اول مرة انقل موضوع .... آسف ؟؟

[السوفي]

السلام عليكم
الموضوع كما كتب منقول لم ازد فية ولم انقص

صدق أو لا تصدق
في مقابلة تاريخية جمعت ''اسرائيل '' مع جزائر العزة والكرامة والعلم والتقدم ........الخ من الخرطي
حيث كانت النتيجة 7 لصالح اسرائيل مقابل 0 للجزائر مع العلم أن التحكيم كان دوليا ومتميز .
صحيح أن المقابلة لم تجر في ملعب رياضي ولم يستخدم فيها الجلد المنفوخ الذي ينط هنا وهناك - الكرة -
ولكن وللآسف الميدان كان في الجامعات حيث تصدرت اسرائيل الترتيب بسبع جامعات في ما لم تسجل الجزائر الترتيب ولو بجامعة واحدة من جامعاتها الكثيرة والكبيرة وهذا حسب تصنيف جامعة شنغهاي العالمية .
....للأسف بالعلم تقدمت اسرائيل
أما الطلبة الجامعيين عندنا فهم مشغولون بمناصرة الخضر
وهم مشغولون بالشطيح والرديح والقالات
وهم مشغولون باللهث وراء التنظيمات الطلابية نتاع الخرطي
وهم مشغولون بنسج علاقات الحب والغرام مع الفتيات
وهم ...........
لأنهم يفكرون بعقلية / راقده وتمنجي

السلام عليكم ​

 

[عتاب]

انا احترم كثيرااا طريقة التفكير في هكذا جدية للاسرائلييين فهم في ناحية العلم والجد والسياسة اسياد ....بلا منازع ....
فل نكن واقعيين .....
هزمنا اليهود بتفانيهم وحبهم لوطنهم وجدية العمل عندهم صحيح ان لهم اساليب قذرة لكن من الناحية التكنولوجية والعلمية لا نضاهيهم ابدااا.....
ان كنت تبحث عن بروفيسور من الطراز الرفيع فلا تجد الا يهودى واذا كنت تبحث عن شركة عالمية تختص باخر صيحات الاختراعات فلا تجده الا اسرائيلى ....
اما العربي المسكين فلا يزال يفكر هل التخلف فطرة ام مكتسب...

 

[Ninja_09]

المشكل لا يتحمله الطلبة بقدر ما تتحمه حكومتهم
عندما يعنى بالطالب ويعنى بالامكانيات المتاحة لهم وسهولة معاملة ابحاثهم وأفكارهم ويوفر لهم ما مناخ طالب العلم يجعله يكتفي بالدراسة لا ان يذهب بعضهم ايام الويكاند للعمل زوفري في حين مبالغ طائلة تصرف على الغناء واللهو بدل جلب مفكرين ومبدعين ومحاضرين

دولتهم ارادتهم شعبا لاهي بدليل تشجيعهم للحفلات الجامعية المختلطة والفاضحة ولا تلم طالبا وجد متعته هناك بقد ما تلم المسؤؤول عنها.
شكرا اخي وجهة نظري فقط​

 

[السوفي حمة]

أخي السوفي هل عندنا جامعات أصلا ؟؟؟
​

 

[عتاب]

المشكل لا يتحمله الطلبة بقدر ما تتحمه حكومتهم

عندما يعنى بالطالب ويعنى بالامكانيات المتاحة لهم وسهولة معاملة ابحاثهم وأفكارهم ويوفر لهم ما مناخ طالب العلم يجعله يكتفي بالدراسة لا ان يذهب بعضهم ايام الويكاند للعمل زوفري في حين مبالغ طائلة تصرف على الغناء واللهو بدل جلب مفكرين ومبدعين ومحاضرين​

دولتهم ارادتهم شعبا لاهي بدليل تشجيعهم للحفلات الجامعية المختلطة والفاضحة ولا تلم طالبا وجد متعته هناك بقد ما تلم المسؤؤول عنها.

شكرا اخي وجهة نظري فقط​

اضننا مررنا بالدراسة الجامعية ونعرف خباياها اكثر من الغير ..........
لا ننسى ان التعليم مجانى بل هناك منح ....؟؟؟؟؟؟لا نضع الدولة دائما في قفص الاتهام .....

 

[عتاب]

أخي السوفي هل عندنا جامعات أصلا ؟؟؟​

سؤال يحتاج ان يكون رسالة دكتوراه.....

