فضيله بين الوأد و الحنان ... ؟

ninno28

:: عضو مُشارك ::
إنضم
7 أكتوبر 2008
المشاركات
234
النقاط
6
العمر
31
السلام عليكم ورحمة الله



جئتكم اليوم بقصيدة حول زوج في الجاهلية ولدت لهما طفلة هما يودون الاحتفاظ بها لكن الأعراف تقول بوأدها.






بَشْرُوهْ وْقَالُوا يَا فْلاَنْ *** هَاوْ جَاكْ مُولُودْ جْدِيدْ

خَلَّى كُلَّشْ وَجْرَا جَرْيَانْ *** وْهُوَ فَرْحَانْ بَزَّافْ وْسْعِيدْ
لْحَقْ لَلخِيمَة قَالْ يَا نَسْوَانْ *** وَاشْ عَنْدِي عُمَرْ وَلاَّ زِيدْ
جَاوْبُوهْ لاَ ذُوكْ وَلاَ سَلْمَانْ *** جَاتَكْ طَفْلَة عِينِيهَا مْوَاجِيدْ
قَالْهُمْ أبَدًا هَذاَ بُهْتَانْ *** زِيدُو شُوفُوا تْحَقْقُوا بَالتَأْكِيد
وْكِي تْحَقَقْ ثَارْ بُرْكَانْ *** قَالْ كِيفَاهْ العَارْ يْجِيبُو الصْنَادِيدْ
قَالْ غَدْوَا نَدْفَنْهَا وَلاَّ الآنْ *** لاَ تَلْحَقْنِي خَزْرَاتْ التَّنْدِيدْ
وَنْعَشِّي حْكَايَة بِينْ العُرْبَانْ *** بَعْدْمَا كُنْتْ قَايَدْ وْسِيدْ





زُوجْتُو نْطَقْ فِيهَا الحَنَانْ *** قَالَتْ وَشْ مَنْ دِينْ يْقَرْ التَّوْئِيد

هَذَا حُلْمْ سْتِينِّينَاهْ زْمَانْ *** وْكِي جَا نَجَعْلُولُو تُبْدِيدْ؟
حَكَّمْ عَقْلَكْ أجَعْلُوا مِيزَانْ *** وَاعْتَمَدْ اللِّين خَلِّي التَّشْدِيدْ






تْرَطَّبْ وَلاَّ تْلُو الحَنِّيَة *** وْعَقَّبْهَا تَخْمَامْ ذِيكْ اللِّيلَة

قَالْهَا يَا مْرَا وْكِيفَاهْ العَقْلِيَة *** قَاتْلُو مَا نَقَتْلُوهَاشْ نْسَمِّيوْهَا فَضِيلَة
قَالْهَا انَا مَنْ جِهْتِي مَاذَا بِيَا *** لَكَّنْ مَاكَانْ بَاليَدْ شِي حِيلَة
قَاتْلُو نَجَعْلُوهَا عَلَعْيُونْ مَخْفِيَّة *** هَكْذَا تْعِيشْ حْيَاةْ طْوِيلَة






خَلاَّهَا وْعْطَالْهَا مَالحَنِّيَة *** مَا يْمَدْ الأَبْ لْبَنْتُو

قَالْ وَالله حْرَامْ وْهَذِي أذِيَة *** ابْنَ آدَمْ يُوأَدْ فَلْذَاتُو
شَافْ حْلاَوَة مْلاَعْبَة البْنِيَة *** وْهِيَ مَتْمَسْكَة بِيهْ شَادَّاتُو
لَكَنْ قُوَّة الأَعْرَافْ كَانَتْ قْوِيَة *** وْلَحْنَانْ مَنْ قَلْبُو مْحَاتُو





عَاوْدَتْ حْيَاتْ فِيهْ ذِيكْ الجَاهِلِيَة *** نْتَاعْ الوَأْدْ القَسْوَة مَلْكَاتُو




