إعلان من شركة الهف واللف لخدمة المصالح الشخصية

[السوفي حمة]

إعــــــــــــلان
​

تعلن الشركة ذات المسؤولية المحدودة : الهف واللف لخدمة المصالح الشخصية والغاية تبرر الوسيلة لأصحابها ذوي المعالي والسعادة والشكارة المعمرة.
عن فتح عملية بيع بالمزاد العلني لطابوريات شاغرة بالمكان المسمى مجلس الأمة.

​

شروط دوخل المزاد :
- أن تكون هفيت الشعب من قبل وانتخب عليك وجلست على طابوري في البلدية أو الولاية.
- عندك شكارة معمرة دراهم.
- التعهد بخدمة أهداف الشركة وأصحابها وأصحاب أصحابها وأصحاب أصحاب أصحابها و ...
- والمؤمن ما ينساش نفسه مسموحلك تلحس أصابعك لحسة مليحة مرة على مرة.

الامتيازات :
- كرسي هايل في الصف الثاني مغلف بالحرير
- الإقامة في فندق 5 نجوم وكلش خالص حتى ..........
- باسبور أحمر تدخل وتخرج من لبلاد بلا ما يديرونجيك واحد والفاهم يفهم
- راتب شهري يتخمك وزيد عليه القهاوي والتشيبا تحت الطاولة
- ترفد كريدي من البنوك وروح راك مسامح ( الشركة عندها
نصيب )
- تضرب أي شرطي أو موظف في الدولة وتلعن سلسفليل جدوده وواحد ما يكلمك.
- عفس أي مواطن ميعجبكش و شيش يتكلملك واحد.
- تستولي على أي حاجة تعجبك وأي واحد يتعرضلك الشركة تعرفو قدرو.

ملاحظة : أي واحد يربح المزاد ويدفع أكثر الشركة تضمنلوا الترشح ويبقى عليه يدفع للمنتخبين باش ينتخبوا عليه ويريح فوق الطابوري

كل من تتوفر فيه الشروط يتقدم من شركتنا وسوف نكون في خدمته

 

[السوفي حمة]

لماذا هذا الإعلان ؟؟؟

منذ أيام وأنا أعيش على واقع تجديد ثلثي أعضاء مجلس الأمة وهم 144 عضوا ينتخب ثلثيهم ويعين الرئيس الثلث الباقي
الأعضاء المنتخبون هم من أعضاء المجالس الشعبية البلدية أو الولائية حيث ينتخب عضوين من كل ولاية أي 96 عضوا.
إلى هنا الأمر عادي .....
لكن المشكل والغير عادي هو أن الترشح لهذا المنصب أصبح بزنسة بأتم معنى الكلمة وأصبح يُدْفََعْ مئات الملايين من أجل الترشح فقط وبعدها يدفع أكثر من مليون سنتيم للصوت الواحد وهنا نتساءل هل كرسي مجلس الأمة ظاهريا يساوي هذا الثمن ؟؟؟؟؟؟؟؟
أم أن هذه المبالغ دفعت من أجل ما خفي كان أعظم ؟؟؟؟؟


​

 

[ايمان48]

واش تديير
هادي صراات لواحد جارنا راح يدير شرطة قلو 12 صورة 12 شهادة ميلاد الخ وتاني في الاسفل كتبلو النقوود او المعرفة صااي البركة رااحت مع ناسها

 

[لحظة أمل]

خويا ماتخافش عليهم كون ماجاتش تستاهل مايخرجو حتى دورو
من جيوبهم راه لي يدخل ليها مابقاش يخرح غير على هدة كبيرة
ولي راهم يمدو فيه بيدهم ليمنا يرجعلهم بيدهم ليسرا بالدوبل والتريبل
​

 

[السوفي حمة]

واش تديير
هادي صراات لواحد جارنا راح يدير شرطة قلو 12 صورة 12 شهادة ميلاد الخ وتاني في الاسفل كتبلو النقوود او المعرفة صااي البركة رااحت مع ناسها

شكرا أختي على المرور والرد
ولكن أظنك لم تفهمي محتواه أعيدي قراءته مجدداا
​

 

[السوفي حمة]