 

[إيـــ م ـــآن]

المسؤووولية يتقاسمها الجميع

ابتداءا من الأولياء الدين يربون اولادهم دون أن يزرعو فيهم المسؤولية و يساعدوهم على تحديد اهداف عليا لوطنهم والعمل عليها

مرورا بالطلبة الدين همهم التسكع ويجيبو عامهم بطلوع الروح ولا يهمهم لا تقدم علمي ولا شيء المهم يكملو قرايتهم امباعد يشدو الحيط او يشدو بيرو يرقدو فيه

انتهائا بالطامة الكبرى الي هما المسؤولين الي باعو كلش البلاد والعباد ومايهمهم لا تقدم علمي ولا وجود اسرائيل وتهديدها لكل المسلمين


يعني حالة يرثى لها في جميع المجالات ولله الحمد ​

 

[لحن السعادة]

حنا الله يبارك علينا في الجامعة ياربي نلتاو بماشكل واش يوكلونا والترونسبور ومبعد نتفرغو للزرد مناش فارغين شغل للحوايج الكبيرة كيما هذي
حبيت نقلكم برك كشما عندنا جامعة ولا قراية راك تشوف نورمالمو راهي بدات السنة الجامعية بصح حنا نروحو في نوفمبر حنا ديجا رحنا روتار بصح كي تدخل للجامعة تلقى بلي راك جيت بكري انت مزال ما بديتش تقرى تلقى روحك خلصت العام وانت جايبها غير تحواس
واش من نيفو تحب يكون عندنا باش نافسو ولا باش نثبتو مكانة الجامعة الجزائرية
يعطيك الصحة على الموضوع

 

[Ninja_09]

اضننا مررنا بالدراسة الجامعية ونعرف خباياها اكثر من الغير ..........
لا ننسى ان التعليم مجانى بل هناك منح ....؟؟؟؟؟؟لا نضع الدولة دائما في قفص الاتهام .....

مشكيتش تكوني ملمة بمرحلة الجامعة كامل
والتعليم اذا كان مجاني بس راكي شفتي موضوع السيد اللي طرح الموضوع وين مراتب تحتلها الجامعة الجزائرية--سواء في التعليم او في الحقرة والتهميش لطالب--
الدولة ليس فقط في قفص الاتهام بل متهمة وعليها ان تحسن احوال الجامعة تنظيما و برامجا واهتماما بالطالب يليق به.. ولا اتكلم على منحة 900 دج للشهر التي لا تساوي كتابا جيدا فما بالك بطالب يسافر من ولاية لولاية ومتطلبات دراسة جيدة تحتاج اكثر من ذلك.
شكراااا تفسير احرره وادرسه من جميع جوانبه
- البارحة طالب انتحر بسبب علامة اقصائية في الصيدلة بعنابة
- في مستغانم استاذ قتل على يد طالبه بسبب نقطة وربي يرحمو
​

 

[البسكرية1990]

hmy: :confused1: علاه شكون قال بلي عندنا جامعات ربي خلينا في همنا :crying:
لوكان نهدر بلاك المنتدى يخرجني :glare:هذا الشي كل شفت غير عام واحد منعرف وكان لوكان نكمل شحال يعود عندي دمار

 

[boutarfaya_2]

الجامعيين تاع الدزاير يعرفو قا يتزاحمو في لاشين نتاع الماكله.....

ولا الاضرابات تاع الخرطي....
​

 

[chemssou007]

بسمـ الله الرحمن الرحيمـ

قرأت قبـل مدة مقالا في اخدى الجرائد عنوانه " الجامعة الجزائرية...الكم و الكيف"، و كانت تدور فكرة الكاتب حول أن الجزائر تملك قرابة المليون طالب، و هو رقم لم تصله كبرى الدول، و تملك عدد معتبرا من الجامعات في حين أن ماليزيا مثلا تملك جامعات تعد على الأصابع و لكن انتــاجهاالعلمي وفير.

ان المشكل ليس في ضخامة المشاريع أو في الكميات و لا يوجد مشكل في الجسد و انما الروح عليلة...و المشكل يتقاسمه بامتياز كل من الطلبة و السلطة و لا ننسى تلك المنظمات التي لم و لن أنظم اليها تلك المنظمات التي يقتصر مطالبها في "الريسطو"و شعارها "زيدونا لا بورس" في حين أنه في الدول المتقدمة، فان الطلبة استطاعوا تغيير أنظمة حكم بأكملها.

