عيشكم جاوبوني

الحالة
مغلق ولا يسمح بالمزيد من الردود.

اعتدال

:: عضو منتسِب ::
إنضم
7 سبتمبر 2009
المشاركات
60
نقاط التفاعل
0
النقاط
2
السلام عليكم ورحمة الله وبركاته
حابة نسقسيكم سؤال رهو محيرني بزاف انا واخي التوام

رني سمعت فتوى بلي الرسم حرام وزيد خوي راح سقسى الامام وقالو اجتنب

نتمنى لي عندو اي معلومة او ادلة من القران يقلي

خطراك نحب نرسم بزاااااااف واغلبية الوقت نقعد وحدي وهذي الحاجة الوحيدة الي تنحيلي على بالي

سلاااااااااااام وصح فطوركم
 
والله يا أختي
هادي اول مرة نسمع بيها
نستناو كاش واحد علابالو ويفيدنا
لأنو انا تاني نحب نرسم

 
السلام عليكم اختي من قال لا اعلم فقد افتى وانا حابة نفيدك ببعض المعلومات وفالدين لازم الانسان يجتهد ترا الحلال بين والحرام بين انا من استويت وانا اعرف ان الصور حرام بس صور لمخلوقات الله مثل الانسان والحيوانات باشكالها بس الطبيعة والرسوم التشكيلية مثل المجسمات والاشكال الهندسية عادي بس الاشياء التي فيها روح لا ترا يوم الحساب راح يطلب منك تنفخين فيها الروح وطبعا غير رب العالمين اللي يقدر وزيدي اسالي اهل الفقه والدين والله اعلم
 
والله يا أختي

هادي اول مرة نسمع بيها
نستناو كاش واحد علابالو ويفيدنا
لأنو انا تاني نحب نرسم

سرني مرورك يا اختي قوليلي وشمن نوع تحبي ترسمي انا نحب نرسم الانيم منغا
 
الرسم حرام اذا كان ما ترسمينه فيه روح
كالانسان والحيوان والله اعلم

 
السلام عليكم اختي من قال لا اعلم فقد افتى وانا حابة نفيدك ببعض المعلومات وفالدين لازم الانسان يجتهد ترا الحلال بين والحرام بين انا من استويت وانا اعرف ان الصور حرام بس صور لمخلوقات الله مثل الانسان والحيوانات باشكالها بس الطبيعة والرسوم التشكيلية مثل المجسمات والاشكال الهندسية عادي بس الاشياء التي فيها روح لا ترا يوم الحساب راح يطلب منك تنفخين فيها الروح وطبعا غير رب العالمين اللي يقدر وزيدي اسالي اهل الفقه والدين والله اعلم

يعطيك الصحة خوي على هذه المعلومات مزية انا منرسمش العباد نرسم الانيم برك
 
أختي والله نتي كيفي أنا تاني نحب نرسم المانغا
صح الرسم حرام مي على حساب ما سمعت هو إلا حاولت ترسمي إنسان موجود أصلا وتصوري الجسم تاعو من الفوق لتحت لأنو يقولو كأنك تحاولي تقلدي خليقة ربي والله أعلم
 
أنا تاني نتمنى مايكونش حرام لأنو هادي هي الحاجة الوحيدة لي تنحي على خاطري مالغري بابا يقيل يزغي عليا مي واش ندير نحب هاد النوع من الرسم مانقدرش نخطيه
 
أختي والله نتي كيفي أنا تاني نحب نرسم المانغا



صح الرسم حرام مي على حساب ما سمعت هو إلا حاولت ترسمي إنسان موجود أصلا وتصوري الجسم تاعو من الفوق لتحت لأنو يقولو كأنك تحاولي تقلدي خليقة ربي والله أعلم

والله نفرح كي نلقى عباد كيفي يحبو يرسمو يجيني اي واحد يرسم راهو مميز وعند شخصية غريبة صحاباتي كامل يحب يرسم وفيهم ليحب يغني اغاني الانيم مي انطوائيين شوي
وبعاد على الواقع
راني لقيت حديث بصح منحطوش حتى نتاكد من المعنى نتاعو ضك نسقسي استاذة تاع الشريعة لتقري في ختي ... وشكرا اختي على المرور
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top