مسخرة السنة الدراسية 2010/2009

الحالة
مغلق ولا يسمح بالمزيد من الردود.
تمسخير تاع الصح

بن بوزيد ذاك ولا كل يوم يخرجلنا بشطحة جديدة جاهل على روحو خاطيه ني علم ني فهامة مفهمتش علاه منحاوهش اف لصقة هههه
​
 
الله غالب يشوفو غير عند رجليهم برك

فعلا عند ك الحق

والله مسخرة بام عينها خصوصا هادي تاع الخروج على 5/30

واش من بنت ترجع لدارهم سالمة فهاداك الوقت وحتى بالنسبة للاولاد

مجاتش قضية تاع تغير الوقت ولا تغير لون المآزر وانما تغير واش كاين فالراس وفالقلوب

*ان الله لا يغير ما بقوم حتى يغيرو ما بأنفسم*
 
انا نوافقك في بعض النقاط ونخالفك في بعضها بخصوص قضية المازر هي كان لابد على ا لدولة ان تقوم بهكذا خطوة منذ الازل لان المازر الموحدة هي مسالة نظام ولكن وزارة التربية لم تعرف كيف تسير هذه المسالة كان لابد عليها ان تقوم باحصاء عدد المتمدرسين في الطورين الاول والثاني وبعدها هي التي تقدم عرضا للمشاغل لنجاز مازر على عدد الطلاب لكي لاتحصل فوضى كالتي حصلت
 
حنونة ما عليك غير تصبري هدا ماكان
 
يا اختي اسمحيلي انا نوفقك في بعض النقاط ونخالفك في الاخرى فبخصوص قضية المازر الموحدة فانا من وجهة نظري المتواضعة اقول انه كان على الدولة الجزائرية ان تقوم بهذه الخطوة منذ الازل لانها تعتبر نظام كان لابد منه ولكن كان على الدولة ايضا ان تقوم باحصاء عدد المتمدرسين اولا في كلا الطورين لتقدم طلب للمشاغل بانجاز مازر بمواصفات معينة وبعدد الطلبة المتمدرسين لكي لاتحدث فوضى مثل التي حدثت وشكرا لك على اثارة هذا الموضوع
 
H@teM، تم حظره "حظر دائم". السبب: مخالفة القوانين
رانا نشوفوا بصح ويناه الحل
تجي تهدر تلقى روحك البرا
​
 
السلام عليكم

الشي الاعوج عمرو ما يدوم هذا الوزير راه يسمع في كلام زوجتواالروسية راها تسير فيه ودير فينا واش تحب
كل عام يخرج خرجة والله يسترنا
شكرا
 
السلام عليكم
و الله يا ختي واش تحبي هذي هيا بلادنا و رانا ساكتين نوكلو ربي
 
علابالي بالي صعيبة عليكم شتى نقلكم
تكملوها بالصحة و الستر و ربي ينجح جميع المسلمين و المسلمات
هذه حالة البلاد عندما يطغى العباد
​
 
قال أمين حاجي:
علابالي بالي صعيبة عليكم شتى نقلكم
تكملوها بالصحة و الستر و ربي ينجح جميع المسلمين و المسلمات
هذه حالة البلاد عندما يطغى العباد
​
إضغط للتوسيع...

ان شاء الله ياخويا حسبنا الله ونعم الوكيل
 
نتوما عندكم تاع منن 1.30 حتى 5.30 و حنا عندنا من 1.00 حتى 5.00 نحونا النوص الساعة اللي كانت مقلقة التلاميذ اودوكا رانا نخجوا على 12.00 و ندخلوا على1.00 مايكفيش الوقت كامل باش تولي لدار وتبدلي الادوات تاع المواد صباح و عشية اذا كنت طيارة راه يكون في يدك 15د باش تريح وتبدل ليزافار يعني انا اذا وصلت لدا على 12.15 وجدت الادوات ويحت 5د قيس ما تشرب عفسة و خرجت على 12.30 على قداش راح نوصل و الباب يغلقوه على 12.45د ؟؟ هذيك الربع ساعة اللي بقات تاع التنظيم بسلامة الليسي فيه بزاف التلاميذ ومعظم التلاميذ يطلعوا لطابق الثالث.
و دايما نفس المشكل والله يحيروا كيما تجي تحسبها ما تجيش لازم يشوفوا كيفاه يسgمولنا البوgام وينظمونا شوية الوقت .
 
