سؤال ليكم يا أعضاء اللمة please جاوبوني

[LoVeLy LaDy]

سلام عليكم
صح عيدكم
أنا فتاة عمري 22 سنة جا خطبني واحد عمرو 32 سنة
يوطنون فالجيش واش رايكم نقبل ولا لالا
و شكرا مسبقا

 

[simouka]

إستخيري بالله
(صلي صلاة الإستخارة)
​

 

[السوفي حمة]

يا أختي تقبليها مني نصيحة أخ كبير
كيف تطلبن نصيحة من لا علم له بشيء عن هذا الرجل
أطلبي مشورة أهلك وأقاربك ليسألوا عنه وعن أخلاقه وأصله وصله ولا تغرك الرتب العسكرية فكم تختفي من ورائها بلاوي كما أنه يوجد أيضا ضباط ذي أخلاق عالية،
أذكرك فقط أن الزواج ليس يوم الزفاف لكنه عشرة عمر كامل ورباط بين عائلتين وأبناء ومسؤوليات،
وفقك الله ورزقك بابن الحلال ​

 

[dj.brahim2008]

أستخيري وأستشيري
فإذا عزمتم فتوكلوا​

 

[فؤاد الورقلي]

السلام عليكم

يا اختي مكانش حاجة مثل صلاة الاستخارة ثقي بالله وتوكلي

الله يرزقك الرجل ا لصالح

 

[farida91]

يا اختي سقسي اللي يعرفوه ​

 

[dahman kz]

صقصي الناس اللي يعرفوه وأقاربك المقربين هوما أيضا يبحثو ويصقصو عليه.ووحدك ماتقدريش تعرفي كلش.

وكيما قال الاخ حمة السوفي الزواج ليس ليلة زفاف فقط فهو بقية حياتك كاملة.
وماتقوليش يفوتني بعشرة سنين الفايدة كي يكون انسان طاهر متقي وذو أصل.أنا ختي عمرها20سنة تزوجت بواحد34سنة.و متهنية لاباس بيها.
والتوفيق من الله عليكي بالاستخارة.
​

 

[Adel Adel1]

قد وفو الجماعة و أعطوك الأجوبة الكافية

 

[زهرةالنرجس93]

شوفي انت واش رايك فيه
و اذا كان هو هذا الانسان للي تقدري تكملي معاه حياتك
علاش لالا​

 

[كورابيكا]

دعي اهلك من يقررون فان كان مكتوبا فسيكون من نصيبك ولن تندمي على ما قد يحدث لك في المستقبل لانك لست من حدد ذلك
و الافضل الاستخارة و الاستعانة بالله
بالاكي تتقلقي حتى تعرفيه مليح

 

[ملكًة الاحسآس]

يا اختي راكي تسقسي فينا على راجل مانعرفوهش
انت شوفي رايك وراي والديك هما يسقسيو عليه
وديري صلاة الاستخارة
وربي يوفقك ​

 

[mir@cle]

يا اختي راكي تسقسي فينا على راجل مانعرفوهش

​

​

أنا لم أعرف من موضوعك اين المشكلة بالضبط !!! اذا كان السن فهو مناسب لك أعتقد... واذا كنت لا تعرفينه فأسألي عنه وعن أهله..لا يكفيك فقط أنه أطار في الجيش​

 

[NAZIHA DZ]

هاد القرار في الاخير راجع ليك حنونة
الاستخارة حل افضل وان شاء الله مايكون غير الخير

 

[ISMA.dz]

استخيري بالله وربي يوفقك وسقسي عليه اذا وليد فاميلية

 

[02asma02]

شوفي نتي ختي اذا كان ناس ملاح علاه ما تقبليش بيه

 

[sara_k]

اذا كنتي ترضين دينه وخلقه فهنيئا لك به
استشيري يا اختي ودعي اهلك يسألون عنه وكما قال البعض
استخيري وتوكلي على الله
الله يرزقك بابن الحلال ياااارب
​

 

[بقعة ضوء]

صلي صلاة الاستخارة ولي فيه خير اجبو ربي ان شاء الله

 

[MIRNA816]

سلام عليكم
صح عيدكم
أنا فتاة عمري 22 سنة جا خطبني واحد عمرو 32 سنة
يوطنون فالجيش واش رايكم نقبل ولا لالا
و شكرا مسبقا

حنونة شوفي اسكو مرتاحة معاه ولالا و اول حاجا لازم مايكون في بالك حتى واحد باسكو هو الي يخليك تحيري و كيما قالولك استخيري بالله اللي فيه الخير ربي يقدمهولك

اللهم إني أستخيرك بعلمك، وأستقدرك بقدرتك، وأسألك من فضلك العظيم فإنك تقدِرُ ولا أقدِرُ، وتعلم ولا أعلم، وأنت علام الغيوب، اللهم إن كنت تعلم أن هذا الأمر -يسمي حاجته - خير لي في ديني ومعاشي وعاقبة أمري - أو قال: عاجلة وآجله - فاقدره لي ويسره لي، ثم بارك لي فيه، وإن كنت تعلم أن هذا الأمر شر في ديني ومعاشي وعاقبة أمري - أو قال: عاجله وآجله - فاصرفه عني واصرفني عنه، واقدر لي الخير حيث كان، ثم ارضني به

وما ندم من استخار الخالق، وشاور المخلوقين المؤمنين وتثبت في أمره فقد قال سبحانه: {وَشَاوِرْهُمْ فِي الأَمْرِ فَإِذَا عَزَمْتَ فَتَوَكَّلْ عَلَى اللّهِ}

 

[hananek]

أقبلي ولا نديه

 

[n@tcho]

اختي واحد فينا ما يقدر ايجاوبك خاطرماكش واحد ما يعرفو
انت الي تقدري تعرفي
و بزيادة ماكاش كيما صلاة الاستخارة
توكلي على المولى عز وجل و ديري صلاتك​