█╣◄ صورة السي فلان في غار حراء...والله تدخل ..اتفضل►╠█

█╣◄ تم تعديل الصور .... السي فلان في غار حراء...اتفضلوا►╠█

السلام عليكم ورحمة الله
عمبالكم ليوم لية 27
يعني ليلة لي نزل فيها الوحي على النبي صلى الله عليه وسلم
جبتلكم صور نادرة جدا من الرحلة نتاعي للبقاع المقدسة العام لي فات :wink:
وهادي صور الكهف او غار حراء وين كان يتعبد محمد صلى الله عليه وسلم:blush:
.....
نبداو تعرفت على عضو سعودي من لمة ولي هو ماهر روز :biggrin:
وبعون الله تلاقينا في مكة بعد ماروحت تما تلاقينا وبلا بيه ماكونش رايح نطلع خلاه لأنو الحالة صعيبة وصعيبة تقتل:scared:
مام لاجونس لي روحت معاهم ماخالويناش الا زيارة برك مانقدروش نطلعو :blink:
نشفا عليها تلاقينا على 6 نتاع صباح وتوكلنا على الله بتجاه جبل نور
ليكم الصور:biggrin:

هادي كي تطلع في الطريق للغار تلقاها
باش ناس ماتيهش
الطريق واعرة يا خاوتي والله:sad:
....
كاين مابين الطرق مضايقات او كيما نقولو انفاق ومن الموحال كاميرا التلفزين تنجم تعدي
الا بهيليكوبتار
ولا كاميرا بورطابل
والعبد لي هاز صحتو مايفوتش ومايقدرش يفوت شوفو

...

قبل ماطلعت بقيت نكيل في الجبل أأسكو نقدر نطلع ولا لا
وشفو صورتي لأول مرة في منتديات​

وقفت داهش لأنو جبل كيما هكا عمري ولا طلعتلو :glare:
وماكونتش نتوقع نطلعلو :yahoo:
في مايخص اللبسة الله غالب مانقدرش نلبس القميص فيا عادا
نشتي بونتاكور ولا سيرفات
ستيل سبوتيف
:biggrin:
ديت معايا 2 بورطابل كاميرا
2منشفات
وتولكت على الله مع ماهر السعودي
ومشينا :biggrin:
....
قولت انا وماهر نديرو مسابقة لي يوصل قبل:laugh:​

ماهر السعودي الله غالب ماقدرش يكمل مع انو قالي راني نطلعلو طول:biggrin:
دوخو الصيام
:laugh:
وليت أوبليجي نطلع وحدي
وهو متصل بيا بالتيليفون
وبعد مشي ساعة ونص في السخانة
بدا الغار يبان من فوق
تحت درجة 53
هبال​

باش زدت هبطتلو
لقيت صعوبات بزاف قريبة زلقت على حافة الجبل
والحمد الله وصلت:wink::blush:

هنا دخلت للغار
وراني نشوف في عجايب الله
قريب دخت نقول
اني واقف في مكان وقف فيه جبريل
شكون جبريل
ملك
وقف فيه رسول الله
سيدتنا خديجة
سبحان الله

يا جماعة راني بالكسكيطا:blush:
لأني حففت ونحيت شعري كامل كي درت العمرة:yahoo:
يعني مكانش جال مي على العموم حارو لقواني بسروال sablé:laugh::laugh::laugh:
....
سلمت على الكتيبة البراكة
ودعت المكان وانا ماشي لورا
باش نبقا نتمعن في عضمة المكان
غاضتني روحي الله غالب قولت للبلاصة
سلام عليكم
ودعت الجماعة لي تما
وسي ماهر او يعيط أأأزرب راك بطيتي عليا

:laugh:​

كي هبطنا قالي ماهر نفطرو لأنو الحرارة 55 والله روحت رقدت يوم كامل
تعب تعب تعب
عظيم
وحرت كيفماه سيدتنا خديجة راحت وطلعت ما شاء الله يا رب:angel_not:
........​

صور نادرة
لاخ منكم جزائري
واشكيتش تلقاوها في منتديات اخرى
نشكر ماهر لي عرفتو راجل سعودي
ربي يعيشك خويا
يا خاوتي راني تعبت في الصور والله تعبت بسيف لاحملتهم
قيمو الموضوع شويا
وسلام عليكم​

:blush:​

 

[حفيد هواري بومدين]

لعقوبة لزواج ان شاء الله
الحج مازال بعيد شويا :biggrin:
مرسي صبرينة على الرد
:001_wub:
​

ما شاء الله صور هايلة ...
ربي يتقبل
و عقبال الحج ان شاء الله :angel_not:​

 

[RaNiA]

موضوع باهي بزاف
دبرتيها كي رحتي لهذيك لبلاصة
وان شاء الله يتقبل ربي منك العمرة
مجهود رائع تشكر عليه
تحياتي ​

 

[غادة اليم]

واش بيك غاضك الحال؟؟؟
:yahoo:
​

ايــــــه غرت :crying: ان شاء الله انتم السابقون ونحن اللاحقون يـــارب
​

 

[02asma02]

الله يبارك راهم طلعوا التصاور بصحتك ولعقوبة لينا ان شاء الله
ماذا بيك تزيدنا شوي تصاور

 

[عاشقة رجاص]

اهلا :biggrin:

