علاش هكذا يا لبنات ؟؟؟؟؟؟؟؟؟

[flawer-girl]

السلام عليكم يا اخوتي راني جيت نهدر وراني معمرة وباغية تفسير كي ندخل للسكايب نقول نشاتي مع لبنات ندير صحبات (مانيش ناقصة معرفة لكن ماكانش قد صديقات )واستغرب لرفضهن قليل ونادرا لترحب مانيش فاهمة علاه هل قصد اغلبهن تعرف على رجال ام ماذا ؟؟؟؟؟؟؟؟؟
ههههههههه ديما نقلق البنات في سكايب:biggrin: الحمد لله نعرف بنات ماشاء الله مانيش نحوس لكن بغيت نعرف برك علاه ونظن ياسر بنات كيفي حايرين :confused1: بغيت ناقشكم فهموني يا عباد ربي :001_unsure:

 

[نذير1]

السؤال يبقى مطروح

 

[khaledmessaoud]

السلام عليكم
بدلي وهكا يتهنا الفرطاص من حكان الراس ههههههههههههه

 

[flawer-girl]

ههههههههههه والله يا نبدل هههههه شكرا على مروركم خوتي(نذيرو خالد)

 

[لحن السعادة]

والله غير عندك الحق سيرتو الجزائريات ميقيموكش خلاص اذا راك تحوسي على صحبات تهدري وتفرغي قلبك معاهم شوفي الفلسطنيات والله غير هايلات
واذا تحبي الجزائريات يا ختي راني هنا نتشرف بصداقتك

 

[الأستاذ مصطفى]

السؤال يبقى مطروح للبنات وإن شاء الله تلقاي إجابات

 

[flawer-girl]

ربي يحفظك اختي الشرف ليا خيار الناس شكرا على الرد

 

[ندى16]

لاخاطر البنات كي يتلاقاو ما يتفاهموش وحدة تقعد تفريمي على الاخرى

 

[** غزال الصحراء **]

و عليكم السلام
في بالي بلي الناس ضركا ولات تكوناكتي غير على جال صحابها و لا صحاباتها يعني ماشي كي
بكري أدخل و روشارشي و خلاص تلقاه ( ها ) داخل باش يحكي مع واحد سبيسيال و هذا في بلاصة ما يحكو في التيليفون يعني منها سهولة و منها ماشي مكلفة يعني ولاو يتكسلو على معرفة الناس لخرين و عندهم غير قائمة محددة كاش صديق و لا صديقة و لا فامي ..إلخ و كاينة الحالة لخرى كيما قلتي نتي الطفل ما يحبش يرد لذراري خطراش داخل على جال الجنس الاخر و العكس صحيح راكم عارفين أحفض لميم تحفضك و ربي يكون الخير سلام .
​

 

[البسكرية1990]

ولله انا جامي جاتني طفلة تحوس عليا في السكايب وكان تجيني نزغرت وانا نحوس على وحدا نتعرف عليها من الدزاير نهدر معاها في السكايب عندي غير صحباتي تاع لقرايا ولا ولاد خالاتي

 

[boutarfaya_2]

السؤال يبقى مطروح

iiiiiiiiiiiiiiiiiihhhhhhhhhhhhhhhhh

 

[هشام مادي]

اكيد الاجابة على تساؤلك موجودة عند البنات.

 

[boutarfaya_2]

ما راكيش غالطه ختي....كاين العقليه الناقصه و مع الكل مام الشباب.....
​

 

[H@teM]

بدلي تعرفي على الدكورا
قالك معرفة الرجال كنوز
اما عن سؤالك يجاوبوك خواتاتنا لبنات
​

 

[BarBi3]

welah ana nefreh ki nel9a tofla f skype wela msn
nhab nahki m3a lebnet surtout m3a les algèrienne
mè sah 3andek lhak
li tahedri m3aha matrodech
za3ma mahomech lah9in
ana welah 3andi les contacts bezzaf mè ki tdkhol sahebti wela ay tofla 3reftha par net nelta ghir biha w nahder ghir m3aha..
enfin rabi yahdi
​

 

[simouka]

السلام عليكم

هي عندك الحق ....
و الاجابة راهم لي سبقوني وفوا و كفوا

و اذا كاش ما سحقيتي ... راني هنا
يحاسبك ربي راني كيما اختك



​

 

[TamerLover]

.. الســــلام علـــــيكم ..
.. مســاء النــور و الســـرور خيتوو ..

.. أختي الغالية أنا كثير من الناس طلبت مني الصداقة Skyp ..
.. عن طــريق الرســائل الخاصة في المنتديات ..
.. لكني للأسف لا أطيــق هذا البرنـامج ..
.. بصــراحة يوجعني قلبي منــه ما نلقى فيه غير الناس الي تكسر الراس ..
.. مع إحتــرامي للنــاس الثــانية المثقفة و الي تعرف تهـذر ..
.. و كــذلكـ لاحظت إنه معظم الجزائرين الي تلاقايهم في برامج المحادثة ..
.. فارغين شغــل و مــا عندهـم حتى إهتمــام بالمواضيع الثقافية ..
.. الشي الي يحبــوه هو الكــلام الفــارغ ..

.. شكــرا أختي على طرحكـ للموضوع و مشــاركتكـ به لنـا ..
.. دمـــتي في حفـــظ الــرحمــن ..
​

 

[اسمه_ان]

سلام أختي

واش نقولك ختي ماكانش كيما البنات لي تعرفيهم في المنتديات

تاع ا لسكايب أصلا متقدريش تعرفي أسكو طفلة ولا طفل

المهم الا حبيتي تعرفي بنات راني هنا نكون أول وحدة تتعرف

سلااام​

 

[جوانا]

انا مدابية ختي تكون عندي صديقة من الجزائر راح نفرح و نتشرف بزاف بمعرفتها
في السكايب اصلا ماعنديش صديقة من الجزائر ابار بنت عمتي
ولي الشرف اختي العزيزة
جوانا

 

[[ايمآن]]

ههه والله غير صح صراتلي وزعمة الحجة نتاعها قاتلي ما نعرفكش قلتلها ايا سلام...
والله كل واحد كيفاه ممكن مش لاهية ولا مش حابة
على العموم اذا حابة تتعرفي راه كاين هنا بنات ملاح يتعرفو..
​