موضوع كبير على أصحاب العقول الصغيرة.....

[tarek 09]

.............


والله يا السلطان نتاع الدولة العثمانية

انا فالعرب مازال ماشفت فيهم حتى واحد راجل
من بكري وهوما عايشين فالذل

وكامل تلقاهم يتداعاو بالرجلة

غير اللي يهدر يتشقلل ويبغلل
في وقتهم القدس اليوم راهي محتلة
سيدي السلطان تخلط العربي تهبل وآخرتها
ماتبراش من الهبلة
العربي سكنو الخوف من الداخل وصرالو ماصارا للحجلة
والله يالدولة العثمانية
سيدي السلطان مدابيك تعاودنا القسمة
وانا نهار قسمو هاد البلاد ماكنتش معاهم حاضر
قسموها غير بيناتهم فالظلمة
كل واحد جدو وين كان يgابر
أنا جدودي كانو نتاع الشان والحشمة
مازدموش ماخلاونا لا أرض لاقصور ولا بحاير
وكاين اللي كانو جدودو غير نتاع اللمة
لوكان صابو يدو كامل الدزاير
سيدي السلطان
أنا صح شفت الشعب ضاع ورجع كلوشار
واذا بغيت تربح رجع النسا للدار

مارانيش مستحق مرا تحكم فيا

سيدي السلطان
ادا صح راكم تقولو حنا كامل نسالو في البترول

أنا مدابيك حقي تعطيهملي نديهم دراهم
وادا مكاش معليش راك مسامح
اعطيهملي نشربهم لاكول
باغي نخبطها باش هادو العرب ننساهم

واش يجيك من اللي مازالو يتحكمو فيهم نساهم
ياجاري انا وانتا مانسالو والو في هاد البلاد
حنا مع خاوتنا العرب نسالو غير فالقبر
غير موت يا الزوالي في نهارك يجو يدفنوك
سيدي الرايس
غير عاودنا القسمة
حنا كنا صغار نهار قسمو هاد البلادأنا ماكنتش معاهم حاظر
صح وصح قسموها بيناتهم فالظلمة

حاشا الرجالالفحولة وقالو ناس بكري
كي يخلاصو الرجال تخلاص الدنيا




​

 

[killua0555]

ياخااه على العرب استنا حجرة تمشى و تقول محملتش الدل و ياربى يتحركو
و البترول استنا حقك هههه

و لا تستنا القسمة الى محضرنهاش لازم هيروشيما باش يتبدلو وزراء و تتعاود قسمة و هادى و مافيهاش طمعة تصحلك معاهم ههههههه

يعطيك الصحة على الموضوع و الله فور

 

[tarek 09]

ياخااه على العرب استنا حجرة تمشى و تقول محملتش الدل و ياربى يتحركو
و البترول استنا حقك هههه

و لا تستنا القسمة الى محضرنهاش لازم هيروشيما باش يتبدلو وزراء و تتعاود قسمة و هادى و مافيهاش طمعة تصحلك معاهم ههههههه

يعطيك الصحة على الموضوع و الله فور

وحتى الردود نتاعك فور
شكرا
نورتي الموضوع

​

 

[اسمه_ان]

لا حيااااة لمن تنادي ​

 

[** غزال الصحراء **]

السلام عليكم

قالك ( و يعيش السلطان في القصور مسرور ** إسمو الولي زيد صاحب السمو )

(يه سيدي رايس بزاف ناس يليق تتحاسب ** السياسة تاع ضرك راهي غير تتكلاب !)

و الله لا كلامك الصحيح

( دزيري تعب بزاف و حب يريح من تعب ** سيرتو دراهم البترول لازم يتقسمو

على الشعب )

يخي القذافي ماشي خير منا و واش نقولك لعرب راهم و لا رانا ( في سبات عظيم ) من

الفوق للتحت قاع مخدرين بلكاميزول .. مي ما عجبتنيش كي قلت لعرب ما شتش فيهم راجل

من بكري قول الرجالة قضاو سي نو بكري كانو على شانهم الله يبارك من صلاح الدين

للمجاهدين و أنا بكل ثقة نزيدلهم صدام حسين تحياتي .
​

 

[جوانا]

لا حيااااة لمن تنادي ​

راه قالها في بلاستي
جوانا​

 

[الأستاذ مصطفى]

والله غير كلامك صواب وفتح لجراح
كيما قلت والله غير نسالو غير القبر هنا
مي حقنا ماكانش
نورمالمو كامل قرينا على حقوق وواجبات المواطن لكن كما يظهر أن عند العر يوجد غي الواجبات الحقوق بطلناها​