مرسي على الرد يختي بارك الله فيك
لعقوبة ليك ان شاء الله :001_wub:
صحا بعد الفطور
(رد باهي خلاه مزين فوق لازم)
:biggrin:​

°~~ليس بجمال موضوعك~~°
°~~ولا برقي محتواه~~°
°~~فعلا حركت فينا شوقنا الكبير لذلك المكان~~°
~~الذي لايوجد من لايتمناه~~°
°~~فشكراااااااااااااااااا~~°
°~~شكرااا جزيلا~~°

​

 

[ميسومة الدلوعة]

السلام عليك والله يا عبدو صور روعة وان شاء الله يكون من نصيبي نروح انا تاني لتم تقبل مروري

 

[ابوعمرالفاروق]

تقبل الله منك طاعتك
وللمعلومية لجميع المسلمين ليس في زيارة غار حراء ولا غار ثور ولا موقع معركة بدر ولا غيرها مما لم يرد فيه نص بزيارته ليس في ذلك مزية ولم يرغب الإسلام في ذلك وإنما هي زيارة كأي زيارة لأي موقع ويشترط لذلك عدم البدعة والمكان كما ترونه ليس فيه أي خدمات ولا تسهيل طرق لأنه كما قلت لكم ليس له مزية في الإسلام 0
وغار حراء يمكث عنده باستمرار ويتكسب فيه العدد من اهل البدع 0
___________
مرة اخرى تقبل الله منك عمرتك ووفقك اخونا سي فلان

 

[مغرورة بأنوثـتي]

تقبل الله منك العمرة وغفر دنبك ودنوبنا أجمعين

والعقوبة لينا


صح عيدكم وكل عام وانتم بالف خير

 

[ملكًة الاحسآس]

​

بارك الله فيك خويا على الموضوع وعلى الصور رغم انو خرجولي غير 2
وربي يتقبل منك العمرة ،ولعقوبة لينا .

 

[Fethi.dz]

اتمنى منكــ رفع الصور عبر مركز اللمة ,, مركز رفع الصور

لانو الصور مزال ما طلعتش عندي و عند بزاف ,,

و عمرة مقبولة ان شاءا لله ,,

في الإنتظار !

 

[oussama R10]

يعيطك الصحة موضوع
رائع صحة ليك
والعاقبية لــيا ولكل اهل اللمة
يزورا البلاصة
ان شاء الله عام جاي كان سهلت الأموور نرووح
​

 

[بنت الـ25]

دبرتها يا لحاج عبدو
ربي يرزقنا احنا تاني بزيارة لهاديك لبلاصة قبل مانموتو
راك درت فوطوات هايلين...مي مايبانش وجهك
المهم ..ان شاء الله ربي يتقبل منك ويغفرلك يا رب
سلام​

 

[طارق القبطان]

الله يبارك ماشاء الله
شكرا لك على الصور

 

[نقاء الروح]

عمرة مقبولة يا الحاج نونو صور روعة شكرا لك لعقوبة لينا كامل نوصل البلاصة هاديك

 

[hamlaoui5]

السلام عيكم مبروك عليك العمره وانشاء الله تقبل منك


صور روعه مشكور اخي على المجهود وربي يتبت الاجر​

 

[حفيد هواري بومدين]

اهلا رانيا
ربي يرزقك وحدة كيفها ان شاء الله
مرسي على الرد
صحا بعد الفطور
:biggrin:
نتمنى بانو عندك الصور برك
:biggrin:
​

موضوع باهي بزاف
دبرتيها كي رحتي لهذيك لبلاصة
وان شاء الله يتقبل ربي منك العمرة
مجهود رائع تشكر عليه
تحياتي ​

 

[حفيد هواري بومدين]

قالك الغيرة تنطق

لالا نورمال بربي تزوريها كي ينادي المنادي
مرسي الفرمسيانة على الرد
وصحا بعد الفطور
:yahoo:

​

ايــــــه غرت :crying: ان شاء الله انتم السابقون ونحن اللاحقون يـــارب
​

 

[حفيد هواري بومدين]

اهلين سميرة
مازال الصور مازال بزاف
مايحطوهومش في النت ولا في التيليفزيون
لأني صورت في اماكن يمنع الصور فيها
وبربي نحطهم
صحا بعد الفطور
سلام
:biggrin:
​

الله يبارك راهم طلعوا التصاور بصحتك ولعقوبة لينا ان شاء الله
ماذا بيك تزيدنا شوي تصاور

 

[حفيد هواري بومدين]

والله مازالو عندي صور ماتقدريش تتصوري كيفماه
كي نشوفهم نندم كي رجعت
لا شكر على واجد
يختي لعقوبة ليك ان شاء الله
:biggrin:
​

°~~ليس بجمال موضوعك~~°
°~~ولا برقي محتواه~~°
°~~فعلا حركت فينا شوقنا الكبير لذلك المكان~~°
~~الذي لايوجد من لايتمناه~~°
°~~فشكراااااااااااااااااا~~°
°~~شكرااا جزيلا~~°

​

 

[حفيد هواري بومدين]

وعليكم السلام القسنطينية :biggrin:
بربي ان شاء الله تزوريها وماتشبعيش منها
:yahoo:
امين
يا رب
صحا بعد الفطور
:biggrin:
​

السلام عليك والله يا عبدو صور روعة وان شاء الله يكون من نصيبي نروح انا تاني لتم تقبل مروري