سؤال يحيرني ..

انا نقولكم وانا عايش في الغربة اوروبا بالاضافة الى الحرية التي يلقها ابناء المغتربين يعني يحللولهم عينيهم بزاف وخاصة احنا في البلاد عندنا حاجة يسموها هدا عيب وهدا احرام.....
البنات اللي يقراو ويترباو في اوروبا ماعندهم هدا المبدا الا من رحم ربي ولدلك اغلب المغتربين لايتزوجو من اوروبا...
وبالنسبة للجزائريين العايشين في الجزائر البنات العايشين في الخارج ايجو للجزائر مرة او مرتين في العام و ميكونوش معروفين وخاصة الامهات ينصح اولادهم على البنت اللي يعرفو فيهاكل شيء وهده البنات المغتربات يصعب تتعرف على كل احوالها...
وكل شيء بالمكتوب
 
ونزيد حاجة نقول لكل المغتربات الطيبات اللي تبحث على تكملة نصف دينها من شاب جزائري يلزم تقعد مدة طويلة في البلاد مثلا عند جدتها وياتيلها نصيبها حتى دارها
 
السلام عليكم ورحمة الله وبركاته
شكرا اختي على الموضوع والي انا عن نفسي نعتبره يعنيني لاني مغتربة عن موطني الاصلي الجزاير الغالية وعن بلد الي تربيت فيه الامارات ... لا يهم المكان الي تغترب في البنت اذا كانت بأخلاقها وتربت من صغرها على هاد الشي حرام وهاد الشي حلال فا اين مشكلة انا اغترب في بلد اجنبي ؟؟ كوني انا الحين اكمل دراستي الجامعية في قبرص .. و قبرص في عيشتها كأي دولة اوربية فيها و الاختلاط موجود في الجامعة و ثقافات فعلا غير يعني يعتبرو كل حاجة عااااادي .. يعني هاذا اني انجريت ورائهم واني انا الان خلاص صرت منهم و تغيرت اخلاقي وشلت حجابي .. لا والله الحمدلله هاذي السنة 3 لي ومتمسكة بأخلاقي و حجابي .. حتى بدؤا هذا العام باعتراض عن حجابنا احنا الطلبة القادمين من الخارج بنزع الحجاب واكيد انا بدون تفكير راح نرجع للامارات ولكن نطلب من ربي انه يكون هاد القرار مش صحيح لانه فعلا حرام باقيلي سنه وحدة ونتخرج اذا راد ربي .. فا فعلا مرات الواحد يتعجب من اراء الناس ولكن تعرفي اختي بما انتي راكي عايشة في نفس بلد الي انا عايشة فيه انو الجزائرين الي في الامارات يحبو يتزوجو من مغتربات في الامارات فا انتي شا رأيك في هادي النقطة .. و من كل هادي الهدرة المكتوب يجي يجي اين ما كان و وقت ما راد ربي .. المشكلة الي صارت ان الناس اي حاجة تصرا يعموا على كل ناس و يالله من هادوا الناس ربي يعين .. شكرا اختي على الموضوع الي فعلا حساس كمغتربات ..وادعيلي اختي انه يكون لا صحة في القرار تاع نزع الحجاب وربي يسهل عليا غربتي انا وختي وخووويا وناس اجمعين .. اختك في الله
 
لا أظن ذلك فكل شيئ بالمكتوب
كي حب ربي زوج إلاقيهم ، إلاقيهم حتى فالقبر
اختي انت تمسكي بدينك أو ربي يسهلك أمرك
انشاء الله
 
لاحظت جميع الردود على أنو الجميع أخذ فكرة عن الجزائريات المغتربات غير متدينات ..
وأيضا الجميع يقول الجزائري معروف بنيفو ..
عندي مجرد سؤال " واش رايكم في بنات الجزائر حد ذاتها عموما ؟؟؟ " آسكو راكم تشوفو في دين عندهم ؟؟؟ والله قلييييييييييييييييل غلا من رحم ربي..
هاذي يجاوبها ألي قال أنو الجزائري عندو نيفو + ما يأمنش في مغتربات ..

-------

أما رأيي في موضوعك أختي هو أنو الشخص في أغلب الأحيان يتجنب الزواج بغتربات لعدة أسباب أولها أنو ما يعرف ولا شيء عن الفتاة التي سيرتبط بها ثانيا معروف عن الأغلبية القصوى حفظت الثقافة الغربية وطبقتها على حذافرها وثالثا بعد المسافة بين أهل الزوج والزوجة وممكن تترتب مشاكل بين الزوجين على ذلك من حيث زيارة الأهل ..
أما إذا توفر التدين في البنت كما قلتي منهن من تحفظ القرآن ومنهم من بالنقاب فإني لا أرى مشكلة في ذلك مادامت متدينة فيسهل الثقة بها وبأخلاقها ..
وأولا وآخرا كل شيء من عند الله ومن يتق الله يجعل له مخرجا ويرزقه من حيث لا يحتسب ..

والسلام عليكم

 
ممكن يحوس على وحدة جزائرية تفكرو في بلادو ووالديه خاطر هي تبقى تتوحش دارهم يتفكر هو ثاني اهلو
مي وحدة في الخارج منضنش ديما تشدو ليها تنسيه مهما كان هو مينساش والديه مي لزام وحدة قلبها على بلادها وزيد تكون ثيقة معروفة
 
وكاين بزاف لي يحوسو يتزوجو من المغتربة على جال الدراهم والفيزا
 
لبنات في الغربة على الأقل نقولو في الغربة
ونتاوعنا هنا راهم دايرين كثر من الأوربيين
قالك السيد أحنا في البلاد العربية أكثر تمسك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
معارف راك نية ولا تستهبل البلاد الإسلامية قع يعني أكل بدون تمييز راحت منهم الحشمة خلاص
يكفيك تعمل دورة في الشارع ....... وش تشوف .غير .......................
 

لالا اختي العك
س الشباب الجزائري يحب يتزوج من البنات المغتربات
كيما قال خويا فارس في تعليقوا والله يموتوا عليهم
 
لا استطيع ان اجزم لك اختي بتفكير الشخص الجزائري حول زواجه لانه لا توجد دلالة صادقة برفضهم للزوجة الجزائرية المغتربة
 
السلام عليكم:
أنا لاحظت شيء في معظم الردود،الكل يربط المغتربة بالدول الأوروبية....و بالدول غير الإسلامية؟؟؟،ممكن لأن معظم المغتربين الجزائريين متواجدين في أوروبا....
و على فكرة،أنا ما كنتش عارفة لهذ الحقيقة غير كي سافرت نقرا بالرغم غني مش وحدي،إلا أن ألسنة الناس صدقيني ما ترحمش،بمجرد أنو فتاة تروح تقرا برا و تسكن في إقامة تع بنات يحطو عليها كروا روج...و هذا فيه ظلم كبيبر،لكن بالنسبة للمغتربين مع عائلاتهم ما شفتش التهرب من الزواج بهن،شكرا على الموضوع.تحياتي.
 
كاين اللي يحب يتزوج بيها باش تديرلو الكوا غط لا اكثر
وكاين اللي يشوف ان كل مغتربة ماهيش متمسكة في دينه و ......
زكاين اللي معندوا حاجة المهم تعجبوا و يحبها
 
على خاطر عندنا النيف منتقبلوش مرا تحكم فينا
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top