لا يخفى على أحد حال الأمة العربية في هذا الزمان من الذل والهوان الذي لايحتمل أبدا ,أصبحنا لا نملك إلا السمع والطاعة للأمريكان وأنصاره ,فالمناهج تعمل بتوصياتهم وبأفكارهم وممتلكات الشعوب العربية من نفط وغيره تذهب اليهم من دون مقابل بل ويصدرونها إلينا وكأنهم هم الذين صنعوها.....
متى تصحي الشعوب العربية من سباتها لنجدة دينها ووطنيتها وحقوقنا......
في النهاية أدعوا الله أن ينصر المسلمين ويعزهم بعزه.وهو العزيز الكريم​

 

[لحظة أمل]

ياخويا راه لي يتبغ السياسة مخو يخمج ومايفهم فيها والو
درك كلش مربوط ببعضاه والوزارة نتاعنا والحكم كامل باش
ينظاف ويتعاود لازم معجزة خاطر الكل يغطو على بعضاهم
مام ماهمشم متفاهمين يخافو يطيح واحد صغير قيهم
يتجبدو الدواسا الكل ويروحو في الرجلين ومادام هاد العقلية كاينة
ربي يجيبلنا الصبر برك على وش مازالنا نشوفو منهم
شكرا على الموضوع راه فوووووووور
​

 

[nina bonoise]

لا حياة لمن تنادي و surtout العرب

 

[titou_le_roi2009]

الله غالب ...........................نحب بلادي

يا خويا تسكر حديدة ومازال قلبك يوجعك من الدل والخوف نتاع العرب :thumbdown:
:thumbdown: ولي يهدر يسكتوه
مايهدرو ما يخلونا نهدرو :angry:

 

[fatima188]

ما تعيط ما والو واحد ماهو يسمع فيك
لا حياة لمن تنادي
وحقك تاع لبترول كي يعطيوهلك هوما باه يتقلشو ............
ربي يحرgهم بدراهمنا لي راهم ياكلو فيهم

 

[إيـــ م ـــآن]

واااش تحب نقولو

لا حيااااااة لمن تناااااااااادي

لي يحب يخدم راصو ويخمم في حال هاد الأمة مايطولش ويعشي في دريد حسين :crying:​

 

[BarBi3]

واش تحب
خلاصو الرجالة و زيد خلاصت حياة الشان و الهمة
ذلونا و ذلو رواحهم
بصح مع من تهدر
​

 

[Badech]

حكومة طايوان

واش تدير

حكومة تاع وراق

ـالْفـَ اهِمْ يَفـْ ـهَـ مْ
سَامِـ حُونِي عَلَى الِإزْعَ ـاجْ
لَا يُهِمـُ ِني َردَكْ اَوْ َتقـْ ـ ِـييمَكْ المُهِمْ اَنْ تَـ سْتَفِيـ دْ
اللـهم أَعِ ـنِ عَلـ َى ذِكْرِكَ وَ شُـ كْرِـكَ
إِقْرَا جَيـِ ـ دًا مَا بَيـْ نَ السُـ ـطُورْ ​

 

[tatyana]

انا نقولك يا خويا كون واحد يجي يهدر معايا على العرب نقولهم شوفوا فلسطين والعراق ونسكت
خاصة اذا جاني واحد من واحد البلاد علبالي راك فهمتني نقولو فلسطين كليتوها بالفول......................
..وكون نبدا نهدر منكملش والبترول خلي البئر بغطاه برك

 

[اللؤلؤة المصونة]

انا عقلي صغير مافهمت يا والوو غي حبيت ندور على السوجي ويبان مليح هههه


شوف والله كرهنا من لكلام على الحقرة .ايه رانا كل عارفين ولاد الشعب كيفاه عايشين وولاد لي كادر كيفااه متنعمين ..........​

 

[flawer-girl]

واش نقولك دع (رجل مريض)هوما سموها هكذا ماغلطوش يا سيدي وبكري تجي تشوف سبابنا هم الخونةالي منا وفينا خاصة العائلة سوداء (ال سعود والاردن و......ليستا طويلة) ديفو فينا
ربي يصلح امورنا (مازالهم كاين رجال غير ماتعطاتلهمش فرصة و ربي خير) مشكور خويا على موضوع

 

[tarek 09]

شكرا جزيلا لكم اخوتي على مشاركتكم في الموضوع
تحياتي لكم​

 

[البسكرية1990]

لا لا ارجال ما خلصوش بصح الراجل الي قرب باه يدير الصح يقطعولو راسو بلا ما نقول امثلة راكم عارفينهم ومادام كاين النساء تاع الصح لازم يجيبو الرجال تاع الصح ومصير الفساد يتنح اذا مش في الدنيا في الاخرة وربي يمهل ولا يهمل

 

[tarek 09]

لا لا ارجال ما خلصوش بصح الراجل الي قرب باه يدير الصح يقطعولو راسو بلا ما نقول امثلة راكم عارفينهم ومادام كاين النساء تاع الصح لازم يجيبو الرجال تاع الصح ومصير الفساد يتنح اذا مش في الدنيا في الاخرة وربي يمهل ولا يهمل

صح ان الله يمهل ولا يهمل
شكرا لك اختي على المشاركة