*¤!||!¤*يخي حكومة يخي ..وتزيد تجي تهدر و تقولي ؟؟؟بففففف.*¤!||!¤*

الحالة
مغلق ولا يسمح بالمزيد من الردود.

حفيد هواري بومدين

:: عضو بارز ::
أحباب اللمة
إنضم
14 جانفي 2008
المشاركات
5,608
نقاط التفاعل
206
النقاط
323
العمر
36
السلام عليكم خاوتنا
واش راكم شويا؟؟؟
موضوع ليوم شويا حساس
بصفة خاصة للمسؤولين نبداو
---
الله لاتربحهم برك
والله يا جماعة 3سنين وانا نعاود في الباك باش نروح لكلية الطب هادي والحمد الله ربي عطاهالي وماخيبنيش في عامي لخر
روحت زعما كي ناس كل
عمبالكم في كلية نتاع الطب في عنابة وقدامها اقامة نتاع الطلاب نتاع طب خاصة بيهم برك

---

روحت كي الناس عادي بعد ماحسيت بالراحة لانها اقامة باهية واحسن اقامة في عنابة
دخلنا كونا في جماعة نتاع سنة اولى فاجؤونا قالونا اسمكم ماوش هنا او في اقامة اخرى مع انو لقينا ليستا معلقة نتاع ناس جدد تما ورايحين يكسنو في الاقامة هاديك
وتبدا المتاعب لمينا رواحنا وروحنا ل 3 اقامات في عنابة نحوسو نلقاو رواحنا بعتونا ل واحدة تما بعيدة على الكلية بحاولي ساعة
دخلنا كل رايحين نشوفوها
احنا دخلنا وchoc
عظيم لقينا
الكراسة مكسرين البيوت مخربشين
الباس يا يمى واحد المنظر الغرقة في الدروج بلا مانحكي على حوايج اوخرين
وتما نلقا بنات سنة اولى فارماسي يبكيو جاو مساكن من اماكن بعيدة وكانت تستنا في حلمها يتححق تلقا روحها مع 7 في شونبرا والله كريتة صح
المنطقة مانعرفوهاش جينا نشوفو
قالك معظم جرائم القتل تصرى ولي voyou تما
تخيلو بعتونا لاقامة نتاع لاتر
يعني متلا واحد يقرى طب معاه في الشونبرا واحد معاود سنة اولى droit ربعة خطرات
ولينا نسمعو في البكاوات وجماعة تعيط لوالديهم
بنات وحدة متلا تقرى طب معاها 7 في شونبرا وحدة
---
والله تحطمت ماش غير تحطمت انهرت صح اول مرة في حياتي قولت وصلت لتخصص لي حابو تلقا روحك في اقامة تخرج في ليل يقطوعك بالسكينة
تنوض متلا باش تقرى على 8 لازم تنوض توجد روحك على 4 نتاع صباح

بدات كيما يقولو خرشف
والله مأسات شفتها مالها مأسات
مورالي في
0
-----
ليزارتيكل لي كتبوهم في الجورنال على الاقامة نتاع سيدي عاشور حشااكم هادي مانقدرش حتى نحطهم اهنا احنا خاوة ومتخلطين
. . .
بففففففففففففففففففففففففففف
:thumbdown::thumbdown::thumbdown:



 
آخر تعديل:
وتجي يا خويا تقولي طبة نتاع اخر زمان
والله ساعات نجهل نقول صح عندهم حق الطبة كي يجريو ورا الدراهم عندهم حق صح
تعب نتاع 10 سنين والحكومة ماتقيمش التعب هادا وتجي تقيم الطبيب وتقولو اك متعرف دير هكا
ولازمك دير هكا وماتنساش مقص في كرش واحد ولا نسا يحاسبوه يدخلوه للحبس
شوف واش يعاني طبيب