رَاحْ أدَّاهَا لْوَسْطْ الصَّحْرَا *** وْسَلَّمْ عْلِيهَا زُوجْ تَسْلِيمَاتْ

وْبْدَا يَحْفُرْلْهَا فَالحُفْرَة *** وْهِيَ مْقَابْلاَتُو تَضْحَكْ بَالبَسْمَاتْ
مَاعْلاَبَالْهَاشْ وَشْ رَاحْ يَصْرَى *** وْاَنْهَا رَاحْ تْفَارَقْ لَحْيَاة
كَانَتْ ظَانَّة حَاجَة خْرَى *** لَكِنْهَا كَانَتْ نِهَايَة البْدَايَاتْ
قَالَتْ أَبِي هَذِي نَعْرَة *** وَشْ ذَنْبِي نَتْعَاقَبْ بَالمَمَاتْ
قَالْهَا هَذَا الوَاقَعْ وَلْحَقِيقَة المُرَّة *** فُوقْ طَاقْتِي هَاذْ التَصَرُّفَات
رْمَاهَا وْصَارَتْ التَحْتْ مَطْمُورَة *** وْرْجَعْ وَالنْدَمْ فِيهْ رَاسَمْ لَوْحَاتْ
مَرْتُو قَابْلاَتُو حْزِينَة مَتْحَسْرَة *** مَنْ عَيْنِيهَا سَالُو دَمْعَاتْ
قَالْهَا الأَمْرْ رْانِي قْضِيتُو فْرَا *** وَمَاليُومْ انْسَايْ اللِّي فَاتْ







أسألكم تغيض ولا لالا؟ أكيد كامل رايحين تقولو تغيض؟
الأن:




زيد وزِيدِي نْتِي لِيفْ وْلاَمْ التَّعْرِيفْ *** وَانْتَقْلِي مَنْ جَاهِلِيَة لْجَاهِلِيَة

مَنْ قَانُونْ الغَابْ المُخِيفْ *** وْعِبَادَة الأَصْنَامْ الوَثَنِيَة
وْقَوِي يَاكُلْ الضَّعِيفْ *** لْقَتِيلَتْنَا حْنَا الحَالِيَة






الفَضِيلَة فْزْمَانْنَا كِيفَاهْ وَلاَّتْ *** الكُلْ يَضْرَبْ يَطْعَنْ فِيهَا

خَرَجْنَالْهَا شَهَادَة وَفَاة *** بَافْعَالْنَا اللِّي رَبِّي عْلِيهَا نْهَى
فُجُورْ فُسْقْ وَانْحِرَافَاتْ *** طْرِيقْ بْلِيسْ اللَّعِينْ عَبَّدْنَاهَا
وَافْتَقَدْنَا فَعْلْ الخَيْرَاتْ *** وَالرَّذِيلَة إِمَامْ نَصَّبْنَاهَا







وَقْتَاشْ نْتُوبُوا وْنَرَجْعُو لَطْرِيقْ *** الحَقْ الله العَالِي مُولاَنَا

وَقْتَاشْ نَفَطْنُو وَالنَّاسْ تْفِيقْ *** سِيرَتْنَا السَّابْقَة وِين ادَّاتْنَا
التُّوبَة شِي سَاهَلْ التَّحْقِيقْ *** إذَا اخْلَصْنَا صَحْ وَاعْزَمْنَا
مُحِيطْنَا يَصْفَى وْيْسُودْ الرْحِيقْ *** الرِّيحَة الزَّكِيَة العَاطْرَة تَغْمُرْنَا
وْرَبِّي بْقُدَرْتُو يَرْزُقْنَا التَّوْفِيقْ *** وْيجَازِينَا لْكُلْ فالآخِرَة بَالجَنَّة






أسألكم بالله شكون اللي تغيض كثر فضيلة ولا الفضيلة؟
 

ninno28

:: عضو مُشارك ::
إنضم
7 أكتوبر 2008
المشاركات
234
النقاط
6
العمر
31
اهو الموضوع لم يرقى الى مستوى تطلعاتكم ام ان العنوان تائه وغير مناسب له افيدوني بردودكم ومنكم نتعلم .
 

ninno28

:: عضو مُشارك ::
إنضم
7 أكتوبر 2008
المشاركات
234
النقاط
6
العمر
31
مشكورين اخوتي على المرور العطر
ابادلكم الاحترام والتقدير
تقبلو مني تحياتي
شكرا
ninno28
 

زهرة العرب

:: عضو مُتميز ::
إنضم
29 نوفمبر 2009
المشاركات
1,339
النقاط
37
اهو الموضوع لم يرقى الى مستوى تطلعاتكم ام ان العنوان تائه وغير مناسب له افيدوني بردودكم ومنكم نتعلم .
لا هذا ولا داك موضوع قمة في الروعة
تقبل احترامي
سلام
 

ninno28

:: عضو مُشارك ::
إنضم
7 أكتوبر 2008
المشاركات
234
النقاط
6
العمر
31
مشكووورة اختي زهرة العرب على مرورك العطر راقني اهتمامك بالموضوع تقبلي احترامي وتقديري .
 
Top