أما طلبتنا نحن - مع احترامي للقلة التي تطلب العلم بجد - فهم يحملون الدروس من النت لا لزيادة العلم كما يفعل الأوروبيون و انما لكي لا يذهبوا الى الجامعة ليدرسوا.

مساوئ طلبتنا معروفة و كلنا على علم بها

ما أطلبه و أكتبه عد كل مشاركة ليس بالمزحة و انما هو شعار التغيير

فمن فضلكم هيا لنغـــير

لأنه التغيير الذي نحتاجــه

~~~Change We Need~~~​

 

[chemssou007]

و ان مستوى الجامعة الجزائرية لا يشترى و لا يطلب انما بحب الطلبة للعلم و البحث سيصعد مستوانا لننافس به الجامعات الأخرى.

اذا نحن الذين يجب أن نرفع راية الجامعة الجزائر و نساهم في تطويرها و ليست المراسيم الوزارية

و لكن لماذا أتكلم... اخواني الطلبة - مع احترامي للبعض - لهم تخصصاتهم...تخصص تحواس و تبياش، تخصص صداقات و أحلام وردية، تخصص قسم الملابس و الأكسيسوارات، في مكان تخصص التنمية البشرية، نحن أنشأنا تخصص التعبئة البشرية، و بدون أن ننسى تخصص علوم التبزنيس.

عندما يصلح الطالب تصلح الجامعة لا حل آخر....لذا نعم أنا طالب جامعي و أود تغيير حال جامعتي و لكن ليس باليد الواحدة تغير، فاليد الواحدة تطعن و اليدين الاثنتان تصفقان و لكن كم من يد احتاج لأغير.
ان هدفي التغيير لا محالة و لكنني أحتاج الرفاق

~~~Change We Need~~~​

 

[عتاب]

مشكيتش تكوني ملمة بمرحلة الجامعة كامل

والتعليم اذا كان مجاني بس راكي شفتي موضوع السيد اللي طرح الموضوع وين مراتب تحتلها الجامعة الجزائرية--سواء في التعليم او في الحقرة والتهميش لطالب--
الدولة ليس فقط في قفص الاتهام بل متهمة وعليها ان تحسن احوال الجامعة تنظيما و برامجا واهتماما بالطالب يليق به.. ولا اتكلم على منحة 900 دج للشهر التي لا تساوي كتابا جيدا فما بالك بطالب يسافر من ولاية لولاية ومتطلبات دراسة جيدة تحتاج اكثر من ذلك.
شكراااا تفسير احرره وادرسه من جميع جوانبه
- البارحة طالب انتحر بسبب علامة اقصائية في الصيدلة بعنابة
- في مستغانم استاذ قتل على يد طالبه بسبب نقطة وربي يرحمو ​

شكراا على لباقة الرد ....
يبقى ان اقول اننى انهيت الدراسة الجامعية منذ فترة يوم كانت الجامعة لها كيان ودور ويوم كانت الباكالوريا تعنى التفوق العلمى والاخلاقى ....
فلا الوم الدولة واتهمها بل الكل معنى بالامر ....
ان بدانا الحديث عن مساوئ الجامعة فلا ابتعد انها اصبحت وكر للرذيلة ومنبت للفساد الاخلاقى بل رمز التخاذل والتكاسل واشياء اذكرها في سياق النقاش .............لا اعمم طبعا ....
لا اضن الدولة من غرست هاته الاشياء لا اضن الدولة من دفعت بالجامعية للكثير ؟؟؟؟.............هل هو الدينار الجزائري رخس من قيمة الاخلاق والعلم .....؟؟؟؟؟؟؟؟؟؟؟؟؟؟؟؟؟؟

 

[عتاب]

لا نجعل السلطة شماعة نعلق عليها انتكاسات الشباب حتى هو مسؤوووووووول ......
في الغرب الجامعى يدفع مقابل كلمة يتلقاها وياخذها على محمل الجد وعندنا العصى فوق راسه وهو يتباهى بسوء اخلاقه............

