كون جيت بلاصتي واش تعمل تنتقم ولا تسامح؟

السلام عليكم
اختي الكريمة المسامح كريم وانتي اذا ساعدتيها ديري في بالك انك ساعدتيها في سبيل الله ودرتي فيها خير. واذا هي نكرت الخير خليها وحدها تفيق لروحها وتعرفي بلي خيرك انتي مايروحش على باطل . ومهما دارت خليكي انتي احسن منها ووكلي عليا ربي
 
انا من رايي اختي الغالية انك تسامحيها لانو لمسامح كريم ولازم تكوني فحلة عليها ورديلها الشر بالخير وماتزيديش تمديلها سرك من اليوم

​
 
قال chygivara:
انا من رايي اختي الغالية انك تسامحيها لانو لمسامح كريم ولازم تكوني فحلة عليها ورديلها الشر بالخير وماتزيديش تمديلها سرك من اليوم ​
إضغط للتوسيع...
هدا كلام صواب.........شكرا
 
يا اختي انا نقلك سامحيها وخلاص
بصح لوكان جيت انا ما نسامحهاش وما تفوتلهاش على خير
 
شغيفارا خالد حمزة...مرسي على المساعدة بارك الله فيكم بصح يا حمزة لاه قتلي سامحيها بصح انت لالا؟هههههه
 
نوكل عليها ربي ونخليها لليامات علابالي رايحة تندم وتجي تطلب السماح وإذا جات رايحة نسامحها وإذا ماجاتش تعيا تخلص فالدنيا

لي يشد في ربي عمرو مايضيع​
 
مرسي اختي حفيضة كلام جواهر
 
khaliha wkilha rabi nti ajrek 3and rabi
​
 
مرسي حبيبتي باربيوكيلها ربيهو مايضيع حق حتى واحد
 
موقف صعيب صح بصح انا كون جيت في بلاصتك ما نسامحهاش
 
أنا في رأيي راهي دات العقلية تاع لهيكا
يعني نتي راكي retard بالنسبة ليها alors ماتهميهاش
و زيد كما تدين تدان
ماتزيديش تهدري معاها و سامحيها ووكلي ربي
راهي تدور الدنيا و تفيق بروحها واش دارت وتندم
وترجع تطلب السماح
وكوني أحسن منها و سامحيها
​
 
واش نقلك اختي موقف صعيب بزاف
لو كان جيت في بلاصتك نطبق المقولة الي تقول
المسامح كريم ماشي في وجها
لاننا مسملمون شعب مسالم و زيد بزيادة عقلها صغير
و عمرها17 عام مراهقة راكي عارفة الصغر
و زيد بالزيادة في وجه ربي برك
و الفايدة ترجع ليك​
 
انا في رايي نسامحها ونعمل بمقابلة السيئة بالحسنة ومنديرش كيفها وربي يهديها ان شاء الله والباقي نخليه على ربي نوكل عليها ربي هدا واش عندي نقول
 
قال pRiAnCa*mCeE:
السلام عليكم ورحمة الله تعالى وبركاته​


وشراهم لحباب؟ اما مانيش مليحة...​


المهم بلاما نطول...شوف انا رايحة نحكي موقف وانتوما تخيلو معايا وقولولي واش تعملو كون جيتو تتحطو فيه...


- انت عندك قريبة ليك يتيمة الاب توفى باباها وهي عمرها 4 سنوات كملت امها تربي فيها واكيد امها ما تقدرش توفرلها كلش لانها مش عاملة وكانت تستعين بيك وانت تعاونها وتعمل للبنت اليتيمة كل شىء تقدر عليه باش ماتخليهاش تحس بلي راهي يتيمة...المهم يدور الزمان ويجيب ربي مكتوب لهذيك الام وتتزوج في فرنسا وتدي معاها بنتها وتروح ولما يصير عمر البنت 17سنة تجي وتقعد عندك في دارك وانت تعاملها كانها وحدة من العايلة وكلش يعني دير فيها الثقة وتهز اسرار البيت وتروح تعاود الاسرار لناس اخرين وتفضحك :ohmy:وترجع لفرسا ولما تقلها علاه عملتي هكذا تقلك مايهمنيش انا درتها كي كنت في لبلاد(الجزائر يعني) وتقلك ماتكسرليش راسي ضرك خليني ماتزيدش تهدر معايا واعمل وش تحب؟؟؟؟:cursing:


وش يكون موقفك؟ :crying:


وش تعمل تسامحها مع انها نكرت الخير تاعك ورداتولك شر وانت جامي اذيتها ولا تنتقم؟ :confused1:


جاوبو على الاقل بكلمة انتقم ولا اتسامح...هذا خير من نلقى المشاهدات 100 والرد 2 لاني نحتاج رايكم بالفعل...انا في الانتظار​



السلام عليكم والله يكون في عونك بس حبيت نقولك انت جزاك الله الخير واكيد ك خيرك عند الله والرسول صلى الله عليه وسلم قال (انا وكافل ايتيم كهاتين )واشار لسبابة والوسطى يعني خيرك كبير عندالله والواحد يعمل لاخيرتووما يستنى من الناس ترجعلو الخير بس كل شي عند الله وانت لو انتقمت خيرك كله يروح بس لو قلت حسب الله ونعم الوكيل فيهل الله راح ينتقم منها ويد الله فوق يد الجميع وجزاء الاحسان الا الاحسان وانت انسيها وخليها تواجه غلطتها واكيد راح تدفع الثمن غالي ومع الوقت راحيجيك خبرها والله ما يضيع اجر المحسنين انا ما اقولك سامحيها ونسيها ولا كانك عرفتيها والايام من بينكم وكل واحد ياخد على قد نيتو والسلام
إضغط للتوسيع...
 
اختي المسامح كريم​
 
يقول تعالى : و أن تعفوا و تصفحوا هو أقرب للتقوى. المهم بلا ما نطول المسامح كريم و أنت أجرك عند ربي و هذه الإنسانة أشكريها
راهي نحتلك شوية سيئات .
 
انا نسامحها بصح نبدل المعاملة تاعي معاها
انقص شوية في الثقة تاعي فيها
هذا رايي يا شيري حنونتي​
 
مرسي الكل على المرور والراي الاخلاقي شكرا لكم بارك الله فيكم كلكم واحد بواحد.....ربي يهديها ويكبرنا في طاعتو
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom