اللهجة الجزائرية عربية بصح مايفهموهاش لعرب كامل

الحالة
مغلق ولا يسمح بالمزيد من الردود.
ادا ربي اعطالنا موهبة نفهمو كلش و هوما لالا علاش ما نستغلوهاش احنا نفهمو كلش الحمد لله بالاك لوكان هندي يهدر معانا نفهموه و هو لالا هههههههه
مرسي على الموضوع
 
ليسونسيال حنا نفهموهم
مايهمش يفهمونا ولا لالا ​
 
حنا وشمن لهجة نعرفوها غير المصرية والسورية لاخاطر نتفرجو على مسلسلات والبرامج نتاوعهم
قوليلي نتي شفتي كاش نهار مسلسل دزيري في كاش قناة تاع المشرق انا شايفة بلي هادي هي السبة برك
 
والله غير راكم قليمين باللهجة دافعتو كيما يبغي الحال
 
ما سألتوش نفسكم علاه ما يفهموهاش
دايما تدخلو كلمات باللغة الفرنسية المكسرة
كيفاه تحبو يفهمونا حتى ردودكم الآن في هذا الموضوع كلكم تقريبا استخدمتم كلمات فرنسية كاين هنا عضوة عزيزة علي من بلد عربي آخر هي صديقتي
هنا في اللمة ودايما نرسل لبعضنا رسائل خاصة طلبت مني أكتب لها باللهجة الجزائرية
قالتلي لهجتم جميلة لكن لا أفهمها حابة تولي تفهم لهجتنا وليت نكتبلها بلهجتنا ومندخلش كلمات فرنسية ومرات كيما يوليو كلمات صعاب نشرحملها باللغة العربية ونشكلهم باش تفهمهم تعرفو واش قالتلي لهجتك سهلة جدا ومفهومة ولماذا بعض الردود لأعضاء آخرين لا أفهم منها شيئا قلت لها بأن لهجتنا سهلة لكن مع إدخال كلمات فرنسية في لهجتنا لهذا السبب لا تفهميها للأسف احنا اللي خليناهم ما يفهموناش علاه كل ما نجيو نحكيو لازم ندخلو كلمات فرنسية على الأقل هنا داخل المنتدى نحاول نكتب بلهجتنا الجزائرية العربية ولا ندخل الفرنسية
لا تنسو أن هناك أعضاء من بعض الدول العربية
وآسفة على الإطالة
وصحا فطوركم ​
 
الحالة
مغلق ولا يسمح بالمزيد من الردود.
العودة
Top Bottom