هذي الصورة ولكم التعليق

[اماني62]

بسم الله الرحمن الرحيم

احباب اللمة مرحبا بيكم
اليوم حبيت نخرجكم من الروتين وفكرت نكتب موضوع للنقاش بصح هدي الخطرة نقدملكم طريقة جديدة وهي اني نوضعلكم صورة ونتوما تعلقوا على الضاهرة لي في الصورة ولكم الحرية التامة ومن بعد رايحة نختار احسن تعليق وبيناتنا ريحين نكرموا المعلق المتفوق وليعطينا رايوا بكل صراحة
اختاروا اللهجة لي تناسبكم مع احترام تعليقات الغير

نخليكم مع الصورة وموضوع الصورة اليوم يكون

ضاهرة التسول فالشوارع

اولا: واش رايكم في هذي الضاهرة؟

ثانيا: وعلاش المتسولين كثروا في

ثالثا: وبكل صراحة شحال من مرة حاولت تقنع نفسك ان التسول رجعت حرفة مشي حاجة ؟

ولكم الحرية في التعليق...
​

 

[asmaa_h]

رجعت خدمة الفقير الحقيقي ما عمرو ما يمد يدو

 

[rourou 2]

انا وش نقلك ختي امينة كون محيتي وجهو على ااقل سترتيه هدي راكي فضحتيه عيب عليك

 

[أمينة الطمينة]

الله يهديهم راهم قلبوها خدمة درك في اي مكان تلقى متسول الله غالب ولا المتسول عندو فيلا وتاكسي خير من لي يصدق هداك​

 

[wahid47]

واش رايكم في هذي الضاهرة؟
من كثرتهم اصبحت شيء عادي
وعلاش المتسولين كثروا في الجزائر؟
لخاطر الدزاير فقيرة جدا ماعندهاش مسكينة
وبكل صراحة شحال من مرة حاولت تقنع نفسك ان التسول رجعت حرفة مشي حاجة ؟
كي نقرى في الجريدة متسول او فقير عنده اربع شقق وسيارتين مش عارف كيفاش دخلهم للدزاير

 

[BarBi3]

اولا: واش رايكم في هذي الضاهرة؟

في الرايي الزوالي عمرو ما يمد يدو

ثانيا: وعلاش المتسولين كثروا

لقاوها خير من الخدمة
و تلقليهم يتشرطو على الخدمة

ثالثا: وبكل صراحة شحال من مرة حاولت تقنع نفسك ان التسول رجعت حرفة مشي حاجة ؟

كي نلقا واحد مازالو بصحتو قاعد يتسول
كيما هاذا اللي راهو في الصورة
زعما هاذا مايقدرش يخدم على روحو

​

 

[اماني62]

شكرا لكم على التعليق بصح وين راهم الاخرين ولا معجبهمش الموضوع؟

 

[rourou 2]

انا نقلك امحي وجهو هدي مش خدمة ياخي ياخي
نورمالمو تستريه وش تقولي واحد صورك و كتب تحتها هذي الصورة و لكم التعليق اوفففففففففففففف

 

[لحن السعادة]

اولا: واش رايكم في هذي الظاهرة؟
تبكي وكي نشوفها نقول
يا حصرى عليك يا دنيا فيك حكاية وحكايات
فلان وكلتيلو عسل وفاكهة
وفلان شمختيلو لفتات




ثانيا: وعلاش المتسولين كثروا
كانو بكري المتسويلين تاعنا برك ظرك عادو يجيونا تع تونس
ثالثا: وبكل صراحة شحال من مرة حاولت تقنع نفسك ان التسول رجعت حرفة مشي حاجة ؟
ألاف المرات وخاصة نهار
تشوف طلابة تطلب ومبعد تضرب الدورة تلقاها قدامك في الكوسمتيك تشري في المكياج

 

[العاطفي]

حقيقة هذا مظهر مؤسف ويستحق الشفقة
ولكن بعقلانية ليست لهذا الرجل أي حجة في التسول
ولنا مواقف كثيرة في حياة الرسول والخلفاء الراشدين
آه حقيقة كثر المتسولين في وقتنا هذا ..... ربما أصبحت وظيفة وقريبا سيوضع فيها شهادة نجاح أو تخرج
أو حقيقة أنه قد انسدت كل الطرق لجلب المال ولكن لما انا لا اتسول لأني انا أيضا احتاج
حسبي اقتنعت ان التسول ليست حرفة بل وظيفة مشي مليحة وذلك بكثرتهم
حيث أصبحت بدعة
" من يتق الله يجعل له مخرجا ويرزقه من حيث لا يحتسب "

 

[la fole]

التسول رجع مهنة لانو المحتاج الحقيقي عمرو ما يمد يدو

 

[wissal07]

هذه افة والفقير صح عمرو ما يمد ايدو

 

[N@riM@N]

اولا: واش رايكم في هذي الضاهرة؟
....نووووووووووووووووورمااااال يخي بلاد ميكي؟عيش تشوف