 
وش نقلك ربي يسهللكم ويهدي اللي زعمة راهم قايمين علينا وهذي راها قاع مش غير عندكم
كيما قلت الله لاتربحهم
لي عودة اذا كتب ربي

 
زعما قايمين بيها
زعما
يا بلادي روحي بسلامة
مرسي يختي ونتمناو ترجعي مرة اخرى
للموضوع
:crying:

وش نقلك ربي يسهللكم ويهدي اللي زعمة راهم قايمين علينا وهذي راها قاع مش غير عندكم
كيما قلت الله لاتربحهم
لي عودة اذا كتب ربي

 
و
الله رانا نسوفريو اكل واحد ما هو مر يح .رانا اكل كارهين
هذي هي بلادنا ما عندنا ما نديرو نصبرو وخلاص
 
اممممممم عاشور ماشي اقامة راهي ..........
ربي يكون في العون برك ساعات نروح
للجامعة وين يقراو في النهار وتشوف العجب
خلي يا في الاقامة بعد وزيد ميكست
لي مايتولهش بروحو تروح عليه بنات والا دراري
مافيهاش لامان خلااااااااص
 
mé comém
واحد عمرو كامل وهو يجبد ولي يستنا فيه كتر ملي عقبو
وزيد مايش قراية ليسونس ولا ماستر 5سنين راهي 10سنين
تسكنو في ........ الله يعافينا


و
الله رانا نسوفريو اكل واحد ما هو مر يح .رانا اكل كارهين
هذي هي بلادنا ما عندنا ما نديرو نصبرو وخلاص
 
مافيهاش لمان برك؟؟؟؟
ولي شافتو العين ربي لي يعلم
ماوش نيفو خلاه البلاصة هاديك
ربي يسترنا

اممممممم عاشور ماشي اقامة راهي ..........
ربي يكون في العون برك ساعات نروح
للجامعة وين يقراو في النهار وتشوف العجب
خلي يا في الاقامة بعد وزيد ميكست
لي مايتولهش بروحو تروح عليه بنات والا دراري
مافيهاش لامان خلااااااااص
 
ياعبدو نأكدلك مازالك ماشفتي والو
كون تقرا واش يكتبو كل مرة في الجورنال تكدب
هادا الكل وماهمش متحركين باش يديرو حل
للمشكل هادا علابالي باللي صاري وساكتين الكل
يعني الا قدرتي تبدل يكون خير سينو اعرف شكون تخالط برك
 
نورمال احنا رجال وبلاك قادرين شويا بحكم ليكسبيريونس في الجامعة والبنات لاول مرة يدخلو للجامعة مساكن وزيد بعاد
. .. .

ياعبدو نأكدلك مازالك ماشفتي والو
كون تقرا واش يكتبو كل مرة في الجورنال تكدب
هادا الكل وماهمش متحركين باش يديرو حل
للمشكل هادا علابالي باللي صاري وساكتين الكل
يعني الا قدرتي تبدل يكون خير سينو اعرف شكون تخالط برك
 
تطفر غير في لبنات مساكين اما عليكم انتوما الرجال تقدرو تسلكوا راسكم
 
الله غالب لي حكمين الكورسي هوما لأمرونا هكا
مام احنا دراري كاين لي مايقدروش

تطفر غير في لبنات مساكين اما عليكم انتوما الرجال تقدرو تسلكوا راسكم
 
نورمال احنا رجال وبلاك قادرين شويا بحكم ليكسبيريونس في الجامعة والبنات لاول مرة يدخلو للجامعة مساكن وزيد بعاد
. .. .