بخصوص الطابليات
مساكن كانوا يحوسوا يديروا زي الدول العربية و يديرولنا زي موحد جاتهم غالية قالك مالا نبدلوها طابليات برك حتى يفرج ربي
انا مانيش لابستها مانيش لابستها كيفكيف غير كي ندخل من الباب برك ​

وراهم خلاوها علينا قالك تقرى من 8 الى12
و تزيد ترجع على 1.30 وتخرج على 5.30 مايكفيكش الوقت حتى باه تروح وترجع
مي الوزيرمسكين راه نسى بلي ماعندناش شوفار يدينا ويجيبنا كي ولادوا عليها حسب الوقت هكذا هذا بلا مانحكيو على تزوير النتائج تاع الباك
عام ينجحوا كامل وعام يعاودوا كامل:sleep:
ياخي تمسخير ياخي​

عليها كامل كرهوا لقراية ​

وعلاه الجزائر فزدت من قليل :thumbdown::thumbdown::thumbdown:​
 
نتوما على الاقل تخرجو على 12 ترجعو على 13.30 انا نخرج على 12 نرجع على الواحدة و نسكن بعيد غير كيما نلوح لقمة في فمي و نبدل التوقيت يعني جدول الكراريس نزيد نرجع نجري لليسي باش نلحق مع الوقت نموت بالتعب و وجع الراس و زيد 8 سوايع مانيش روربو الخدامة تاع المصنع ما يقبلوهاش هاذي و الله بزاااااااااااااااااف و الطابلية ب ي مانش ما قدرتلهاش نلبسها غير فالليسي و برا نحيها
 
قال angel_fly:
نتوما على الاقل تخرجو على 12 ترجعو على 13.30 انا نخرج على 12 نرجع على الواحدة و نسكن بعيد غير كيما نلوح لقمة في فمي و نبدل التوقيت يعني جدول الكراريس نزيد نرجع نجري لليسي باش نلحق مع الوقت نموت بالتعب و وجع الراس و زيد 8 سوايع مانيش روربو الخدامة تاع المصنع ما يقبلوهاش هاذي و الله بزاااااااااااااااااف و الطابلية ب ي مانش ما قدرتلهاش نلبسها غير فالليسي و برا نحيها
إضغط للتوسيع...

شوفي يا ختي ابداي ادعي على بن بوزيد وانا نعاونك

​
 
انتوما تخرجو 5.30 احنا نخرجو 4:30
 
ادعيوووووووووووووووووووووووووووووووووووو باه يروووووووح بن بوزيد .................ماداموا لاصق لتم مازالكم تشوفو منو اكتر من هك
 
قالكم بن بوزيد اي مليحة باش توليو تشاركو فالمنتديات العلمية

هههههههه


المنتديات العلمية تاع عماه

قريب يطيرلنا الكرسي لي نقراو عليه وهو يتمسخر


والبرنامج مخلط الله لا يشوفكم فيه


ومع دلك يقولو علاش مارهمش يجيبو نتائج مشرفة


المشكل ماراهوش فينا


بن بوزيد عندو خلل تقني حاب يمشي كما البلدان المتطورة..حاسب روحو يفهم


لوكان بداوهامن نهار لول دخلنا نقراو ماشي واحد قرا عشر سنين ومبعد يبدلو المنهاج ..حب يقول


ماكانش يقرا


الله يستر كاش مايخرج حاجة جديدة برك


هادا راسو خشين هههههه


مانفع معاه والو لا اضرابات لاوالو ينحيها من هنا يحطها لهين


نحكمو في ربي برك​
 
ايه والله غير تمسخير تاع الصح

قالك بن بوزيد متعلم ويعرف قيمة القراية تاع وجهو

لصقنا بواحد العقلية خاسرة

انا عام السنة نهببل تاع الصح ادا ما جبتش الباك غير من القوانين تاع المسخرة
​
 
شكرااا لك على طرح الموضع فعلا هادي مسخرة حقيقية كل يوم تخرجي من الدار 7.45 و ترجعي على 12.15 تفطري و تعاودجي ترجعي للليسي و ترجعي نص اللي على 5.30 تتعشاي و ترقدو مكنا وقت لا للقراية و لا لحتى حاجة مع العلم ان الليسي غير احدا الدار فما بالك اللي يسكنو بعيد
كيما وحد البنت تقرا معايا تسكن بعيدة قاتلي دايرينلهم 2 تاع البيس يبدى يجب من 7 تاع الصباااح و اللي ميجيش مع الاوائل عرفي بلي يوصل على 8.30 و لا هكدا يعني الساعة الأولى دائما مضيعينها و العشي يرجعو للدار على 6.30 و هكدا كل يووووم
حتى قاتلي و الله دارنا راني نتوحش نقعد فيها و لا نجمع مع ماما هههههههه
مسخرة رانا فيها ربي يفرج علينا
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top