نموت عليك يالخضرة " انا لله وان اليه راجعون "...!!!

الحالة
مغلق ولا يسمح بالمزيد من الردود.

Realo

:: عضو مُشارك ::
إنضم
24 جانفي 2008
المشاركات
199
نقاط التفاعل
0
النقاط
6
السلام عليكم

كنت نصحر وجا خويا قالي :
ما سمعتش ؟؟

... خير واش كاين ؟

محمد اسماعيلي الي كان جارنا مات بسكتة قلبية
كي جا صايفي يضرب البالون ما ماركاش حبس قلبو !!


لا حول ولا قوة الا بالله
انا لله وانا اليه راجعون

الموت علينا حق ولكن ......!!

العشرات من الحوادث المشابهة حدثت اول امس تقريبا بكل ولايات الوطن!!

منذ شهرين تقريبا ماتو زوج نعرفهم ايضا بنفس الكيفية " مقابلة مصر "
طبعا هناك من وسائل الاعلام من تحدث عن هذا الموضوع وقالو ماتو من اجل " العلام " و من اجل الوطن ...
وكاين حتى ناس قالوا انهم شهداء الوطن !!!


انا مارنيش نلوم فيهم لانو حتى فعل "مات" ليس موجودا في القاموس
الصحيح .. توفته المنية او استوفى .. يعني ماشي بيديهم .

لو هاذو الاشخاص اللي ماتو يعرفو انهم يوصلوا لهذا المصير .. نقسملكم بربي واحد فيهم ما كان تبع كرة القدم
او كما يسميها شيخ الحي " كرة الندم "

انا ضد الاشخاص اللي يتعلقو باشياء دنيوية ما تنفعوش في اخراه

وانا من الاشخاص اللي كنت نتبع بالون لدرجة الهبال .. لكن لما صارت الناس تقتل بعضاها في الملاعب...
ولما الناس ولات تهرب من التراويح من اجل مباراة في كرة القدم...
ولما شعرت بالقلق اللي تكون عليه يما كي نكون في الملاعب ؛ قررت نتوقف على هاذ "الهبال"

يا جماعة رانا جميعا نحبو بلادنا ونتبعو بالون .. ولكن ما لازمش نتعلقو بها لهذه الدرجة

اذا وصلنا للمونديال ربي يستر على الامهات شكون يصبرهم لانو كاين بزاف ناس رايحة تحبس قلوبها !!؟؟

طبعا سؤالي للجميع من هو المسؤول عن هذه الاحداث ؟؟

 
لا حول ولا قوة الا بالله
انا لله و انا اليه راجعون
و احنا ثاني عندنا واحد لينا مول 10 سنين مات في الاحتفال في الشارع ضربو كاميو
و أنا ثاني خايفة من المونديال لا خاوتنا كامل يروحو علينا ماعرفت لا ندعي باه نربحو ولا ندعي باه نخسرو .. وفي الأخير النتيجة كيفكيف
و السبب كيما قلت مدى تعلقهم بتفاهة لدرجة الموت .. ربطو حياتهم بشيء تافه مش دايم
لو كان جينا متعلقين بدينا كيما هاك ما نوصلو للحالة لي رانا فيها
ربي يهدينا كامل
و يرحم الموتى و يسكنهم فسيح جنانه
وفي الأخير نقولك بارك الله فيك على الطرح المميز يستاهل التقييم
 

لا حول ولا قوة الا بالله
انا لله و انا اليه راجعون
 

و احنا ثاني عندنا واحد لينا مول 10 سنين مات في الاحتفال في الشارع ضربو كاميو

لا حول ولا قوة الا بالله

يعني لما توصل لهذه الدرجة .. شكون يتحمل المسؤولية ؟؟؟



 
الماتش قريب ماكملتوش
دار كل يتفرجو غير انا
خايف يحبس قلبي
كونت ناوي نروح للبليدة في لخر راحو وخلاوني
وليت نحس روحي في سطاد
مانجمتش نتفرج الماتش
سيرتو الهدف لي جا غلطة هاداك نحس بالعرق ساح من راسي
ان لله وان اليه راجعون
ماتو على فرحة ان شاء الله بشرى خير

