• منتدى السياسة والاخبار مغلق عن المشاركات حاليا

ياما اشريلي كروصة وزوجيني بوحدة خدامة !!!

الحالة
مغلق ولا يسمح بالمزيد من الردود.
abdo404

abdo404

:: عضو مُتميز ::
يما اعطيني نشري الدخان ولا باطة شمة
الام : ياطفل ويكت نزوجك راك كبرت راك في عمرك سبعة وربعين عام !!!
يما مازالني صغير خليني نقصر شوية
وزيد صاحبي شراتلو يماه كروصة هايلة 2009 وانا ما قدرتش باش نقابلو لازمك تشريلي وحدة خير منها نبالادي بيها
الام: غدوة نبيع الحوش الي ورثتو من عند بابا وحقي نعطيهلك جيب لنت ثاني طوموبيل
والعب قدام اصحابك برك قلي ايه نتزوج
نتزوج ماما بصح لازمني شومبرة كوشي بثلاثين مليون ولوجما وحدي وقش راكي تعرفي رانا في وقت ماماي كلش طار لازم العرس الي يدخل يحل فمو كي البقرة
ما عليهش ياوليدي انا ندبؤ راسي نبيعو البلاد ونكمل نبيع ذهبي ونسلف من عند عمامك
برك تزوج ببنت عمك قول ايه برك
انا نتزوج بهاذيك الجرانة نو نو انا راني عارف على من نطيح ياما
جيبيلي وحدة خدامة مترسمة وبالسكنة تاعها هكذا ما نخدم ما نكسر راسي نحيلها لا باي ونتفرفش نبيعلها السكنة نزيدها على الكروصة نتاعي ونشري كروصة تدوخ الغاشي نولي من عرضة لعرضة نحطها قدامي في القهوة تاع الاحباب قدام لي جان ونجبد البورتابل دارني موديل باش يعرفو قيمتي انا ويناه
الاب كان يسمع :
ويناه انت يابغل وشحال في عمرك حتى تتقوعر على الناس يا تيس انا تزوجت امك عمري سبعطاعش عام وجبتك وجبت قع خاوتك قبل ما نلحق العشرين وما كسبتش حتى حمار نركب عليه وانت فيو شيخ قاعد في دارك دايرلي ديسك جوكي قلبت عليا الدار بالسيديات
تبيع الارض الي وكلاتك وتديرها فراي تاع شيفرولي ياك قع ربع روض هاك الكروصة تاعي علاه مستحي بيها 504 باشي اخدم بيها عمرها خضرة وبيع برك اخدم بيها نقل السلع في الاسواق هههه
قالو نتزوج بخدامة وندير كروصة اخر موديل
هذيك يديرها واحد شبعان عندو بارتمة مثل طبيب ولا مقاول ولا استاذ جامعي يروح بيها لخدمتو
اما انت وين تروح بيها !!! للقهوة وكي تخصك بياسة تجي لعند يماك !!!
--------------------------------
هذا هو حال الشباب تاع هذا الوقت المكشوف
------------------------------
يستحي بكروصة باباه الي رباتو وكبراتو وياما اداتو للطبيب كي كان صغير
والان اصبح يتنكر منها ومن باباه
يا حسراه على بلادي وعلى وش راه صاري
وكل الي راهم يتوريستيو بالكرارص الحطة كليماتيزي والله حالهم يشف العديان
تربيتهم كانت ناقصة فيتامين الاصالة
--------------------------------
دمتم وفي انتظار ردودكم الصريحة
--------------------------------
المهموم من هم البلاد
ياما اشريلي كروصة وزوجيني بوحدة خدامة
!!!!!!!!!!!!!!!!!!!!!!!!!!!!!!!!!!!!!!!
​
 
applaudissement.gif



ايـــــــــــــــــــــــــــــــــه خويا

ناس يمضغولهم و ما عليهم غير يسرطو

و منهم بزاف
​
 
للأسف الشديد هذا حال أغلب الشباب في البلاد هذه الأيام
مكانش واحد يحب يعيش حسب مستواه الاقتصادي والاجتماعي لكن كل الناس حابة تعيش عيشة مليونيرات ولو بالهف.

