أنا إرهابي سامحوني

الحالة
مغلق ولا يسمح بالمزيد من الردود.

PISOS

:: عضو منتسِب ::
إنضم
12 سبتمبر 2009
المشاركات
71
نقاط التفاعل
0
النقاط
2
أنا عندي شكوى ما صبتش لمن نحكيها... وننتهز الفرصة نتعرف على إخواني وأخواتي
عندي ابني نجح الباك العام الماضي بمعدل جيد جدا شعبة رياضيات
حاب يروح يدخل الجيش ... دار ملف في تافراوي للطيران بوهران وتم استقباله...
وبعد أيام تم استداءه ... وعمل تدراب لأكثر من شهر وبعدها تم طرده والسبب ..... ملف أمني (لونكات) قالو أنت من عائلة إرهاب .
القصة من 1990 حيث كنت فيس كنت مدير شركة عمومية حتى واحد ما سألني اليوم واش هو ذنب ابني الوحيد فقط حاب يحقق حلمه ويخدم بلادو... وهو زايد صغير
علاش اولاد الارهابيين اللي كانو حاملين سلاح سامحوهم يدخلو الامن
 
واش نقلك أخي حكايتك هذي مثل حكايات بالزاف صرات وكاين إنسان نعرفوا خاوته شاركو في الهجوم على قمار وهو لليوم معلق عمره 39 سنة حتى وضعيته تجاه الخدمة الوطنية مازالت معلقة ولما يشارك في أي مسابقة ترفض أوراقه لماذا ؟ الله أعلم ؟
خاوته عوضولهم حتى وهوما ميتين رغم أنهم شاركوا في الارهاب
لكنه هو خلوه معلق ......
هذه عقلية المسؤولين نتاعنا
 
الفيس عمرو ماكان ارهاب.....هو حزب سياسي كيما الباقيين حتى لو تم حله لكن هناك من من كانو فيه يعملون لاغراض اخرى هذي اولا....وثانيا نحسب دارو الوئام المدني ولاو الارهاب كيما قاع الشعب ولا هاذي هدرة تاع تبلعيط برك؟
 
شكرا لكم يا خوتي
راهي الدنيا ضاقت بيا
لو كان نقدر نوصل رسالة للرئيس أنتاعنا نقولو
كيفاش ندخل للوئام والمصلحة مثلي مثل غيري حتى تسمحو لي
وهل هذ الأمر من عندك ولا من عند المخابرات انتاع الجيش.
 
واش راح دير ياخويا ارضى وخلاص

و شوف حاجة خير من الجيش و ربي يوفقك و يوفق وليدك

دمت في حفظ الرحمان
 
رد

اخي كان الله في عونك دير فينا مزية متزيدش تقول اكنت فيس لان هده الحروف ف ي س دمرت البلاد 100.000 قتيل الا ان ابنك ليس له دنب و انما هو رايح لمؤسسة حساسة شوية و لكن تفرى بربي اشاء الله
 
الله اعلم راهم حابين يخرجو ارهاب جيل التاني
 
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
 
هدي هي جزائر وش دير ..........ربي مع وليدك
والله يوفقو
 
اخي كان الله في عونك دير فينا مزية متزيدش تقول اكنت فيس لان هده الحروف ف ي س دمرت البلاد 100.000 قتيل الا ان ابنك ليس له دنب و انما هو رايح لمؤسسة حساسة شوية و لكن تفرى بربي اشاء الله

أختي صححي معلوماتك أن الفيس ماهوش سبب 100 الف قتيل
الفيس كان حزب سياسي معترف به ودخل الانتخابات وفاز بالأغلبية .
لكن الانتخابات ألغيت من طرف النظام العسكري وتخلطت الأمر بعدها والفيس واحد من اللي تضررو بزاف.
المهم أنت رأيك اللي كان في الفيس ماشي حق ابنو يدخل مؤسسة حساسة
وعلاش اللي كانو في الجبل وقتلو العشرات رتهم الآن في مؤسسات حساسة.
شكرا على ردك.
 
الفيس ما هواش ارهاب الله يهدي ما خلق. عليها خلات
 
السلام عليكم
المشكل هدا ماصراش لابنك فقط وهدا سبب غير مقنع
كون جات كاينة معرفة وتشوف
راهم حركة اكرمكم الله حاكمين الجيش ومراكز عالية في هده الدولة
واش تدير ان شاء الله ربي يكون شاف فيها خير وربي يوفق الابن تاعك
 
أنصحه بالتسجيل في المدرسة الوطنية المتتعدة التقنيات
 
????????
بدون تعليق و الباقي ليك
سمحلي هادو هيا ...............
 
أنا عندي شكوى ما صبتش لمن نحكيها... وننتهز الفرصة نتعرف على إخواني وأخواتي
عندي ابني نجح الباك العام الماضي بمعدل جيد جدا شعبة رياضيات
حاب يروح يدخل الجيش ... دار ملف في تافراوي للطيران بوهران وتم استقباله...
وبعد أيام تم استداءه ... وعمل تدراب لأكثر من شهر وبعدها تم طرده والسبب ..... ملف أمني (لونكات) قالو أنت من عائلة إرهاب .
القصة من 1990 حيث كنت فيس كنت مدير شركة عمومية حتى واحد ما سألني اليوم واش هو ذنب ابني الوحيد فقط حاب يحقق حلمه ويخدم بلادو... وهو زايد صغير
علاش اولاد الارهابيين اللي كانو حاملين سلاح سامحوهم يدخلو الامن
cccccccccccccccc
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top