ثانيا: وعلاش المتسولين كثروا في
...لخطراه كاين اديموقراطيه ولعدل واش نقلكـ

ثالثا: وبكل صراحة شحال من مرة حاولت تقنع نفسك ان التسول رجعت حرفة مشي حاجة ؟
...اليد العلي خير من اليد السفلى

 

[لحظة أمل]

المحتاج نتاع الصح مايمدش يدو
يروح يخدم اي حاجة ويغطي روحو
وولادو ماش يجي يربع في نص الطريق ويمد يدو
​

 

[سماح4]

انا وش نقلك ختي امينة كون محيتي وجهو على ااقل سترتيه هدي راكي فضحتيه عيب عليك

يا اختي مع احترامي ليك هذا راه فاضح روحو ويبالي لاباس عليه ....
صح التسول ولى حرفة وراح المحرم مع المجرم.والي عندو سمط على الي ما عندوش والله ولينا باش نمدو دراهم لواحد نقعدو نخمموا ساعة ياترى يستاهلها ولا لأ مع انو كلش يروح لرب العالمين والله يهدينا اجمعين ..​

 

[فؤاد الورقلي]

السلام عليكم

موضوع يستحق النقاش

ظاهرة التسول كما قلت يا اختي انتشرت بكثرة ولكن الاهم ان هؤلاء المتسولين يعملون لصالح عصابات ويقومون بجمع النقود ويسكبون الملايين بل اكثر والله اذكر لك مثال وانا نمشي مع صاحبي شفت امرأة تتسول قلت لصاحبي تسنى نعطوها الف او الفين قال هههه مالك انت مش عايش في البلاد المه دخلنا طاكسي فون تعرفي دخلت المراة تكلمت المراة مع رجل حتى كرهت وخلصت وخرجت واش تقولي
ان لا اقول انه لا يوجد فقراء لكن الفقير تع صح تجده يحشم باش يمد ايده ويتسول تجيه صعبية بعض الشي اما الشحات تلقاهم يجرو ويعيطوا باش يثيروا الشفقة
وهذا العصابات تجمع الاموال وتعطي متسول القليل مقابل الاكل والشرب وانا قرايت مواضيع جيدة عن هؤلاء خاصة تقرير قامت به جريدة الشروق وقد كشف الكثير وفضح العديد من العصابات

شكرا اختاه وفقك الله وبارك فيك

 

[اماني62]

اولا حبيت نمد ملاحضة للاخت rourou2 بخصوص التعليق ديالها يا اختي الصورة انا اخذتها من واقع مجتمعنا المر والمتسول ما حشمش بروحوا وانتي حشمتي بيه؟ اذا كان معجبكش الموضوع متعلقيش عليه حيكون افضل وثانيا التأففف من الشيطان وطريقتك في الكلام معجبتنيش بصح معليش مستوايا علمني ان المسامح كريم .
واخيرا حبيت نشكر الاخوة على الاهتمام بالموضوع والضاهرة لاصبحت من اهم الظواهر لتمس كرامة مجتمعنا الجزائري
وانا وعدت كل عضو قدم تعليق فالمستوى رايح يكون ليه تكريم على شرفي ....اختكم اماني​

 

[ملكة زماني]

جامي الفقير الحقيقي يمد يدو للعباد
هذو غير يكدبو
الا من رحم ربي

 

[اماني62]

السلام عليكم

موضوع يستحق النقاش

ظاهرة التسول كما قلت يا اختي انتشرت بكثرة ولكن الاهم ان هؤلاء المتسولين يعملون لصالح عصابات ويقومون بجمع النقود ويسكبون الملايين بل اكثر والله اذكر لك مثال وانا نمشي مع صاحبي شفت امرأة تتسول قلت لصاحبي تسنى نعطوها الف او الفين قال هههه مالك انت مش عايش في البلاد المه دخلنا طاكسي فون تعرفي دخلت المراة تكلمت المراة مع رجل حتى كرهت وخلصت وخرجت واش تقولي
ان لا اقول انه لا يوجد فقراء لكن الفقير تع صح تجده يحشم باش يمد ايده ويتسول تجيه صعبية بعض الشي اما الشحات تلقاهم يجرو ويعيطوا باش يثيروا الشفقة
وهذا العصابات تجمع الاموال وتعطي متسول القليل مقابل الاكل والشرب وانا قرايت مواضيع جيدة عن هؤلاء خاصة تقرير قامت به جريدة الشروق وقد كشف الكثير وفضح العديد من العصابات​

شكرا اختاه وفقك الله وبارك فيك​

لقد شرفتني تعليقاتكم في الموضوع فشكرا للجميع

واخص بتكريم اخي فؤاد الورقلي على المشاركة الفاعلة والتعليق لي كان في المستوى وناقش كل جوانب الظاهرة بوركت اخي
ولك منى فائق الاحترام.

​

​

 

[** غزال الصحراء **]

ينقل لمنتدى الحوار و النقاشات الجادة