​
 
هي ماكانش لي يقولك انا مانحبش نكسب سيارة او نلبس او موبيل اخر موديل
لكن لازم الانسان يتعب عليهم
هادا ماكان

مسكين لقى يماه نية هههههههههه
بصح الحمد لله صاحب سانسون كات باشي سمعه هههه
شكرا
​
 
applaudissement.gif


موضوع راااااااااااااااااااااائع
​
 
شكرا على المرور

شكرا على ردودكم
لكن هذه القصة من الواقع المؤسف
وموش عيب الواحد يحلم ويدير لكن
هناك اولويات وظروريات قبل السيارة وحتى
الموبايل لانهم ماهمش ضروريين
الى درجة الطيش
فالسيارة الي تضيعلي وقتي في السيركيلاسيون بلا فايدة وتضيعلي وقتي الاثمن منها وزيادة على المصاريف من استهلاك البنزين وقطع الغيار اليومي حتى لوكانت السيارةw تستهلك وربما او كثير من الحالات المؤسفة مثل احد الاصدقاء سيارتو الفخمة خلاتو يضيع جيل من التلاميذ نساهم كامل ونسى روحو وراح وراحت السيارة الفخمة في حادث مروع لا هو لا السيارة وترك اولادو الصغار يتامى
يقولون هو القضاء والقدر ولكنه الطيش وكثرة السهر
وشكرا لكل من مرة على صفحتي وبارك الله فيكم
اصدق التحيات
-----------
​
 
صح هذا هو شبابنا أصبح معظمه بلا روح ولا شخصية و لا عنوان المهم المظاهر و التنافس فيها
شكرا أخي على الموضوع القيم​
 
47عام هذا ما عادش شاب عاد شيباني ..... وش نقلك يحوسو دزاير تقلع بالنموذج هذا
 
ههههههههههههه هدا واش راه صاري مي نتوما جامي شفتو ولد يروح يقول ليماه هكاك وتخبطو بكاش كسرونة ولا مقلة للراس ؟؟كون ديرهالو فكل مرة وتشوفو ولا ماشي هو ليولي يشري ليماه طونومبيل ويقلشها يا لمدامات سيوها ورجعولي لخبر.
 
47 سنة ؟
راهوا عاد شايب ههههههههههه
هذا هو حال شبابنا لا خدمة لا قدمة
merciiiiiiiii​
 
هادى هى الرقاد و بيع البلاد ههه عجبتنى يماه سايراتو تشريلو بصح مى باباه ياه ياه واش تحبى تلقايه يتكسل مام تقولو نوض تخدم يقولك مكاش خدمة علاش نحوس ياخى حالة ماشى اسعا ياعبدى نعينك خلى برك
 
ههههههههههههههه كون غير يسلفلي يماه شوية راها نية وعاقلة بزاااااااف
كلش في بلادنا عاد بالهف يا مزوق من برا كيفاش احوالك
يعطيك الصحة على الموضوع
 
هده النتيجة التي وصل إليها بعض الشباب في هدا الزمن
المسؤولون عنها للأسف هم الوالدين بالدرجة الأولى وخاصة الدين لهم ولد أو ولدين فقط
يربونهم في العز ويكثرون لهم الدلع وكل ما يطلبون مستجاب وهكدا ينشأ هولاء الأولاد بدون شخصية ولا يستطيعون الإعتماد على النفس يعني (كي الحوت يخرج من البحار يموت ) أي لا يساوي شيئا بدون أمه أو أبيه
 
واش راح يدير شاف ولاد لكلاب مدايرين لبلاد هاذي باسمهم

يتكل على باباه على الاقل خدم و دار التاويل في وقت الخير

الفايدة في الوالدين

ليجون ربي يصبرهم لقبر ولا يروحو للبحر .
 
السلام عليكم

صح هاد النوعية كاين منهم بزاف

بصح الوالدين خسروهم بزاف
غير يطلب كاش حاجة هاك هاك.. الولد مايتعبش كامل.. بالسيف يخرج معوج هكدا
و زيد جامي خدم.. بالسيف يجيب مراة خدامة تخدم عليه و تفششو كما يماه.. مايجيبش بنت عمو الجرانة كما قلت في الموضوع

الله يهدينا برك

بارك الله فيك على الموضوع​
 
الحالة
مغلق ولا يسمح بالمزيد من الردود.
العودة
Top Bottom