 

[السوفي]

السلام عليكم ورحمة الله وبركاته

والله الاخت عتاب تصف الجامعة الجزائرية وصف دقيق لقد انحطت الجامعة في كل الميادين وسوف اسرد عليك اشياء يشيب لها شعر الراس من هو ما ساقول

تشير احصائيات لا اذكر مصدرها قرائتها في احد الجرائد وما جعلنا ات\كرها هو هذا الرقم 20 بالمئة من فتيات وشبان الجامعات الجزائرية يتعاطون الدخان والكحوليات والمخدرات والرذيله وان حالات العنف مرتفعه حتى انه وصف الطالب الجامعي ارهابي في زي مدني حالات ضرب المعيدين وتهديدهم وحتى محاولت القتل من اجل نقاط فتيات حوامل من غير علم اهلهم انتشار الزواج العرفي او مايعرف زواج رد الفتن لاحول ولا قوة الا بالله الاجهاض هن اكبر المتسببين فيه قضايا في المحاكم من كل الالوان
والام من ذلك ان متخرجين جامعيين عاجزين عن كتابة نص اداري او حتى طلب بصيغة مضبوطه واعلم انه كثير منهم متصكعون صدقوني شاب من مسيله متخرج حديثا التحق باحد مكاتب المحاسبة المعتمد في حاسي مسعود لا يتقن الفرنسية وهي اللغة الرسمية للمحاسبة والكل يعلم وان كان العربية هي الرسمية المعلنه وقد التحق بمدارس تعليم اللغة المكثفة وتم تصنيفة في المرحلة التمهيدية يعني الطول الاولم يصل له وهو خريج جامعة مسيله على ما اذكر وتنادي بمستوى الجامعه
ان شعار طلابنا هذه الايام نقل تنتقل ولكتاف و المصالح غاية ووسيله مشروعه يبرر هذا غاية النجاح
اليلام عليكم ​

 

[karim073]

السلام عليكم

الموضوع كما كتب منقول لم ازد فية ولم انقص ​

صدق أو لا تصدق
في مقابلة تاريخية جمعت ''اسرائيل '' مع جزائر العزة والكرامة والعلم والتقدم ........الخ من الخرطي
حيث كانت النتيجة 7 لصالح اسرائيل مقابل 0 للجزائر مع العلم أن التحكيم كان دوليا ومتميز .
صحيح أن المقابلة لم تجر في ملعب رياضي ولم يستخدم فيها الجلد المنفوخ الذي ينط هنا وهناك - الكرة -
ولكن وللآسف الميدان كان في الجامعات حيث تصدرت اسرائيل الترتيب بسبع جامعات في ما لم تسجل الجزائر الترتيب ولو بجامعة واحدة من جامعاتها الكثيرة والكبيرة وهذا حسب تصنيف جامعة شنغهاي العالمية .
....للأسف بالعلم تقدمت اسرائيل
أما الطلبة الجامعيين عندنا فهم مشغولون بمناصرة الخضر
وهم مشغولون بالشطيح والرديح والقالات
وهم مشغولون باللهث وراء التنظيمات الطلابية نتاع الخرطي
وهم مشغولون بنسج علاقات الحب والغرام مع الفتيات
وهم ...........
لأنهم يفكرون بعقلية / راقده وتمنجي ​

السلام عليكم ​

و كيفاش راهي مترأسة العالم و كيفاش راهي تذل في لعرب كل يوووم

من حقها مولات علم و في الوقت الي حنا " وان تو ثري فيفا لالجيري " هوما يصنعوا

ويبحثوا و كل اليوم بحوث وكل يوم دراسات دقيقة و عالية ومتفانية

و احنا الطلبة راهم في ليزيستوار دامور و في النصبات

 

[aMiNa-K]

...................​

 

[aMiNa-K]

السلام عليكم

هادوك الهيه يقراو مكانش تمسخير.. عندهم وقت القراية قراية.. و وقت اللعب لعب

عمباتلكم تاوعنا.. مع الصباح غير يدخلو لافاك يديرو فيها كاس تاع قهوة.. الكور اللول جامي يدخلولو.. الكور دوزيام في الشك..و ديفوا يجو حواسين برك.. يقعدو النهار كامل في الباركينغ يا يلعبو كارطة يا chaque couple في كوانة

و كي يبقاوdeux semaines على les examens حسهم مايبانش يديرو فوطوكوبي على السوماستر كامل و يغيبو

و نهارات les examens يقعدو قدام بعضاهم و الورق يطايرو في السما
و لي بروف يديرو رواحتيهم ماشافو والو

و مع اللخر جماعة الباركينغ هي اللي تجيب العام
هات برك يخرج العام مايخمموش على من بعد.. كيفاش نحبو جماعة كما هادي ترفد البلاد و تنافس اسرائيل :thumbdown:

