ناقصنا تدمار ولا وشيه..

[البسكرية1990]

سلام .....صباح /مساء الخير
حبيت نهدر في موضوع ما علاباليش ادا كانو هدرو فيه ولا لا المهم
غير يجي المولد او رمضان او رأس السنة او العيد او حفل تخرج او....... مناسبة سعيدة وخلاص اي كانت تلقى لازم تبدا الحرب بالمفرقعات يعني لمحارق والميش والسوارخ الخ
مع اني مش شايفة منظر للفرح في هده الاشياء
ولا تلقى راجل كبير قاعد مع لولاد الصغار يفلg في الدنيا متعرفش حتى وش تقولو بركا يا ولدي ولا ياعمي المهم هده ظاهرة لفتت انتباهي في سطيف وبسكرة والحاسي واكيد في ولايات اخرى مي انا شفت غيرهادو
المهم شاركو وعطوني رايكم :thumbup: ياووو راني نسنى........

 

[boutarfaya]

هادا اللي تزيد عليه الدراهم يهبل نورمالمو يروح يمدها صدقة ولا يحطها في الجامع يشري هاد المصيبة وبلاك كاش ما يكون فيها خطر على حياة شخص وداك الوقت تبات فيه تاع الصح





....شكرا...
​

 

[Ninja_09]

ههههههههه احم احم امممممممممم عجبتني نعيطلوا وليدي ولا عمي
هي على العموم تبالي لا مانع من اظهار الفرح بمناسبة مثل المولد او العيد
بصح ماش بالقنابل والبومبات اللي توصل للقبر قبل السبيطار
يعطيك الف صحة على الموضوع الشبا ب بايين ما تنحطش هذا ​

 

[البسكرية1990]

هادا اللي تزيد عليه الدراهم يهبل نورمالمو يروح يمدها صدقة ولا يحطها في الجامع يشري هاد المصيبة وبلاك كاش ما يكون فيها خطر على حياة شخص وداك الوقت تبات فيه تاع الصح​

....شكرا...​

صحيت خويا على الرد بصح سعات نلقاوهم زوالية ومش لاقيين وش ياكلو وقت التفلاق هم الاولين

 

[البسكرية1990]

ههههههههه احم احم امممممممممم عجبتني نعيطلوا وليدي ولا عمي

هي على العموم تبالي لا مانع من اظهار الفرح بمناسبة مثل المولد او العيد
بصح ماش بالقنابل والبومبات اللي توصل للقبر قبل السبيطار

يعطيك الف صحة على الموضوع الشبا ب بايين ما تنحطش هذا ​

ثانكيووو على مرورك

 

[البسكرية1990]

وكتاه المولد ؟؟؟​

ثانكيووو على مرورك بصح باين راك واحد من الي نهدر عليهم ههههه