خويا ماتخافش عليهم كون ماجاتش تستاهل مايخرجو حتى دورو
من جيوبهم راه لي يدخل ليها مابقاش يخرح غير على هدة كبيرة
ولي راهم يمدو فيه بيدهم ليمنا يرجعلهم بيدهم ليسرا بالدوبل والتريبل
​

منيش خايف عليهم هوما الله لا يردهم
لكن الخوف على مصالح الشعب المسكين

​

 

[اناس]

السلام عليكم ​

عندك الحق اخي لازم تكون المعرفة والصوارد باه يقيمو الانسان وزيد راهم غير في بعضاهم مصالح في مصالح يخدمو رواحهم برك ​

وقالك عندك دورو تسوا دورو معندكش متسواش هكذا راهم يمشو وياسعدو ياللي عندو هو عايش كيما يحب ويزيد يديمها من فم الفقير ويديرها في جيبو ​

وخلي الفقير يزيد يتمرمد الحالة مسقمة وزيد ​

واش نديرو مع حكومتنا منين اطل عليها تلقاها مخروبة تحشم اذا تعاود اطل ولا تحكي مع الناس عليها ​

ربي يهديهم برك

بارك الله فيك موضوع مهم ​

 

[السوفي حمة]

السلام عليكم ​

عندك الحق اخي لازم تكون المعرفة والصوارد باه يقيمو الانسان وزيد راهم غير في بعضاهم مصالح في مصالح يخدمو رواحهم برك ​

وقالك عندك دورو تسوا دورو معندكش متسواش هكذا راهم يمشو وياسعدو ياللي عندو هو عايش كيما يحب ويزيد يديمها من فم الفقير ويديرها في جيبو ​

وخلي الفقير يزيد يتمرمد الحالة مسقمة وزيد ​

واش نديرو مع حكومتنا منين اطل عليها تلقاها مخروبة تحشم اذا تعاود اطل ولا تحكي مع الناس عليها ​

ربي يهديهم برك

بارك الله فيك موضوع مهم ​

شكرا أختي اناس على ردك القيم ونقلك هاذو الناس زعمة
هوما ممثلي الشعب وهم العين الساهرة على مصالحة يعني من المفروض يضربوا الطبالة لأجل الشعب لكن النية نتاعهم راهي باينة من قبل ما يدخلو المجلس
الله لا يربحهم
​

 

[اناس]

شكرا أختي اناس على ردك القيم ونقلك هاذو الناس زعمة

هوما ممثلي الشعب وهم العين الساهرة على مصالحة يعني من المفروض يضربوا الطبالة لأجل الشعب لكن النية نتاعهم راهي باينة من قبل ما يدخلو المجلس
الله لا يربحهم ​

عندك الحق خويا القول حاجة والفعل حاجة اخر خلااااااااااااااااااااااااص وخلي الشعب يخلص وهوما في النعيم يلعبو بعرق الشعب وحقهم

وكيما قلت الله لا تربحهم ​

 

[السوفي حمة]

عندك الحق خويا القول حاجة والفعل حاجة اخر خلااااااااااااااااااااااااص وخلي الشعب يخلص وهوما في النعيم يلعبو بعرق الشعب وحقهم

وكيما قلت الله لا تربحهم ​

ليس لديا ما أقوله بعد ردك هذا
إلا أن أنحني تقديرا واحتراما لرجاحة عقلك وسعة مداركك
وهكذا نريد شبابنا أن يكون واعي ومدرك لما يدور حوله

​

 

[الأمير الجزائري]

كل هذه الشروط مقابل عمل واحد وهو : رفع اليد ...... على الأقل حسب ما نراه في الظاهر رفع اليد
واحد عضو في المجلس الشعبي البلدي عن حمس(ص)
جاءه عضو من م ش و عن rnd وعرض عليه مبلغا كبيرا من أجل التصويت له وخيانة أصدقائه
لا أدري هل سيصمد أمام المبلغ المغري .... في خاطر خدمة الشعب (نواب الغمة) كل شيئ ممكن.

