أرواح يا دزيري عدنا مشاكل في عقليتنا لحقناهم حتى لهجتنا ... ** فريق أمل اللمة **

[** غزال الصحراء **]

السلام عليكم , و الله هاذي حاجة ديما مقلقتني و هي في الهدرة تاعنا

عدنا و حد الأسلوب سلبي حتى في الكلام و هاذا ماشي مليح

يعني حتى كي نحكو على حاجة شابة التعبير عليها يكون سلبي

و راح نعطيكم أمثلة و أنا في بالي لازم نستغنو عليهم :

نضربها بتدويشة

نضربها بتحفيفة

علاه تضربها ؟ يعني كلمة أصلا إستعمالها عنيف علاش ما تقولش

نروح نتنعم بتحفيفة

نتهنى بتحفيفة ....إلخ

نزيدكم مثال وحد أوخر :

كي نقولو

الهدرة في جيزي و لا موبيليس باطل :scared:

علاش باطل هاذي ؟ يا خي مجانا في الصح بلاش كيما نقولو

علاش منقولوش الهدرة حق ؟ ما سقسيتش روح الباطل هاذي علاش ..

نزيدكم مثال واحد أوخر :

يقولك خبطتها بتبييشة ( شرى قش و لا لبس مليح )

علاش خبطتها يا صاحبي و الله أنا تبانلي الفكرة و ضحت و هاذي

تبقى و جهة نضري

من قلم أخوكم في الله هشام .​

 

[Ninja_09]

والله يعطيك الصحة خويا
هذه الكلماات ولات هي القاموس المفضل المصطنع
يعني نسميو الاسماء بغير اسماءها ولا نتفنو في خلق الجديد من الكلام في حياتنا.

منعرف اذا هاذي تعبر على مستوى عال من الثقافة ولا المبالغة في الاستهزاء .
شكراااااا اخي
​

 

[pRiAnCa*mCeE]

هههه صح هذي كلمات مستعملة عندنا خويا مي مانيش علابالي لاه نستعملوهم...
~ْ~تحياتي اخي~ْ~​

 

[** غزال الصحراء **]

هههه صح هذي كلمات مستعملة عندنا خويا مي مانيش علابالي لاه نستعملوهم...​

~ْ~تحياتي اخي~ْ~​

الله يخليك أختي العزيزة , مرورك منور .​

 

[آلاء هبة الرحمان]

وجهة نظر صائبة
ضك هاذا الكلام انتشر بكثرة و الناس كامل تهدر بيه
من الصعب باه يبركاو يهدروا هكا
ربي يسترنا و يعافينا
بارك الله فيك
مشكور
عيدكم مبارك كل عام و انتم بمليون خير
​

 

[** غزال الصحراء **]

والله يعطيك الصحة خويا

هذه الكلماات ولات هي القاموس المفضل المصطنع
يعني نسميو الاسماء بغير اسماءها ولا نتفنو في خلق الجديد من الكلام في حياتنا.​

منعرف اذا هاذي تعبر على مستوى عال من الثقافة ولا المبالغة في الاستهزاء .
شكراااااا اخي​

الله ينورك يا صاحبي و يحفضك من العين , و هاذي على حساب فهامتي ناتجة من التشاءم و العصبية التي تغلب طابعنا حتى ولينا في الفرحة و نلبزوها بكلمة تخلع .​

 

[** غزال الصحراء **]

وجهة نظر صائبة
ضك هاذا الكلام انتشر بكثرة و الناس كامل تهدر بيه
من الصعب باه يبركاو يهدروا هكا
ربي يسترنا و يعافينا
بارك الله فيك
مشكور
عيدكم مبارك كل عام و انتم بمليون خير​

الله يهنيك , ايه صح صعيبة باش نتفادوها مي يقدر كل واحد يبدا بروحو و يحبس هاذي الهدرة أنا واحد راهي في بالي من مدة و أمني مانيش نهدر بيها خلاص يعني كل كلمة لها محلها و الفرحة عندها تعبير و الحزن عندو تعبير اخر .​

 

[amoula19]

يعطيك الصحة خويا ....موضوع مليح بزااااااااااف
و نزيدك حوايج أخرين نقولوهم
كي يأذن المغرب ما نقولوش أنا رايحين نفطرو
نقولو هيا نكسرو الصيام..... و علاه الصيام يتكسر
ومرسي على الموضوع​

 

[** غزال الصحراء **]

يعطيك الصحة خويا ....موضوع مليح بزااااااااااف​

و نزيدك حوايج أخرين نقولوهم
كي يأذن المغرب ما نقولوش أنا رايحين نفطرو
نقولو هيا نكسرو الصيام..... و علاه الصيام يتكسر​

ومرسي على الموضوع​

و الله لا صح هاذي نسيتها :scared: الله يخليك على المرور و الإظافة ربي يحفظك من العديان .

 

[عطر الندى]

يعطيك الصحة على الموضوع خويا
الله غالب هاذي هي هدرتنا واش نديرو​

 

[** غزال الصحراء **]

يعطيك الصحة على الموضوع خويا ​

الله غالب هاذي هي هدرتنا واش نديرو​

لازم نديرو و كيما قلت , كل واحد يبداها بروحو يعني صعبة مي ماشي مستحيلة .​

 

[shéryfa luna]

هههههه
هادي هي هدرتنا الله غالب
تضحك صح ميfronchement تعجبني​

 

[** غزال الصحراء **]

هههههه

هادي هي هدرتنا الله غالب

تضحك صح ميfronchement تعجبني​

لا هدرتنا الله يبارك عليها مي هاذو غير شويا ثغرات ..​

 

[mimi.dz]

صدقت اخي
كلمات عديدة دخلت قاموس لهجتنا الجزائرية
لا نعرف حتىمصدرها و لماذا حملت هذا المعنى
ولكنها متداولة بكثرة
ونادر من يستعمل اللغة الفصحة
جوزيت خيرا اخي
​

 

[ابو شهاب]

يعطيك الصحة ياخو
موضوع فوووور

واش رايك تجي تخدم معانا في مسلسل باب الحارة جزء الخامس

مخرج

 

[** غزال الصحراء **]

صدقت اخي

كلمات عديدة دخلت قاموس لهجتنا الجزائرية
لا نعرف حتىمصدرها و لماذا حملت هذا المعنى
ولكنها متداولة بكثرة
ونادر من يستعمل اللغة الفصحة
جوزيت خيرا اخي​

الله يهنيك أختي العزيزة , و صحا عيدك شكرا على الإظافة .
​

 

[** غزال الصحراء **]

يعطيك الصحة ياخو
موضوع فوووور

واش رايك تجي تخدم معانا في مسلسل باب الحارة جزء الخامس

مخرج

الله يهنيك خويا , لا راني نمثل في gاراج الحارة :biggrin:

 

[نقطة حبر]

زعما نقلك موضوع يهبل وش جاب الهبال ههههه
يعطيك الصحة لكن ربما هذي الالفاظ توضح الشعور او المعنئ المهم موضوع في القمة رائع مش يهبل

 

[ابو شهاب]

الله يهنيك خويا , لا راني نمثل في gاراج الحارة :biggrin:

انا ابوشهاب ........ معرفتنش ؟؟

وين راك تخدم

مشفتكش كل

 

[فؤاد الورقلي]

السلا م عليكم

وكاين كلام اكثر من هذا يا خويا هشا م
والله مانكذب عليك حتى احنا مش عارفين اصل نتاع هذا الكلام
الله يعافينا
شكرا خي وفقك الله