غاضوك البنات لي ماتعرفهمش وانت لا؟؟
ياو الرجال لي يتخاف عليهم خاطر يقولك راني قد
حالي ونعرف وين نحط رجلي وهدرات هكا
ومايحسش حتى يلقا روحو ..... الناس مامش الكل
ملاح وفيهم لي يخدع بلاد كاملة ومايتفاقش بيه
سيرتو في الاقامة راه فيها الانواع نتاع الناس الكل

علاه ماتعملش ترونسفار لسيدي عمار جوبونس يقبلولك
اقامة مليحة يعني في البلاصة مافيهاش ليزاgريسيون
وترونسبور فيها ديما يوصل للجامعات والاقامات لوخرين الكل
 
خويا والله ماتغيضك روحك والله الإقامات الجامعية كامل كيف كيف انا قريت في ورقلة زعما لاسيتي جديد وتاع بنات وحدهم والعام لول تاعي دوبليت تعرف شحال سكنا 13 طالبة في شوبرة وحدة على بالك اللي قعدتو في الدار اكثر من اللي قريتو والله غير تشوكيت قريب نحبس لقرلية وحد المرة قعدت شهرين مارحتش , الواحد يتعب باه يدي الباك يقول سايي هنا تفرجت ماعمبالوش واش راه يسنا فيه, انا في رايي الجامعة اكبر كذبة في الجزائر.
ربي يعينكم يا جماعة الجامعة وجماعة الباك.
 
خويا ماتشكي ماتبكي
مارايحاش تتسقم الحالة.. راهي تتخلط و تزيد.. و تاوعنا مادارو والو يعني راهم عاجبهم الحال
غير اقفز على روحك و شوف معريفة..راح تقرا 10 سنين ماشي عام و لا زوج

ماعندك ماتدير الخاوة كامل تنافيقي.. زيد انت تانيك نافيقي على روحك
 
mé comém
واحد عمرو كامل وهو يجبد ولي يستنا فيه كتر ملي عقبو
وزيد مايش قراية ليسونس ولا ماستر 5سنين راهي 10سنين
تسكنو في ........ الله يعافينا


اصبر وخلاص بلاك منا على عام تطور الحالة ويديرولكم اقامة مليحة
وكاشما يفيقو المسؤولين تاعنا ويحسو بينا
ولاشوف انت وصاحبك وكريو
 
اقفز على روحك برك
بصح هذي الحالة تجي في البنات مساكن
لا حول و لا قوة مساكن

انا بنت خالتي كانت تقرا حقوق بصح كانت تقرا عندكم في قالمة
جابتلي ليفوطوا ما شاء الله الاقامة عندكم مريحة خلاه

 
زعما قايمين بيها
زعما
يا بلادي روحي بسلامة
مرسي يختي ونتمناو ترجعي مرة اخرى
للموضوع
:crying:



ايه كنت حابة نقلك ما كاين والو باه نديروه ياك هما يقررو وحنل نطبقو ونسكتو
على بالي طب 7 سنين وزيد التخصص غير قول حياتك ثم بصح اصبر وكمل في خاطر ارادتك وعلى وجه والديك هاك باه تفرحهم وراه وقت ويفوت وش نقولو الله يهديهم هما ولادهم يبعثوهم لفرنسا وكندا يقراو وحنا يجو يتمسخرو بالناس وزيد ثاني يشرطو نحمدو ربي اللي ما قالوناش حنا الجامعيين الطابلية غوز وزرقةوربي يوفقك خويا عبدو...
 
تباريك الله انا 4مرات وانا نعاود فالباك باه نجيب معدل مليح باه ندير طب ومكان حتى فائدة تقولشي 12 لصقت فيا بالباتاكسس
 
ربي يكون في العون خويا بصح ما تتقلقش ها دي هي حا لة الجا معة في بلادنا وين تروح كيفكيف رانا قاع عا يشين نفس الميزيرية او ما زال تشوف الخير لقدام انا والله ماحملت للا سيتي علا جا لها بدلت للابرونش الموهيم نقرا والجا ميعة قدام الدار او هكداك الما شا كيل دايما كاينين ونقوللك الف الف الف مبروك الباك ودخواك كلية الطب راااك راجل او تقدر اعلى شقاك
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top