* و العلاقات الغرامية.. كي البنات كي الشباب كامل علابالهم بلي الطرف الثاني راهو يعقب في الوقت برك.. و هاكداك طامعين
و لحق العنف حتى درجة القتل.. العام اللي فات طالب من الغرب (مستغانم ادا مانسيتش) طالب اعلام الي قتل استاد علاجال نقطة باش يجيب العام
و وقيل في 2005 او 2006 في جامعة هواري بومدين.. طالب في السنة الاخيرة تخصص ممتاز في جامعة هواري بومدين يقتل حبيبتو.. دخل عليها بموس ماعودلهاش
لحقت للقتل واش نزيدو؟؟؟

* و خلي المعريفة و الوجوه
سورتو من الاساتدة.. هادي طالبة شابة و دايما تضحلكو يعطيلها نقطة مليحة.. و باقي لاسيكسيو علامات بين 2 و 5

*اسمحلي خويا السوفي راني طولت في الرد.. بصح قلبي معمر من العوج تاع الطلبة و الجامعات تاوعنا


​

 

[السوفي]

السلام عليكم

هادوك الهيه يقراو مكانش تمسخير.. عندهم وقت القراية قراية.. و وقت اللعب لعب

عمباتلكم تاوعنا.. مع الصباح غير يدخلو لافاك يديرو فيها كاس تاع قهوة.. الكور اللول جامي يدخلولو.. الكور دوزيام في الشك..و ديفوا يجو حواسين برك.. يقعدو النهار كامل في الباركينغ يا يلعبو كارطة يا chaque couple في كوانة

و كي يبقاوdeux semaines على les examens حسهم مايبانش يديرو فوطوكوبي على السوماستر كامل و يغيبو

و نهارات les examens يقعدو قدام بعضاهم و الورق يطايرو في السما
و لي بروف يديرو رواحتيهم ماشافو والو

و مع اللخر جماعة الباركينغ هي اللي تجيب العام
هات برك يخرج العام مايخمموش على من بعد.. كيفاش نحبو جماعة كما هادي ترفد البلاد و تنافس اسرائيل :thumbdown:

* و العلاقات الغرامية.. كي البنات كي الشباب كامل علابالهم بلي الطرف الثاني راهو يعقب في الوقت برك.. و هاكداك طامعين
و لحق العنف حتى درجة القتل.. العام اللي فات طالب من الغرب (مستغانم ادا مانسيتش) طالب اعلام الي قتل استاد علاجال نقطة باش يجيب العام
و وقيل في 2005 او 2006 في جامعة هواري بومدين.. طالب في السنة الاخيرة تخصص ممتاز في جامعة هواري بومدين يقتل حبيبتو.. دخل عليها بموس ماعودلهاش
لحقت للقتل واش نزيدو؟؟؟

* و خلي المعريفة و الوجوه
سورتو من الاساتدة.. هادي طالبة شابة و دايما تضحلكو يعطيلها نقطة مليحة.. و باقي لاسيكسيو علامات بين 2 و 5

*اسمحلي خويا السوفي راني طولت في الرد.. بصح قلبي معمر من العوج تاع الطلبة و الجامعات تاوعنا


​

السلام عليكم
اهلا وسهلا والف مرحبا
اختى لا عليك انا عندي قناعة بشرط اخبركم بها من دون زعل لاني قلتها يوما فنفجر في وجهي الكثرين حتى اني اضطررت الى تغيير اسم الدخول لا علينا هذا منتدى العاقلين انشاء الله يفهموا وجهة نضري فقط
ابنات اليوم اقسم بالله عندهم الزهر اينما يذهبوا مجرد ضحكه تفتح لهم الابواب كانت موصدة بها الصدى آلاف السنين وهن اينما ذهبوا مقدرينهم في الحافلات في المدارس الاولاد يضربون حتى يصل الامر الى اقصى وطرد والبنت تغيب وتود تدرس عادي من غير متاعب الاستاذ يعاملهم بلطف حتى اني ايقنت انهم حق جنس لطيف والله عندها الزهر يكسر الحجر في كل مكان
السلام عليكم تقبلي مروري حتى في منتدانا موضوعها وردودها تلقى الاستحسان والرد بلطف لا تعنيت ولا حتى شيء كلمات لطيف واذكر ان كانت هناك مشرفه تحذف المواضيع والردود ولكن الجميع متقبل دون اي تضمر ولم اجد احدهم يرد عليها سوى من بني جنسها احسبه غيرة لا اكثر
اسف طولت والان سوى ارى ما سيحدث لي الله يستر لتكون منكم هيكر فاكون هدفها الاول .......؟؟؟
الله معنا يحمينا ويرشدنا وبه نعتصم وعلية نتكل فحسبنا الله ونعم الوكيل ​