بالي يحبك

 

[نسرين الجزائرية]

نشكركم من كل قلبي بيبا على النصائح الرائعة وغزال على النصائح المهبولة وتجربته مع الافلام الهندية لي ضحكتني بلا ما ننسا كاميليا وسفيان وحميدو وبنت بلادها وقا الشبيبة الي تجاوبت معايا من قلبي نحييكم والله يكثر من مثالكم وربي يجيبلي الحل الصحيح