 
الله محيي ضميرك

الصلاة قبل الماتش

ياك الدعوة في السجود مستجابة


مانحبش نتفرج الماتش مي كي يخلاص و يقولو ربحنا

نشوف لقطة التهديف

قلبي يضيق

بارك الله فيك

 
الماتش قريب ماكملتوش
دار كل يتفرجو غير انا
خايف يحبس قلبي
كونت ناوي نروح للبليدة في لخر راحو وخلاوني
وليت نحس روحي في سطاد
مانجمتش نتفرج الماتش
سيرتو الهدف لي جا غلطة هاداك نحس بالعرق ساح من راسي
ان لله وان اليه راجعون
ماتو على فرحة ان شاء الله بشرى خير


يمكن ما فهمتنيش .. انا حاب نفهم اذا ما الواحد يموت بسبب مقابلة في كرة القدم
هل هذا الشي تشوفوه طبيعي ؟؟
يعني بعيد شر لو اي شخص قريب منك وصارت معاه مثل هاذ الاحداث ... عادي عندك ؟؟


يظهرلي لازم تروح عند سي الحواس
 
الله محيي ضميرك

الصلاة قبل الماتش

ياك الدعوة في السجود مستجابة


مانحبش نتفرج الماتش مي كي يخلاص و يقولو ربحنا

نشوف لقطة التهديف

قلبي يضيق

بارك الله فيك

الموضوع خطير جدا .. ارواح ناس راهي تروح لاسباب تافهة
واحد مات على جال طفلة خلاتو والتاني علجال مغني والثالث علجال الماتش

لامور دنيوية !!
الموت ما لازم يرخس لهذه الدرجة
 
لا حول ولا قوة الابالله العلي العضيم

لازملها موضوع نبرد قلبي فيه

يعيطك الصحة
 
آخر تعديل:
ربي يرحمو ويوسع عليه والله بزاف دي زاكسيدون يسراو كي نلعبو الماتش اللي مالخلعة واللي واللي ......ربي يحفظنا برك
 
الله يرحمهم و ربي يهدي لي بقاو انشاء الله
 
ان لله وان اليه راجعون
والله يا خويا عمرو وصل
الماتش دارو ربي سبا برك
 
انا واحد كان يتفرج في لونطونت حبس قلبو ثاني .. الغاشي في القهوة و هوما مش علابالهم بيه ربي يرحمو

واللي راهم يموتو في السطاد وبرا منحكيلكش .. علابالك ديفوا تتهول في الصطاد في سطيف سيرتو في la coupe d'arabe بصح الحقيقة المرة ان كاين بزاف ذرك اللي مش متربيين دوروها غير للبراكاج و لي زاgريسيون ..

الديفو مهوش في البالو راه في الغاشي الراشي .. البالو حشاه

مكانش لي ما يفرحش ليكيب ناسيونال .. وما يفرحلهاش ..بصح كينين بزاف يتعلقو بالبالو خطراش فارغين شغل ويتبعو في الناس...

يموت فالقهوة وهوما ما علابهمش بيه !!!
لا حول ولا قوة الا بالله

للاسف القلوب صارت معلقة بالبالون اكثر ماهي متعلقة بالله سبحانه
انا نحمل جزء من المسؤولية للدولة
 
ان لله وان اليه راجعون
والله يا خويا عمرو وصل
الماتش دارو ربي سبا برك
اللهم لا الاعتراض

وحتى اللي مات بالمخذرات والعياذ بالله ربي دارها سبة !!!
 
ان لله و ان اليه راجعون
والله لا قلبي تقطع من هاد القصة المؤلمة
ربي يرحمو نشاله و يرحم جميع لى ماتو
جوانا
 
ان لله وان اليه راجعون
الله يرحموا

بصح قوليلي انا نعرف واحد اسمو محمد ا سماعيلي عندو مرض القلب ؟؟؟ كان يقرا معايا

هدا وين يسكن ؟؟؟؟
 
انا لله وانا اليه راجعون
 
حسبي الله و نعم الوكيل هذي كي تجيهم الموت على غفلة اوهما ماشي موجدين والو للاخرة غير الدنيا تدي وتجيب فيهم ... ربي يهدي الباقي ويهدينا معاهم
 
ان لله و ان اليه راجعون
والله لا قلبي تقطع من هاد القصة المؤلمة
ربي يرحمو نشاله و يرحم جميع لى ماتو
جوانا
انتي اسمعتي القصة برك واتقطع قلبك
لكن كاين امهات ولادهم راحو وما زال يروحو اذا بقينا على نفس هذا التفكير
ربي يرحم من مات ويهدي الباقي
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top