 

[اناس]

ليس لديا ما أقوله بعد ردك هذا

إلا أن أنحني تقديرا واحتراما لرجاحة عقلك وسعة مداركك
وهكذا نريد شبابنا أن يكون واعي ومدرك لما يدور حوله​

الله يخليك اخي على كلامك الطيب

بارك الله فيك


شكرا​

 

[البسكرية1990]

مقاعد شاغرة في الدزاير هذي جديدة مولفين بيهم معمرين وما يفرغوش الا اذا مولاها راح للقبر
**كل من تتوفر فيه الشروط يتقدم من شركتنا وسوف نكون في خدمته***
ياخويا العبد الي يحوسو عليه راهو عندهم هم يحطو شروط تنطبق تماما على المعني بالامر باه ما يكونلوش منافس
اما النقود المطلوبة فهو يحطها وعلابالو نهار آخر يرد الدوبل نتاعها وزيد فوقها
يأخذ وهذه هي الشروط الحقيقية وليست سخرية .....هذا رأيي تقبل مروري

 

[السوفي حمة]

كل هذه الشروط مقابل عمل واحد وهو : رفع اليد ...... على الأقل حسب ما نراه في الظاهر رفع اليد
واحد عضو في المجلس الشعبي البلدي عن حمس(ص)
جاءه عضو من م ش و عن rnd وعرض عليه مبلغا كبيرا من أجل التصويت له وخيانة أصدقائه
لا أدري هل سيصمد أمام المبلغ المغري .... في خاطر خدمة الشعب (نواب الغمة) كل شيئ ممكن.

لن يصمد أخي الأمير وتأكد حتى وإن صمد هو فغيره لن يصمدوا
والمساكين راهم يضحوا بالغالي والنفيس من أجل خدمة الشعب
الله يعطيهم على قدر نيتهم الكحلة :cursing::cursing::cursing::cursing:
​

 

[السوفي حمة]

مقاعد شاغرة في الدزاير هذي جديدة مولفين بيهم معمرين وما يفرغوش الا اذا مولاها راح للقبر
**كل من تتوفر فيه الشروط يتقدم من شركتنا وسوف نكون في خدمته***
ياخويا العبد الي يحوسو عليه راهو عندهم هم يحطو شروط تنطبق تماما على المعني بالامر باه ما يكونلوش منافس
اما النقود المطلوبة فهو يحطها وعلابالو نهار آخر يرد الدوبل نتاعها وزيد فوقها
يأخذ وهذه هي الشروط الحقيقية وليست سخرية .....هذا رأيي تقبل مروري

يفرغوا كل 6 سنوات ويتم تجديدهم عن طريق انتخاب ثلثي الأعضاء من المنتخبين في المجالس المحلية والثلث الباقي يعينه الرئيس والشروط حقيقية نعم لكن التنافس شديد وليس بعيدا أن يصل إلى غاية التصفية الجسدية بينهم
راهو مجلس المغانم ولقب السيناتور يفتح كل الأبواب المغلقة
​

 

[إبن الشاطئ]

للأسف الكبير الشروط المطلوبة غير متوفرة في شخصي
وإلا كنت سأشارك في مسابقا التوظيف لدى شركة الهف المدكورة أعلاه
للإشارة لدي خبرة كبيرة في المشاركة في مسابقات التوظيف لكن بدون فائدة
شكرا أخي السوفي حمة على البلاغ

 

[السوفي حمة]

للأسف الكبير الشروط المطلوبة غير متوفرة في شخصي
وإلا كنت سأشارك في مسابقةالتوظيف لدى شركة الهف المدكورة أعلاه
للإشارة لدي خبرة كبيرة في المشاركة مسابقات التوظيف لكن بدون فائدة
شكرا أخي السوفي حمة على البلاغ

لا تأسف أخي ابن الشاطئ فالحمد لله أنه لا تتوفر فيك مثل هاته الشروط وإلا لما كنت ابن الشاطئ عضو اللمة المتميز

​

 

[هوارية2009]

اي وي الله يكون في عونا

 

[السوفي حمة]

اي وي الله يكون في عونا

آمين يا رب العالمين
​

 

[ابتسام 2]

الحمد لله على الستر احسن شيء ان يكون الانسان مواطن عادي وبسيط لانه يربح الهنا ..رب يكملهم ويزديهم من نعيمو وان شاء الله ياربي ما توصلنا لهذا شيء بارك الله فيك اخي حمة ​