و علاه يا أعضاء اللمة ماراني فاهم والو

[406_nassim]

السلام صباح الخير وش ركم لباس


السلام وش ركم لباس انا نسيم من البليدة غير نتعرف بوحد نقلو نسكن في البليدة


ميزيدش قع يتكلم معيا


يقلولي البليدة يقلو حنوني بزاف والبلدين يهود


وغير ليقلي 100 يهودي والا وحد بليدي



فهمني وعله

 

[asma2090]

لا يا خويا واش هد لكلام رانا قاع من بلاد وحدة ورانا قاع مسلمين وخاوة والحمد لله انا نعرف ناس بزاف من لبليدة والحمد لله ولله شرف كبير اني نعرف ناس من لبليدة ممكن انت طحت في ناس قلال ما يحبوش لبليدة
ربي يكون في عونك ​

 

[406_nassim]

اه شكرا لكي الاختي بارك الله فيك شكرا علي ردك في موضوعي صح بلاك ميعرفوش البليدة

 

[[ايمآن]]

لا والله بالنسبة لي عادي شكون قال ناس البليدة مش هايلين "مدينة الورود" ما تخممش قاع هذوك ناس برك مش قاع الدزيريين هاك
​

 

[406_nassim]

صح بلاك الاختي بارك الله فيك وصح دكاا شكون رهو عاين في البليدة غير البراني ومشي وليد البليدة البليدة قع خسرهاا

 

[amoula19]

الي يقلك هاذ الكلام ما راهوش صحيح...ومن بعد بليدي
يخي المهم رانا من بلاد وحدة

 

[السوفي حمة]

يا نسيم بلاك المشكل في أنك بليدي لكن المشكل عندك
متعرفش كيفاش تحافظ على أصدقائك،
وحتى وإن لم تجد أصدقاء فموضوعك هذا يعتبر دعوة للأعضاء لتكوين صداقات معك فأعرف كيف تحافظ على أصدقائك الجدد
لتكون صداقة متينة.
​

 

[احساس طفلة]

لالا خويا راك غالط وهاد الكلام اول مرة نسمعوا
وانا بالنسبة ليا البليديين ماشاء الله عليهم جامي سمعت منهم ولا عليهم والحمدلله

 

[SAAMIR]

ايه خويا نسمع بيهم يقلو 100 هودى ولا وحد بليدى وعندى وحد صحبى قلى وحد بليدى كلنى فى مليون مرنش نقول قاع حاش لى ميستهلش

 

[406_nassim]

الجزائر العاصمة كما باب الواد وما شبه قع يكرهو البليدة

 

[إيـــ م ـــآن]

راك تهدر على مشاحنات كروية وتصرفات البلديين معهم لما يلعبو في بليدة والعكس لما تلعبو في العاصمة


لاحظت هذه المشاحنات في بعض المباريات مع النصرية مثلا او مع السياربي لما لعبو نهائي الكأس العام الماضي كاين لي جاو وشكاو قالك الما ماحبوش يمدوهولهم :sneaky2:


لكن هادي مشاحنات كروية كاينة حتى داخل البيت الواحد وهذا لايمنع اننا كلنا جزائريين ولا فرق بين ولاية واخرى :thumbup1:​

الجزائر العاصمة كما باب الواد وما شبه قع يكرهو البليدة

 

[انها ملكة]

وعليكم السلام أخيnasssim_406 وعلاش هاذ اليأس .... احنا كامل اخوة في المنتدى وأناراني جارتكم برك نسكن في المدية...... بصح راني خايفة كي قلت المدية مايزيدوش يهدرو معايا تاني ....خخخخخخ

 

[02asma02]

لالا انا عندي عادي و بالعكس نحب ناس البليدة هدرتهم هايلة

 

[السوفي حمة]

علاش هذي الهدرة العنصرية في بعضانا كجزائريين
واش من بليدي وعاصمي وسوفي وقسنطيني و ...........
هذي الهدرة نتاع ناس جهال، مهيش نتاع شباب مثقف
علاه ممكن أنا منكونش ناس ملاح زعما تقولو السوافة كامل هكا ؟؟
كل واحد وعقليتو وأنا نقول حاجة الحمد لله البليدة أعطت للجزائر رجل عظيم رغم اختلافي معه في السياسة أعطتنا الشيخ محفوظ نحناح وأعطتنا ثاني محمد بوسليماني والكثير الكثير من الشخصيات.
أرمو عليكم كلام الجهلة راكم شباب جزائري والنظرة هذي أصلا زرعها الاستعمار للتفرقة بين الجزائريين وضرك رانا نعاودوها.
​

 

[fatima188]

مكانش منها هاذ الهدرة وانا اول مرة نسمعها
اكل رانا ولاد دزاير واكل كيفكيف ما كاين حتى واحد خير من واحد​

 

[بنت بلادي و نص]

واش هدا يا خو

من حقك انت هو الي ما عدتش تحكي معاه

لانو الي ما عندوش خير في ولاد بلادو

ما عندوش خير في الناس كامل

مدامك ولد الجزائر راني نحطك في عيني و فوق راسي

مرسي خويا ع الموضوع الحساس

تحياتي لك
​

 

[سماح4]

من هنا يا البليدي خويا نطلب صداقتك امام جميع أعضاء اللمة ....واش رايك أختك في الله سموحة.​

 

[406_nassim]

ربي يحفضك ختي سماح ربي يحفضك الله يعطيك الف عافية مهم والله يا ختي مشي علي اصدقاء ولا علي انتع 100 يهودي ولا وحد بلدي